Nidhhi Agerwal: పవన్ కళ్యాణ్‌తో ఇస్మార్ట్ బ్యూటీ రొమాన్స్.. లక్కీ ఛాన్స్ కొట్టేసిన నిధి అగర్వాల్!

ఇస్మార్ట్ బ్యూటీ నిధి అగర్వాల్ ఏకంగా పవర్ స్టార్ పవన్ కళ్యాణ్ సరసన నటించే లక్కీ ఛాన్స్ పట్టేసిందని తెలుస్తోంది. పవన్ కళ్యాణ్- క్రిష్ కాంబోలో రాబోతున్న సినిమా కోసం గత కొంతకాలంగా హీరోయిన్ వేట కొనసాగుతున్న సంగతి తెలిసిందే. ఈ నేపథ్యంలో లేటెస్ట్ సమాచారం మేరకు ఈ మూవీలో యంగ్ అండ్ టాలెంటెడ్ బ్యూటీ నిధి అగర్వాల్‌ని ఫైనల్ చేశారని తెలుస్తోంది. ఇప్పటికే నిధితో సంప్రదింపుల కార్యక్రమాలు కూడా ఫినిష్ అయ్యాయని టాక్.

పవన్ కళ్యాణ్‌తో రొమాన్స్ చేసే ఛాన్స్, పైగా క్రిష్ లాంటి టాలెంటెడ్ డైరెక్టర్ దర్శకత్వంలో అవకాశం కావడంతో ఏ మాత్రం ఆలోచించకుండా వెంటనే ఓకే చెప్పిందట నిధి అగర్వాల్. పారితోషికం విషయంలోనూ ఎలాంటి డిస్కషన్స్ రాకుండానే నిధి రెడీ అనేసిందని విశ్వసనీయ వర్గాల సమాచారం. అతి త్వరలో దీనిపై అఫీషియల్ ప్రకటన రానుందని తెలుస్తోంది.

Also Read: డబ్బు కోసం అలాంటి పనులా? ఈ జన్మలో చేయను.. బిగ్ బాస్‌పై విష్ణుప్రియ సంచలన వ్యాఖ్యలు

రెండేళ్లపాటు రాజకీయాలతో బిజీగా ఉన్న పవన్ కళ్యాణ్ తిరిగి సినిమాల జోరు పెంచేశారు. ఇప్పటికే వకీల్ సాబ్ షూటింగ్‌లో బిజీగా ఉన్న ఆయన.. క్రిష్ దర్శకత్వంలో చేయనున్న సినిమాపై స్పెషల్ ఫోకస్ పెట్టారు. మరోవైపు పీరియాడికల్‌ డ్రామాగా ఈ సినిమాను రూపొందించనున్న డైరెక్టర్ క్రిష్.. త్వరత్వరగా షూటింగ్ కంప్లీట్ చేసేలా ప్లాన్ చేశారట. ఇక ఈ సినిమాకు 'విరూపాక్ష' అనే బలమైన టైటిల్ పరిశీలనలో ఉందని టాక్. ఇందులో పాటల కంటే ఎక్కువగా కథకే ప్రాధాన్యత ఇస్తున్నారట క్రిష్.