Vijay Deverakonda: ఆ హీరోలు కాదన్న కథతోనే `వరల్డ్‌ ఫేమస్‌ లవర్`

టాలీవుడ్‌ సెన్సేషనల్‌ హీరోగా విజయ్‌ దేవరకొండ హీరోగా తెరకెక్కుతున్న సినిమా వరల్డ్‌ ఫేమస్‌ లవర్‌. రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమాలో విజయ్‌కి జోడిగా నలుగురు అందాల భామలు నటిస్తున్నారు. ఫీల్‌ గుడ్‌ చిత్రాల దర్శకుడు క్రాంతి మాధవ్‌ దర్శకత్వంలో తెరకెక్కుతున్న ఈ సినిమాలో రాశీఖన్నా, కేథరిన్‌ థ్రెస్సా, ఐశ్వర్యా రాజేష్‌, ఇసా బెల్లాలు హీరోయిన్లుగా నటిస్తున్నారు.

ప్రస్తుతం చిత్రీకరణ జరుపుకుంటున్న ఈ సినిమాకు సంబంధించి ప్రమోషన్‌ కార్యక్రమాలను కూడా ప్రారంభించారు చిత్రయూనిట్. ఇప్పటికే క్యారెక్టర్‌ పోస్టర్‌లతో పాటు టీజర్‌ను కూడా రిలీజ్ చేశారు. అయితే టీజర్‌కు మిశ్రమ స్పందన వస్తోంది. విజయ్‌ ఇంకా అర్జున్‌ రెడ్డి హ్యాంగోవర్‌ నుంచి బయటకు రాలేదన్న అభిప్రాయాన్ని వ్యక్తం చేస్తున్నారు అభిమానులు.
Also Read: అల్లు vs మెగా: బన్నీని మెగా ఫ్యామిలీ దూరం పెట్టిందా..?

తాజాగా ఈ సినిమాకు సంబంధించి ఆసక్తికర వార్త టాలీవుడ్‌ సర్కిల్స్‌లో వినిపిస్తోంది. ఓనమాలు, మళ్లీ మళ్లీ ఇది రానీ రోజు లాంటి ఫీల్‌గుల్‌ చిత్రాలను తెరకెక్కించిన క్రాంతి మాధవ్‌ తరువాత సునీల్‌ హీరోగా ఉంగరాల రాంబాబు అనే సినిమాతో నిరాశపరిచాడు. ఆ తరువాత వరల్డ్‌ ఫేమస్‌ లవర్‌ కథను రెడీ చేసుకొని ఒకరిద్దరు హీరోలను సంప్రదించాడు.

సాయి ధరమ్‌ తేజ్‌, శర్వానంద్‌లు కూడా ఈ లిస్ట్‌లో ఉన్నారట. అయితే వాళ్లు ఒప్పుకోకపోవటంతో వరల్డ్‌ ఫేమస్‌ లవర్‌ కథ విజయ్‌ దేవరకొండ దగ్గరకు వచ్చింది. విజయ్‌ అంగీకరించటంతో వెంటనే ప్రాజెక్ట్ పట్టాలెక్కింది. ప్రస్తుతం నిర్మాణ కార్యక్రమాలు జరుపుకుంటున్న ఈ సినిమాను ప్రేమికుల రోజు కానుకగా ఫిబ్రవరి 14న రిలీజ్ చేసేందుకు ప్లాన్ చేస్తున్నారు.