Pawan Kalyan: పవన్ కళ్యాణ్ అభిమానులకు గుడ్ న్యూస్.. పవర్ స్టార్ పుట్టిన రోజు కానుక సిద్ధం!

పవర్ స్టార్ పవన్ కళ్యాణ్ అభిమానులకు ఇది నిజంగా శుభవార్తే. సెప్టెంబర్ 2న రాబోతున్న పవన్ కళ్యాణ్ బర్త్ డే సందర్భంగా ఓ సర్‌ప్రైజ్ గిఫ్ట్ రెడీ చేస్తోందట వకీల్ సాబ్ చిత్రయూనిట్. పవన్ పుట్టిన రోజున సోషల్ మీడియా అంతా హోరెత్తిపోయేలా ఈ అప్‌డేట్ ఉండనుందని విశ్వసనీయ వర్గాల సమాచారం. పవన్ రీ- ఎంట్రీ మూవీ కాబట్టి చాలా గ్రాండ్‌గా ఉండాలని ప్లాన్ చేస్తున్న మేకర్స్ పవన్ కళ్యాణ్ బర్త్ డే కానుక ద్వారా మెగా శిబిరాల్లో నూతనోత్సాహం నింపనుందని తెలుస్తోంది.

Also Read: వేశ్య అందుకోసం బట్టలిప్పితే ఈయన చేసేది మాత్రం..! పచ్చి బూతులతో రెచ్చిపోయిన రామ్ గోపాల్ వర్మ

'అజ్ఞాతవాసి' మూవీ తర్వాత రెండేళ్ల పాటు రాజకీయ ప్రయాణం చేసి తిరిగి కెమెరా ముందుకొచ్చిన పవన్ కళ్యాణ్ వరుస సినిమాలను లైన్‌లో పెట్టారు. అందులో మొదటిదే వేణు శ్రీరామ్ దర్శత్వంలో రూపొందుతున్న వకీల్ సాబ్ మూవీ. బాలీవుడ్ మూవీ ‘పింక్‌’ రీమేక్‌గా బోనీకపూర్ సమర్పణలో దిల్ రాజు ఈ సినిమాను రూపొందిస్తున్నారు. చిత్రంలో పవన్ కళ్యాణ్ సరసన అంజలి, నివేత థామస్, అనన్య నాగేళ్ల హీరోయిన్లుగా నటిస్తున్నారు. ఇప్పటికే 80 శాతం షూటింగ్ కూడా ఫినిష్ అయింది.

ఈ మూవీలో పవన్ కళ్యాణ్ లాయర్ పాత్రలో కనిపించనున్నారు. ఇప్పటికే విడుదలైన వకీల్ సాబ్ ఫస్ట్ లుక్ పోస్టర్ మెగా అభిమానుల్లో భారీ అంచనాలు నెలకొల్పింది. కరోనా కారణంగా ఈ సినిమా షూటింగ్ ఆగిపోవడంతో విడుదల ఆలస్యమవుతూ వస్తోంది. ఈ పరిస్థితుల్లో పవన్ కళ్యాణ్ బర్త్ డే కానుక సిద్ధమవుతుందని తెలుస్తుండటంతో వకీల్ సాబ్ పైనే అందరి దృష్టి పడింది. దీంతో ఈ సినిమా టీజర్ రిలీజ్ చేస్తారా? లేక ఇంకేదైనా సర్‌ప్రైజ్ ఇచ్చి ఖుషీ చేస్తారా? అనే కోణంలో చర్చించుకున్నారు మెగా అభిమానులు.