Nayanthara marriage: నయనతార పెళ్లి ఏర్పాట్లు ముమ్మరం.. కేరళలోని ఆ ప్రదేశంలో! ఫైనల్‌గా ఫిక్సయ్యారలా..

సౌత్ ఇండియన్ లేడీ సూపర్ స్టార్ నయనతార పెళ్లి గురించిన వార్తలు గత కొన్ని రోజులుగా వైరల్ అవుతున్నాయి. దక్షిణాది సినీ ఇండస్ట్రీలో మోస్ట్ ఎలిజిబుల్ లేడీ బ్యాచిలర్ అయిన ఈ 36 ఏళ్ళ బ్యూటీ అతి త్వరలో పెళ్లి పీటలెక్కనుందని అంటున్నారు. ఇందుకు సంబంధించిన ఏర్పాట్లు జరుగుతున్నాయని, ప్రస్తుతం నయన్ కుటుంబ సభ్యులు అదే పనిలో నిమగ్నమై ఉన్నారనే టాక్ వినిపిస్తోంది. ఈ మేరకు కేరళలోని ఓ అమ్మవారి గుడిలో నయనతార పెళ్లి జరిపించాలని ఫిక్సయ్యారట.

Also Read: సర్‌ప్రైజ్.. బిగ్ బాస్ సీజన్ 4 టైటిల్ ప్రోమో రిలీజ్.. హోస్ట్ ఎవరో తెలుసా? గెట్ రెడీ ఆడియన్స్

కెరీర్ ప‌రంగా చాలా బిజీగా ఉంటున్న న‌య‌న‌తార వ్య‌క్తిగ‌త జీవితంలో ప్రేమ సంగతులే హైలైట్ అని చెప్పడంలో అతిశయోక్తి లేదు. కెరీర్ ఆరంభం లోనే హీరో శింబుతో ప్రేమాయణం కొనసాగించి బ్రేకప్ చెప్పిన నయన్.. ఆ తర్వాత ప్రముఖ కొరియోగ్రాఫర్ ప్రభుదేవాతో చెట్టాపట్టాలేసుకు తిరిగింది. వీరిద్దరూ పెళ్లి చేసుకుంటారని అంతా ఫిక్స్ అయ్యాక ఊహించని విధంగా ఆయనతో కూడా కట్ చేసుకుంది. అంతటితో ఆగక ఆ వెంటనే తమిళ దర్శకుడు విఘ్నేష్ శివన్‌తో ప్రేమాయణం స్టార్ చేసి.. గత కొంతకాలంగా విఘ్నేష్‌తో పబ్లిక్‌గా తిరుగుతోంది.

అయితే ఈ ప్రేమ బాగా ముదరడంతో ఇక పెళ్లి చేసుకోవాలని ఫిక్స్ అయిందట నయనతార- విఘ్నేష్ శివన్ జోడీ. ఈ నేపథ్యంలో వీరి పెళ్ళికి ఇరు కుటుంబాల అంగీకారం కూడా లభించిందట. ఈ క్రమంలోనే వీరి వివాహం త్వరలోనే తమిళనాడులో జరగనుందని వార్తలు వినిపించాయి కానీ, లేటెస్ట్ అప్‌డేట్ ప్రకారం కేరళలోని ఓ అమ్మవారి గుడిలో నయన్ పెళ్లి ఏర్పాట్లు జరుగుతున్నాయని తెలిసింది. అతిత్వరలో ఈ విషయాన్ని అఫీషియల్‌గా ప్రకటించనున్నారని నయన్ సన్నిహిత వర్గాలు పేర్కొంటున్నాయి.