Pawan Kalyan Wants To Earn 500 Ccrore Rupees Before Next Year Elections Says Reports
ఎన్నికల లోపు 500 కోట్లు.. పవన్ కళ్యాణ్ లక్ష్యం ఇదే!
పవన్ కళ్యాణ్ వరుసగా సినిమాలతో బిజీ అయిపోయారు. ఇక సినిమాలే చేయను అన్న ఆయన వరుస పెట్టి చేసేసుకుంటూపోతున్నారు. ప్రస్తుతం ఆయన చేతిలో ఆరు సినిమాలు ఉన్నాయట. అసలు పవన్ వరుస పెట్టి ఇన్ని సినిమాలు చేసుకుంటూపోవడానికి వెనక బలమైన కారణం ఉంది.
Samayam Telugu26 Feb 2020, 10:45 am
పవన్ కళ్యాణ్ వరుసగా సినిమాలతో బిజీ అయిపోయారు. ఇక సినిమాలే చేయను అన్న ఆయన వరుస పెట్టి చేసేసుకుంటూపోతున్నారు. ప్రస్తుతం ఆయన చేతిలో ఆరు సినిమాలు ఉన్నాయట. అసలు పవన్ వరుస పెట్టి ఇన్ని సినిమాలు చేసుకుంటూపోవడానికి వెనక బలమైన కారణం ఉంది.
ఫ్యాన్స్ ఫుల్ ఖుష్
రాజకీయాల్లోకి వెళ్లిన పవర్స్టార్ పవన్ కళ్యాణ్.. అసలు ఇక సినిమాల వైపే చూడను, తన జీవితం ప్రజల కోసం అంకితం చేయాలని అనుకుంటున్నాను అన్నారు. దాంతో పవర్స్టార్ ఫ్యాన్స్ బాగా హర్ట్ అయ్యారు. ఇక ఆయన్ను వెండితెరపై చూడలేమని తెగ బాధపడిపోయారు. కానీ దేవుడు అభిమానుల బాధ అర్థం చేసుకున్నట్లున్నాడు. అందుకే పవన్ కళ్యాణ్ మళ్లీ సినిమాల్లోకి రీఎంట్రీ ఇచ్చారు. ఇంకేముంది ఫ్యాన్స్ ఆనందానికి అవధుల్లేకుండాపోయాయి.
ఏడాదికి ఒక సినిమా అనుకున్నారు
ప్రస్తుతం రాజకీయాలతో బిజీగా ఉన్న పవన్ కళ్యాణ్ మళ్లీ సినిమాల్లోకి రీఎంట్రీ ఇచ్చారు కానీ మహా అయితే ఏడాదికి ఒక్కటే సినిమా చేస్తారని అనుకున్నారంతా. కానీ ఆయన వరుస పెట్టి సినిమాలకు సంతకాలు చేసుకుంటూపోతుండడంతో ఫ్యాన్స్ కూడా షాక్లో ఉన్నారు. ప్రస్తుతం పవన్.. వేణు శ్రీరామ్ దర్శకత్వంలో తెరకెక్కుతున్న ‘పింక్’ తెలుగు రీమేక్ సినిమాలో నటిస్తున్నారు. షూటింగ్ శరవేగంగా జరిగిపోతోంది. సెట్స్కు వవన్.. నిర్మాత దిల్రాజు ఏర్పాటుచేసిన స్పెషల్ ఫ్లైట్లో వచ్చి మరీ వెళ్తున్నారు.
క్రిష్, హరీష్లతోనూ....
‘పింక్’ రీమేక్తో పాటు క్రిష్ జాగర్లమూడితో కలిసి ఓ సినిమా చేయబోతున్నారు పవన్. ఈ సినిమాకు ‘విరూపాక్ష’ అనే టైటిల్ కన్ఫర్మ్ అయిందని తెలుస్తోంది. హీరోయిన్గా కీర్తి సురేష్ను ఎంపిక చేసుకున్నారట. గతంలో వీరిద్దరూ కలిసి ‘అజ్ఞాతవాసి’ సినిమాలో నటించారు. కానీ ఇది బాక్సాఫీస్ వద్ద డిజాస్టర్ అయింది. ఈ రెండు సినిమాలే కాకుండా పవన్.. ‘గబ్బర్ సింగ్’ డైరెక్టర్ హరీష్ శంకర్తో ఓ సినిమా చేయబోతున్నట్లు ప్రకటించారు. ప్రస్తుతం ప్రీ ప్రొడక్షన్ పనులు జరుగుతున్నాయి.
సాయం చేసినోడి కోసం
ఈ మూడు సినిమాలేనా అనుకోకండి.. దర్శకుడు డాలీతో కలిసి సినిమా చేయడానికి పవన్ గ్రీన్ సిగ్నల్ ఇచ్చినట్లు తెలుస్తోంది. ఈ సినిమాకు ‘డిస్కో రాజా’ సినిమాను నిర్మించిన రామ్ తాళ్లూరి నిర్మాతగా వ్యవహరించనున్నారట. పవన్ జనసేన పార్టీ స్థాపించినప్పుడు ఎన్నికల సమయంలో డాలీ పవన్కు తనవంతు సాయం చేసాడు. ఆ స్నేహభావంతోనే పవన్ అతనితో సినిమా చేయడానికి ఒప్పుకున్నట్లు తెలుస్తోంది. వీటన్నింటితో పాటు హారిక హాసిని క్రియేషన్స్తో ఓ సినిమా, దిల్ రాజుతో కలిసి మరో సినిమా చేయాలని ప్లాన్ చేస్తున్నారట.
ఇన్ని సినిమాలు ఎందుకంటే...
పవన్ రాజకీయాలతో బిజీగా ఉన్నప్పుడు ఒకేసారి ఇన్ని సినిమాలు ఎలా చేస్తారు అనేగా మీ సందేహం. అయితే పవన్ ఈ సినిమాలన్నీ చేసేది తన పార్టీని బలోపేతం చేసుకోవడం కోసమేనట. వచ్చే ఎన్నికల నాటికి జనసేన పార్టీకి రూ.500 కోట్లు కావాలి. పవన్ లాంటి సత్తా ఉన్న హీరోకి ఎన్ని కోట్లు కావాలంటే అన్ని కోట్లు ఇచ్చి సినిమా చేయించుకునే నిర్మాతలు బోలెడు మంది ఉన్నారు. అందుకే సినిమాల ద్వారా ఆ రూ.500 కోట్లు సంపాదించి వచ్చే ఎన్నికల కోసం వినియోగించాలని పవన్ ప్లాన్ వేసారట.
ప్రతీ సినిమాకు 50 కోట్లు
పవన్ ప్రతీ సినిమాకు ఎంతకాదన్నా రూ.50 కోట్లు పారితోషికంగా తీసుకుంటారు. అలా చూసుకుంటే ఆల్రెడీ పవన్ అకౌంట్లోకి రూ.300 కోట్లు వచ్చినట్లే. ఉదయం స్పెషల్ ఫ్లైట్లో షూటింగ్స్ కోసం హైదరాబాద్ వస్తున్న పవన్.. సాయంత్రానికల్లా పార్టీ పనులు చూసుకోవడానికి అమరావతి వెళ్లిపోతున్నారని టాలీవుడ్ వర్గాల సమాచారం. మొత్తానికి పవన్ రాజకీయ, సినీ కెరీర్ను చక్కగా బ్యాలెన్స్ చేసుకుంటూ ముందుకెళుతున్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.