S. S. Rajamouli: రామ్ చరణ్, ఎన్టీఆర్‌లను పక్కనబెట్టిన రాజమౌళి!! మహేష్ బాబుపై స్పెషల్ ఫోకస్

దేశంలో కరోనా మహమ్మారి చేస్తున్న విలయతాండవం అందరి ఆలోచనలకు, ప్రణాళికలను తలక్రిందులు చేసేసింది. కరోనా ఎఫెక్ట్ అన్ని రంగాలపై పడింది. ముఖ్యంగా సినీ ఇండస్ట్రీకి కోలుకోలేని దెబ్బపడింది. షూటింగ్స్ అన్నీ ఎక్కడికక్కడ నిలిచిపోవడంతో దర్శకనిర్మాతలకు తీవ్ర నష్టం వాటిల్లింది. షూటింగ్స్ రీ ఓపెన్ చేసుకోవచ్చని ప్రభుత్వ అనుమతులు వచ్చినప్పటికీ తాజా పరిస్థితుల్లో షూటింగ్ చేయడం అంత మంచిదికాదని చాలా సినిమాలు సెట్స్ పైకి రాలేదు. దీంతో ఇలా అయితే లాభంలేదని రాజమౌళి తన ట్రాక్ చేంజ్ చేశారని తెలుస్తోంది.

దర్శకధీరుడు రాజమౌళి రూపొందిస్తున్న తాజా సినిమా RRR (రౌద్రం ర‌ణం రుధిరం). రామ్ చరణ్, ఎన్టీఆర్ హీరోలుగా ఎంతో ప్రతిష్టాత్మకంగా ఈ మూవీని తెరకెక్కిస్తున్నారు. కాగా కరోనా ఎఫెక్ట్‌తో ఈ మూవీ షూటింగ్ వాయిదా పడింది. ఇప్పటి ప‌రిస్థితులు చూస్తుంటే RRR రెగ్యులర్ షూటింగ్ స్టార్ట్ చేయడానికి స‌మ‌యం ప‌ట్టేలా కనిపిస్తోంది. దీంతో ఆలోచన చేసిన రాజమౌళి.. ఈ గ్యాప్‌లో మహేష్ బాబుతో చేయనున్న సినిమా స్క్రిప్ట్ వర్క్‌పై ఫోకస్ పెట్టాలని డిసైడ్ అయ్యారట.

Also Read: Prabhas 20 First look: హీరోయిన్‌తో రొమాంటిక్ స్టిల్.. రెబల్ స్టార్ అభిమానులకు సూపర్ కిక్

ఈ మేరకు తండ్రి విజ‌యేంద్ర ప్ర‌సాద్‌తో క‌లిసి మంచి క‌థ‌ను సిద్ధం చేసే ప‌నిలో రాజ‌మౌళి ఉన్నార‌ని తెలుస్తోంది. ఈ మూవీని ఈ సినిమాను కేఎల్ నారాయణ నిర్మిస్తారని ముందే ప్రకటించారు రాజమౌళి. కమర్షియల్ కథకు థ్రిల్లింగ్ అంశాలు జోడించి కథ రెడీ చేస్తున్నట్లు విశ్వసనీయ వర్గాల సమాచారం.