Virupaksha: ‘విరూపాక్ష’ ప్రీరిలీజ్ బిజినెస్.. సాయిధరమ్ తేజ్ కెరీర్‌లోనే బిగ్గెస్ట్!

SVCC, సుకుమార్ రైటింగ్స్ బ్యానర్స్‌పై బీవీఎస్‌ఎన్ ప్రసాద్ నిర్మించిన ‘విరూపాక్ష’ (Virupaksha) ఈ శుక్రవారం (ఏప్రిల్ 21) ప్రేక్షకుల ముందుకు రానుంది. సుప్రీం హీరో (Supreme Hero) సాయిధరమ్ తేజ్ (Sai Dharam Tej), మలయాళ బ్యూటీ సంయుక్త మీనన్ (Samyuktha Menon) జంటగా నటించిన చిత్రాన్ని సుకుమార్ (Sukumar) శిష్యుడు కార్తిక్ వర్మ (Karhtik Varma) తెరకెక్కించాడు. ప్రస్తుతం మూవీ టీమ్ ప్రమోషన్స్‌లో చురుగ్గా పాల్గొంటోంది. ఇదిలా ఉంటే, సాయిధరమ్ కెరీర్‌లోనే భారీ బడ్జెట్‌తో రూపొందిన ఈ చిత్ర ప్రీ రిలీజ్ బిజినెస్ (Pre Release Business) ఇండస్ట్రీ వర్గాలను ఆశ్చర్యపరుస్తోంది.తెలిసిన సమాచారం మేరకు ‘విరూపాక్ష’ మూవీ.. వరల్డ్ వైడ్ థియేట్రికల్ రైట్స్‌ను రూ. 25 కోట్లకు విక్రయించింది. సాయిధరమ్ సినిమాకు ఈ రేంజ్ బిజినెస్ జరగడం ఇదే మొదటిసారి. అయితే రిలీజ్ తర్వాత ఇంత మేర కలెక్ట్ చేస్తుందా? అని పలువురు సందేహాలు వ్యక్తం చేస్తు్న్నారు. ఎందుకంటే ఈ చిత్రానికి ఇప్పటి వరకు అడ్వాన్స్ బుకింగ్స్ చాలా తక్కువగా ఉన్నాయి. సినిమా బాగుండి మౌత్ టాక్ స్ప్రెడ్ అయితే ఇవి పెరిగే అవకాశం ఉంది. అలాగే శనివారం ఈద్ హాలిడే కావడం సానుకూలాంశం. కలెక్షన్లు పెరిగేందుకు ఇది కొంచెం సాయపడుతుంది.

విరూపాక్ష థియేట్రికల్ బిజినెస్ విషయానికొస్తే.. నైజాం రూ. 7.20 కోట్లు, సీడెడ్ రూ. 4 కోట్లు, ఆంధ్ర రూ. 11 కోట్లు, ROI రూ. 1.30 కోట్లు, ఓవర్సీస్ రూ. 1.50 కోట్లు. మొత్తంగా ప్రపంచవ్యాప్తంగా రూ. 25 కోట్ల బిజినెస్ జరిగింది. అయితే ఈ రేంజ్ బిజినెస్ జరగడానికి మూవీ కంటెంట్‌తో పాటు వెనకాల స్టార్ డైరెక్టర్ సుకుమార్ ఉండటం కారణమని తెలుస్తోంది. ఈ చిత్రానికి ఆయనే స్క్రీన్‌ప్లే అందించడంతో పాటు నిర్మాణ భాగస్వామిగా ఉన్నారు. ఈ అంశాలన్నీ సినిమాకు ప్లస్ కానున్నాయి.

ఇక ఈ చిత్రానికి ‘కాంతార’ మ్యూజిక్ డైరెక్టర్ అజనీష్ లోకనాథ్ సంగీతం అందించడం విశేషం. శ్యామ్ దత్ సినిమాటోగ్రఫీ అందించగా.. నవీన్ నూలి ఎడిటర్‌ బాధ్యతలు నిర్వర్తించారు. కాగా.. ఈ చిత్రంలో అజయ్, సునిల్, బ్రహ్మాజీ, సాయిచంద్ తదితరులు ప్రధాన పాత్రలు పోషించారు. ప్రముఖ యాంకర్ శ్యామల కూడా ఓ పాత్రలో కనిపించనుంది.

• Read latest Tollywood updates and Telugu News