విజయ్ దేవరకొండ స్థానంలో నాగ చైతన్య.. ఆయనతో రెడీ! వైరల్ అవుతున్న ఇంట్రెస్టింగ్ అప్‌డేట్

రౌడీ స్టార్ విజయ్ దేవరకొండ చేయాలనుకున్న ఓ సినిమా అక్కినేని నాగ చైతన్య చేతిలో పడిందని తెలుస్తోంది. రీసెంట్‌గా నాచురల్ స్టార్ నానితో 'టక్ జగదీష్' సినిమా రూపొందించి మిశ్రమ స్పందన తెచ్చుకున్న డైరెక్టర్ శివ నిర్వాణ.. తన తదుపరి సినిమా కోసం ప్రయత్నాలు చేస్తున్నారట. ఈ సినిమాను విజయ్ దేవరకొండతో చేయనున్నట్లు వార్తలు వచ్చాయి. కానీ లేటెస్ట్ సమాచారం మేరకు ఈ కథపై మరో యంగ్ హీరో నాగ చైతన్య ఇంట్రెస్ట్ చూపారని, ఆయనతోనే ఈ ప్రాజెక్ట్ పట్టాలెక్కే అవకాశం ఉందని అంటున్నారు.

మైత్రీ మూవీ మేకర్స్ బ్యానర్‌పై తనదైన కోణంలో ఓ యూత్ ఫుల్ స్టోరీని సిద్ధం చేసుకున్నారట శివ నిర్వాణ. ఈ కథను విజయ్ దేవరకొండ హీరోగా ప్లాన్ చేశారట కానీ దీనిపై విజయ్ అంతగా ఇంట్రెస్ట్ చూపకపోవడంతో ఇటీవలే నాగ చైతన్యతో డిస్కస్ చేశారట. దీనిపై చైతూ సానుకూలంగా స్పందించి డేట్స్ సర్దుబాటు గురించి ఆలోచన చేస్తున్నారట.
Samantha: మీ మాటలు ఎంకరేజ్ చేస్తున్నాయి.. ప్రియాంక చోప్రా కామెంట్స్‌పై అక్కినేని కోడలి రియాక్షన్
గతంలో శివ నిర్వాణ దర్శకత్వంలో 'మజిలీ' సినిమా చేసిన చైతూ.. మరోసారి ఆయనతో సినిమా చేసేందుకు రెడీ అన్నారట. ఇది యువతను కట్టిపడేసే ఓ ఇంట్రెస్టింగ్ స్టోరీ అని తెలుస్తోంది. త్వరలోనే దీనిపై అఫీషియల్ స్టేట్‌మెంట్ కూడా ఇవ్వనున్నారని తెలుస్తోంది. ఇప్పటికే శేఖర్ కమ్ముల దర్శకత్వంలో 'లవ్ స్టోరీ' మూవీ కంప్లీట్ చేసి ప్రేక్షకుల ముందుకొచ్చేందుకు రెడీ అయిన చైతూ.. ప్రస్తుతం నాగార్జునతో కలిసి 'బంగార్రాజు', విక్రమ్ కుమార్ దర్శకత్వంలో ‘థాంక్యూ’ సినిమా చేస్తున్నారు. ఈ రెండు సినిమాల షూటింగ్స్ శరవేగంగా సాగుతున్నాయి. సో.. చూడాలి మరి శివ నిర్వాణకు నాగ చైతన్య ఎప్పుడు డేట్స్ ఇస్తారనేది!.