Keshava Movie Review
నిఖిల్, రీతూ వర్మ, ప్రియదర్శి, అజయ్, రావు రమేష్, వెన్నెల కిషోర్ తదితరులు
హిట్ చిత్రాలకు కేరాఫ్ అడ్రెస్గా మారాడు యంగ్ హీరో నిఖిల్. గతంలో ఆయన నటించిన 'స్వామిరారా' సినిమా ప్రేక్షకులను ఎంతగా ఆకట్టుకుందో అందరికీ తెలిసిందే. ఇప్పుడు మరోసారి అదే దర్శకుడితో కొత్త కాన్సెప్ట్ ఎన్నుకొని 'కేశవ' అనే చిత్రంతో ప్రేక్షకుల ముందుకు వచ్చాడు. మరి ఈ సినిమా ప్రేక్షకులను ఏ మేరకు మెప్పించిందో సమీక్షలోకి వెళ్ళి తెలుసుకుందాం!
కథ:
కేశవ శర్మ(నిఖిల్) 'లా' కాలేజ్ స్టూడెంట్. చదువుకుంటూనే కొందరు పోలీసులను టార్గెట్ చేస్తూ హత్యలు చేస్తుంటాడు. ఈ హత్యల వెనుక ఎవరున్నారనే విషయాన్ని తెలుసుకోవడానికి పోలీస్ శాఖ షర్మిలా మిశ్రా(ఇషా కొప్పికర్) అనే అధికారిని నియమిస్తుంది. హంతకుడు ఏ ఒక్క క్లూ కూడా విడిచిపెట్టకుండా చాలా జాగ్రత్తగా వ్యవహరించడంతో పోలీసులకు ఈ కేసు అంతుచిక్కకుండా పోతుంది. అసలు కేశవ హత్యలు చేయడం వెనుక ఉన్న కారణం ఏంటి..? పోలీసులు చివరకు కేశవను పట్టుకోగలిగారా..? సినిమాలో రీతూవర్మ పాత్ర ఎలా ఉంటుంది..? అనే విషయాలు తెలుసుకోవాలంటే సినిమా చూడాల్సిందే!
విశ్లేషణ:
గొప్పగా, కొత్తగా చెప్పడానికి నాది కథ కాదు.. బాధ అంటూ ట్రైలర్లో చెప్పిన డైలాగ్స్తో నిఖిల్ ఈసారి మరో కొత్త కథను చెప్పబోతున్నాడని అందరూ అనుకున్నారు. కుడివైపు గుండె గల వ్యక్తి టెన్షన్ పడినా, పరిగెత్తినా హార్ట్ రేట్ పెరిగి చనిపోయే పరిస్థితి గల మనిషి తన పగను ఎలా తీర్చుకున్నాడనేది సినిమాలో మెయిన్ పాయింట్. పూర్తి స్థాయి ప్రతీకార నేపథ్యంలో సాగే సినిమా. సినిమాలో ఎక్కడా అనవసరపు పాటలు, సన్నివేశాలు లేకుండా దర్శకుడు చాలా జాగ్రత్త పడ్డాడు. అయితే ఆయన చెప్పాలనుకున్న కథ మాత్రం కొత్తదేమీ కాదు. తల్లితండ్రులను పోగొట్టుకున్న ఓ కుర్రాడు చిన్నప్పుడే దానికి కారణమైన వాళ్లను చంపాలనుకుంటాడు.
కథలో కొత్తదనం లేకపోయినా.. కథనంతో ప్రేక్షకులను ఆకట్టుకునే ప్రయత్నం చేశాడు దర్శకుడు. అది కొంత వరకు సక్సెస్ అయిందనే చెప్పాలి. సినిమాలో ఫస్ట్ హాఫ్ మొత్తాన్ని చాలా ఎంగేజింగ్గా తెరకెక్కించిన సుధీర్ వర్మ ఇంటర్వల్ ఎపిసోడ్ నుంచి ఆ పట్టుని కోల్పోయాడు. సినిమాలో పెద్దగా ట్విస్టులేమీ లేవు. నిఖిల్ మాత్రం తన నటనతో కట్టిపడేశాడు. పూర్తి సీరియస్ పాత్రలో అతను నటించడం ఇదే మొదటిసారి. ఎమోషన్స్, హావభావాలను చక్కగా పలికించాడు. సినిమా మొత్తం తన భుజాలపై నడిపించాడు. రీతూ వర్మ పాత్రకు పెద్దగా ప్రాముఖ్యత ఉండదు.
ప్రియదర్శి, వెన్నెల కిషోర్లు తమ కామెడీతో మెప్పించారు. ఇషా కొప్పికర్ పోలీస్ రోల్లో బాగానే నటించింది. రావు రమేష్, అజయ్, బ్రహ్మాజీ తమ పాత్రల పరిధుల్లో నటించారు. సినిమాకు ప్లస్ పాయింట్ సినిమాటోగ్రఫీ. కథకు తగ్గట్లుగా ఉంది. పాటలు కథలో భాగంగా ఉన్నాయి. బ్యాక్ గ్రౌండ్ స్కోర్ ఫర్వాలేదనిస్తుంది. ఎడిటింగ్ వర్క్ చాలా క్రిస్పీగా ఉంది. అతి తక్కువ బడ్జెట్లోనే సినిమాను చిత్రీకరించారు. మొత్తానికి సినిమా ప్రేక్షకుణ్ని ఆకట్టుకుంటుంది. నిఖిల్ కోసమైనా ఈ సినిమాను చూసి తీరాల్సిందే.
