యాప్నగరం

Ram Charan: రామ్ చరణ్‌తో చేతులు కలిపిన మహేష్ బాబు.. మెగా పవర్ స్టార్ తదుపరి ప్రాజెక్టుపై కీలక అప్‌డేట్!

మెగా పవర్ స్టార్ రామ్ చరణ్, సూపర్ స్టార్ మహేష్ బాబు కాంబోలో మూవీ రానుందని తెలుస్తోంది. చెర్రీ తదుపరి ప్రాజెక్టు కోసం ఈ ఇద్దరు స్టార్ హీరోలు చేతులు కలపనున్నారనేది లేటెస్ట్ టాక్.

Samayam Telugu 13 Jul 2020, 2:25 pm
నేటితరం హీరోలు ఒకరి సినిమాల్లో ఒకరు భాగం కావడానికి అమితమైన ఆసక్తి చూపిస్తున్నారు. ప్రేక్షకులు సైతం ఇలాంటి సినిమాలను బాగా ఆధరిస్తుండటం చూస్తున్నాం. ఈ విషయం గమనించిన రామ్ చరణ్ పక్కాగా అడుగులేస్తున్నారు. ఓ వైపు నటుడిగా రాణిస్తూ మరోవైపు నిర్మాతగా సత్తా చాటుతున్నారు. ఈ క్రమంలోనే యంగ్ టైగర్ ఎన్టీఆర్‌తో RRR మూవీ చేస్తున్న ఆయన.. తన తదుపరి ప్రాజెక్ట్‌ కోసం సూపర్ స్టార్ మహేష్ బాబుతో చేతులు కలిపారని తెలుస్తోంది. టాప్ హీరోలు మహేశ్ బాబు, రామ్ చరణ్ కలయికలో ఓ కొత్త సినిమా రాబోతుందని తాజాగా ఓ న్యూస్ బయటకు వచ్చింది.
Samayam Telugu రామ్ చరణ్_తో చేతులు కలిపిన మహేష్ బాబు.. మెగా పవర్ స్టార్ తదుపరి ప్రాజెక్టుపై కీలక అప్_డేట్!
Ram Charan Mahesh babu


RRR తర్వాత రామ్ చరణ్ చేయనున్న సినిమాపై సర్వత్రా ఆసక్తి నెలకొంది. ఆయన ఏ డైరెక్టర్‌తో చేయబోతున్నాడు? ఆ మూవీ వివరాలేంటి? అనే దానిపై ఫోకస్ పెట్టారు మెగా అభిమానులు. అయితే చెర్రీ నెక్స్ట్ ప్రాజెక్టు విషయమై సందీప్ రెడ్డి వంగా, అనిల్ రావిపూడి, సురేందర్ రెడ్డి, కొరటాల శివ వంటి డైరెక్టర్ల పేర్లు వినిపించినప్పటికీ తాజాగా మరో డైరెక్టర్ వంశీ పైడిపల్లి పేరు తెరపైకి వచ్చింది. అంతేకాదు ఈ సినిమాలో మహేష్ బాబు కూడా భాగం కాబోతున్నారని సమాచారం.

Also Read: Apsara Rani: వర్మకు ఆ.. ఛాన్స్ ఇవ్వలేదు, మా మధ్య అది జరగలేదు.. అందుకే నగ్నం-2లో ఆమె

ఇటీవలే రామ్ చరణ్‌ని కలిసిన స్టైలిష్ డైరెక్టర్ వంశీ పైడిపల్లి ఆయనకు ఓ స్టోరీలైన్ వినిపించారట. అది నచ్చిన చెర్రీ.. పూర్తి స్క్రిప్ట్ డెవలప్ చేయమని చెప్పారట. అయితే ఈ సినిమాను 'జి మ‌హేష్‌బాబు ఎంట‌ర్‌టైన్‌మెంట్' బ్యానర్‌పై భారీ బడ్జెట్‌తో సూపర్ స్టార్ మహేష్ బాబు నిర్మించబోతున్నారని తెలుస్తుండటం మరింత ఆసక్తికరంగా మారింది. మరికొద్ది రోజుల్లోనే దీనిపై అఫీషియల్ స్టేట్‌మెంట్ కూడా రానుందని విశ్వసనీయ వర్గాల సమాచారం.

గతంలో రామ్ చరణ్- వంశీ పైడిపల్లి కాంబోలో 'ఎవడు' మూవీ వచ్చిన సంగతి తెలిసిందే. ఈ నేపథ్యంలోనే ఈ ఇద్దరి కాంబో రిపీట్ కానుందని, పైగా దానికి మహేష్ బాబు నిర్మాణ భాగస్వామిగా ఉంటారని తెలుస్తుండటం మెగా అభిమానులను హుషారెత్తిస్తోంది. చూడాలి మరి ఈ ఆసక్తికర విషయం ఎంతవరకు నిజమవుతుందనేది!.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.