నవీన్ పోలిశెట్టితో పెళ్లి సందD బ్యూటీ.. ఎస్ అనేసిన అందాల రాణి!

నేటితరం యువ హీరోల్లో తనకంటూ స్పెషల్ ఇమేజ్ క్రియేట్ చేసుకున్నాడు హైదరాబాదీ కుర్రోడు నవీన్ పోలిశెట్టి. 'లైఫ్ ఈజ్ బ్యూటిఫుల్' సినిమాతో తెలుగుతెరపై కాలుమోపి రీసెంట్‌గా వచ్చిన 'జాతి రత్నాలు' సినిమాతో తెగ పాపులారిటీ సంపాదించాడు. దీంతో ఆయనకు వరుస అవకాశాలు తలుపుతడుతున్నాయి. ఈ క్రమంలోనే నవీన్ చేయబోతున్న ఓ కొత్త సినిమాలో పెళ్లి సందD బ్యూటీ శ్రీ లీలను హీరోయిన్‌గా తీసుకున్నారని తెలుస్తోంది.

ఇటీవలే నవీన్ పోలిశెట్టి కొత్త సినిమా అనౌన్స్ చేసిన సంగతి తెలిసిందే. సితార ఎంటర్‌టైన్‌మెంట్స్‌, ఫార్చ్యూన్‌ 4 సినిమాస్‌ బ్యానర్ల సంయుక్త సమర్పణలో ఈ సినిమాను రూపొందిస్తున్నారు. కళ్యాణ్ శంకర్ దర్శకత్వంలో పెళ్లి నేపథ్యంలో కలర్‌ఫుల్ కామెడీ ఎంటర్టైనర్‌గా ఈ సినిమాను తెరకెక్కిస్తున్నారు. దీనికి ‘అనగనగా ఒక రాజు’ అనే టైటిల్ కన్ఫర్మ్ చేసి ఫస్ట్ లుక్, గ్లింప్స్ రిలీజ్ చేసి ప్రేక్షకుల నుంచి విశేష స్పందన అందుకున్నారు.

ఈ నేపథ్యంలోనే తాజాగా ఈ సినిమా నుంచి మరో ఆసక్తికర అప్‌డేట్ బయటకొచ్చింది. ఈ సినిమాలో హీరోయిన్‌గా పెళ్లి సందD బ్యూటీ శ్రీ లీలను ఎంపిక చేశారని అంటున్నారు. ఇప్పటికే ఆమెతో సంప్రదింపులు కూడా జరపగా.. ఆమె 'ఎస్' అనేసిందని తెలుస్తోంది. త్వరలోనే దీనిపై అధికారిక ప్రకటన రానుందని ఫిలిం నగర్ టాక్. అదేవిధంగా ప్రస్తుతం ప్రీ ప్రొడక్షన్ పనులతో బిజీగా ఉన్న యూనిట్.. అతి త్వరలో ఈ మూవీ షూటింగ్ ప్రారంభించనున్నారట.
జీవితంలో ఇంతకన్నా బెస్ట్ ఆప్షన్ లేదు.. నమ్రత ఎమోషనల్ పోస్ట్
ఇకపోతే యమ స్పీడుగా అడుగులేస్తున్న నవీన్ పోలిశెట్టి మరో సినిమాలో స్టార్ హీరోయిన్ అనుష్కతో తెర పంచుకోబోతున్నారు. రా రా కృష్ణయ్య దర్శకుడు మహేష్ దర్శకత్వంలో రొమాంటిక్ కామెడీ ఎంటర్‌టైనర్‌గా ఈ సినిమా రూపొందనుంది. సో.. చూస్తుంటే ఈ ఏడాది వెండితెరపై 'జాతి రత్నం' కలరింగ్ బాగానే ఉంటుందని తెలుస్తోంది కదూ!.