రేటింగ్: 3/5
కథ:
కేశవ శర్మ(నిఖిల్) 'లా' కాలేజ్ స్టూడెంట్. చదువుకుంటూనే కొందరు పోలీసులను టార్గెట్ చేస్తూ హత్యలు చేస్తుంటాడు. ఈ హత్యల వెనుక ఎవరున్నారనే విషయాన్ని తెలుసుకోవడానికి పోలీస్ శాఖ షర్మిలా మిశ్రా(ఇషా కొప్పికర్) అనే అధికారిని నియమిస్తుంది. హంతకుడు ఏ ఒక్క క్లూ కూడా విడిచిపెట్టకుండా చాలా జాగ్రత్తగా వ్యవహరించడంతో పోలీసులకు ఈ కేసు అంతుచిక్కకుండా పోతుంది. అసలు కేశవ హత్యలు చేయడం వెనుక ఉన్న కారణం ఏంటి..? పోలీసులు చివరకు కేశవను పట్టుకోగలిగారా..? సినిమాలో రీతూవర్మ పాత్ర ఎలా ఉంటుంది..? అనే విషయాలు తెలుసుకోవాలంటే సినిమా చూడాల్సిందే!
విశ్లేషణ:
గొప్పగా, కొత్తగా చెప్పడానికి నాది కథ కాదు.. బాధ అంటూ ట్రైలర్లో చెప్పిన డైలాగ్స్తో నిఖిల్ ఈసారి మరో కొత్త కథను చెప్పబోతున్నాడని అందరూ అనుకున్నారు. కుడివైపు గుండె గల వ్యక్తి టెన్షన్ పడినా, పరిగెత్తినా హార్ట్ రేట్ పెరిగి చనిపోయే పరిస్థితి గల మనిషి తన పగను ఎలా తీర్చుకున్నాడనేది సినిమాలో మెయిన్ పాయింట్. పూర్తి స్థాయి ప్రతీకార నేపథ్యంలో సాగే సినిమా. సినిమాలో ఎక్కడా అనవసరపు పాటలు, సన్నివేశాలు లేకుండా దర్శకుడు చాలా జాగ్రత్త పడ్డాడు. అయితే ఆయన చెప్పాలనుకున్న కథ మాత్రం కొత్తదేమీ కాదు. తల్లితండ్రులను పోగొట్టుకున్న ఓ కుర్రాడు చిన్నప్పుడే దానికి కారణమైన వాళ్లను చంపాలనుకుంటాడు.
కథలో కొత్తదనం లేకపోయినా.. కథనంతో ప్రేక్షకులను ఆకట్టుకునే ప్రయత్నం చేశాడు దర్శకుడు. అది కొంత వరకు సక్సెస్ అయిందనే చెప్పాలి. సినిమాలో ఫస్ట్ హాఫ్ మొత్తాన్ని చాలా ఎంగేజింగ్గా తెరకెక్కించిన సుధీర్ వర్మ ఇంటర్వల్ ఎపిసోడ్ నుంచి ఆ పట్టుని కోల్పోయాడు. సినిమాలో పెద్దగా ట్విస్టులేమీ లేవు. నిఖిల్ మాత్రం తన నటనతో కట్టిపడేశాడు. పూర్తి సీరియస్ పాత్రలో అతను నటించడం ఇదే మొదటిసారి. ఎమోషన్స్, హావభావాలను చక్కగా పలికించాడు. సినిమా మొత్తం తన భుజాలపై నడిపించాడు. రీతూ వర్మ పాత్రకు పెద్దగా ప్రాముఖ్యత ఉండదు.
ప్రియదర్శి, వెన్నెల కిషోర్లు తమ కామెడీతో మెప్పించారు. ఇషా కొప్పికర్ పోలీస్ రోల్లో బాగానే నటించింది. రావు రమేష్, అజయ్, బ్రహ్మాజీ తమ పాత్రల పరిధుల్లో నటించారు. సినిమాకు ప్లస్ పాయింట్ సినిమాటోగ్రఫీ. కథకు తగ్గట్లుగా ఉంది. పాటలు కథలో భాగంగా ఉన్నాయి. బ్యాక్ గ్రౌండ్ స్కోర్ ఫర్వాలేదనిస్తుంది. ఎడిటింగ్ వర్క్ చాలా క్రిస్పీగా ఉంది. అతి తక్కువ బడ్జెట్లోనే సినిమాను చిత్రీకరించారు. మొత్తానికి సినిమా ప్రేక్షకుణ్ని ఆకట్టుకుంటుంది. నిఖిల్ కోసమైనా ఈ సినిమాను చూసి తీరాల్సిందే.
రేటింగ్: 3/5