Rgv: బావ రాజ్యం.. ఏంటి! వర్మ కన్ను అక్కడ కూడా పడిందా? మెగా ఫ్యామిలీని వదలని ఆర్జీవీ

సంచలన దర్శకుడు రామ్ ‌గోపాల్ వర్మ వరుస కాంట్రవర్సీ సినిమాలతో సెన్సేషన్ క్రియేట్ చేస్తున్న సంగతి తెలిసిందే. సినీ లోకమంతా ఈ లాక్‌డౌన్ కారణంగా షూటింగ్స్ నిలిపివేసి ఇంటికే పరిమితం కాగా.. వర్మ మాత్రం తన క్రియేటివిటీకి పదును పెడుతూ సినిమాలు రూపొందిస్తున్నారు. అడల్ట్ సినిమాలతో యూత్ ఆడియన్స్‌ని ఆకర్షిస్తూనే పొలిటికల్, సెటైరికల్ మూవీస్‌తో నిత్యం సినీ, రాజకీయ వర్గాల చర్చల్లో నిలుస్తున్నారు.

తన సినిమాలకు థియేటర్స్‌తో పని లేదన్నట్లుగా దూసుకుపోతున్న ఆర్జీవీ.. సొంతంగా ఓ డిజిటల్ ప్లాట్‌ఫామ్ RGV World Theatre ప్రారంభించారు. దీనిపై ఇటీవలే పవన్ కళ్యాణ్ టార్గెట్‌గా 'పవర్ స్టార్' సినిమాను విడుదల చేసి సంచలనాలకు కేంద్ర బిందువుగా నిలిచారు. ఈ క్రమంలో వర్మ ఆఫీసుపై పవన్ ఫ్యాన్స్ దాడి.. 'పవర్ స్టార్'కు పోటీగా ఆర్జీవీ రియల్ క్యారెక్టర్ చూపిస్తూ మరో సినిమా విడుదల కావడం లాంటి పరిణామాలు చోటుచేసుకున్నాయి. అయినప్పటికీ ఏ మాత్రం వెనక్కితగ్గని వర్మ.. తాజాగా మరో సంచలనానికి తెరలేపనున్నట్లు తెలుస్తోంది.

Also Read: పవన్ 3 పెళ్లిళ్లే చేసుకుంటా.. రేప్‌లు చేయలేదు, మీలా ఏడుగుర్ని మార్చలేదు: ఆమె ఫైర్ అయ్యింది!

మెగా ఫ్యామిలీని వదలేదే లేదన్నట్లుగా ఈ సారి బడా నిర్మాత అల్లు అరవింద్‌పై మూవీ ప్లాన్ చేస్తున్నారనే సమాచారాలు షికారు చేస్తున్నాయి. అప్పట్లో చిరంజీవి పెట్టిన ప్రజారాజ్యం పార్టీ నేపథ్యంలో ఆ సంగతులన్నీ చూపిస్తూ అల్లు అరవింద్‌ని హైలైట్ చేసేలా ఈ మూవీ ఉండనుందని తెలుస్తోంది. అంతేకాదు ఈ సినిమాకు 'బావ రాజ్యం' అనే టైటిల్ కూడా వర్మ కన్ఫర్మ్ చేసి పెట్టుకున్నారనే న్యూస్ ఫిలిం నగర్ సర్కిల్స్‌లో వైరల్ అవుతోంది. సో.. చూడాలి మరి దీనిపై మెగా ఫ్యాన్స్ ఎలా రియాక్ట్ అవుతారనేది!.