F3
వెంకటేష్,వరుణ్ తేజ్,తమన్నా,మెహరీన్,మురళీ శర్మ,రాజేంద్ర ప్రరసాద్,సోనాల్ చౌహాన్
టాలీవుడ్లో కామెడీ చిత్రాలకు ఎప్పుడూ ప్రత్యేక ఆదరణ దక్కుతుంది. అందుకనే మన ఇండస్ట్రీలో ఉన్నంత మంది కమెడియన్స్ మరో ఇండస్ట్రీలో కనిపించరు. మన దర్శకులు సినిమాల్లో కామెడీకి ఇచ్చే ప్రాధాన్యత అంత ఎక్కువగా ఉంటుంది మరి. అలా చేసే చిత్రమేదైనా కామెడీకి ఎక్కువ ప్రాధాన్యత ఇచ్చే దర్శకుల కోవలోకి వచ్చే నేటి తరం దర్శకుడు అనిల్ రావిపూడి. ఈయన సినిమాలను గమనిస్తే తొలి చిత్రం నుంచి ఇప్పటి వరకు కామెడీ ట్రాక్కి చాలా మంచి ఆదరణ దక్కింది. ఆయన దర్శకత్వంలో రూపొందిన 2019లో రూపొందిన చిత్రం F2 : ఫన్ అండ్ ఫ్రస్ట్రేషన్ సినిమా బాక్సాఫీస్ దగ్గర సెన్సేషనల్ హిట్ సాధించింది. అప్పట్లోనే ఆ సినిమాకు ఫ్రాంఛైజీగా F3 సినిమా చేస్తామని దర్శకుడు అనిల్ రావిపూడి, నిర్మాత దిల్ రాజు ప్రకటించారు. అన్నట్లుగానే F3 ప్రేక్షకుల ముందుకు వచ్చింది.
F2లో భార్యల పెట్టే ఇబ్బంది నుంచి తప్పించుకునే భర్తలుగా వెంకటేష్, వరుణ్ తేజ్ పండించిన కామెడీ సిల్వర్ స్క్రీన్ను అలరించింది. ఇప్పుడు F3లో మనీ అనే అంశాన్ని యాడ్ చేశారు. టీజర్, ట్రైలర్ అన్ని సినిమాపై అంచనాలను పెంచేలా చేశాయి. మరి F3 సినిమా ప్రేక్షకులను ఏ మేరకు ఆకట్టుకుందో తెలుసుకోవాలంటే ముందు సినిమా కథేంటో చూద్దాం...
కథ:
విజయనగరంలో ఉండే ప్రముఖ పారిశ్రామిక వేత్త ఆనంద్ ప్రసాద్ (మురళీ శర్మ)ను చూసి అందరూ గౌరవిస్తుంటారు. అయితే తన చుట్టూ ఉండే డబ్బుని చూసే అందరూ విలువ ఇస్తున్నారని ఆయన భావిస్తుంటాడు. పంచ భూతాలు గురించి అందరికీ తెలుసు. కానీ తెలియని ఆరో భూతం కూడా ఉందని, అది ఈ ప్రపంచాన్ని శాసిస్తుందని.. అదే డబ్బు అని ఆనంద్ ప్రసాద్ నమ్ముతుంటాడు. హైదరాబాద్లో ఉండే వెంకీ (వెంకటేష్) పెళ్లి సంబంధాలు కుదర్చటం, లైసెన్స్లు ఇప్పించటం వంటి పనులు చేసి డబ్బులు సంపాదిస్తుంటాడు. అతనికి రేచీకటి. కానీ ఎవరికీ తెలియకుండా మేనేజ్ చేస్తూ వస్తుంటాడు. అతని స్నేహితుడు వరుణ్ (వరుణ్ తేజ్) అనాథ. డబ్బున్న అమ్మాయిని పెళ్లి చేసుకుంటే కష్టాలు తీరిపోయి డబ్బులో మునిగి తేలొచ్చని నమ్మే వ్యక్తి. వెంకీ - వరుణ్ ఇద్దరూ మంగ టిఫిన్స్కి చెందిన తమన్నా- మెహరీన్ చేతిలో మోసపోతారు. అప్పులు చేస్తారు.
అదే సమయంలో నిజాయతీగా ఉండే సీఐ నాగరాజు (రాజేంద్ర ప్రసాద్) డ్యూటీ చేసి పట్టుకున్న డబ్బులు, డైమండ్స్ని పోలీస్ కమీషనర్ కొట్టేస్తాడు. దాంతో నాగరాజు తన నిజాయతీని పక్కన పెట్టి.. కమీషనర్ ఇంట్లో దొంగతనం చేయాలనకుంటాడు. అందుకు వెంకీ - వరుణ్ అండ్ గ్యాంగ్ సపోర్ట్ తీసుకుంటాడు. పోలీస్ చెకింగ్స్ ఉన్న కారణంగా వారు ఆ డబ్బుని ఓ కారు స్క్రాపింగ్ యార్డ్లో దాస్తారు. ఆ డబ్బులను ఎవరో దొంగలిస్తారు. అదే సమయంలో వారికి ఆనంద్ ప్రసాద్ కొడుకు చిన్నప్పుడే తప్పిపోయాడనే నిజం తెలుస్తుంది. ఆయన కొడుకుగా నటించి డబ్బులు కొట్టేయాలనుకుంటారు. ఆయన దగ్గరకు వెళతారు. చివరకు ఆనంద్ ప్రసాద్ కొడుకు ఎవరు? అసలు వెంకీ - వరుణ్ డబ్బులు, డైమండ్స్ కొట్టేసిన వ్యక్తి ఎవరు? ఆనంద్ ప్రసాద్ చివరకు వీరి జీవితాలను ఎలా మలుపు తిప్పాడు? అనే విషయాలు తెలుసుకోవాలంటే సినిమా చూడాల్సిందే...
విశ్లేషణ:
మూడేళ్ల ముందు అనిల్ రావిపూడి దర్శకత్వంలో వెంకటేష్ - వరుణ్ తేజ్.. తమన్నా - మెహరీన్ హీరో హీరోయిన్లుగా దిల్రాజు - శిరీష్ నిర్మించిన F 2 సినిమా హిలేరియస్ ఎంటర్టైనర్గా పెద్ద సక్సెస్ అయ్యింది. అదే స్టైల్లో అదే టీమ్ చేసిన మరో ప్రయత్నమే F3. అప్పుడు భార్యల వల్ల ఇబ్బందలు పడే భర్తలుగా నటించిన వెంకీ, వరుణ్.. F3లో డబ్బుల కోసం తాపత్రయ పడే వ్యక్తులుగా కనిపించారు. ప్రతి మనిషికి డబ్బు అంటే ఆశ ఎక్కువ. ఆ డబ్బు చుట్టూ తిరిగే ఈ లోకంలో మనిషి ఎలా ప్రవర్తిస్తుంటాడు అనే కాన్సెప్ట్తో కథను తయారు చేసుకున్నాడు అనీల్ రావిపూడి.
వెంకటేష్ , వరుణ్ తేజ్ వారి వారి పాత్రల్లో ఒదిగిపోయారు. ఫస్టాఫ్లో వీరిద్దరూ పాత్రల్లో ఒదిగిపోయిన తీరు.. సందర్భానుచితంగా దర్శకుడు అనిల్ సన్నివేశాలను కామెడీగా మలిచిన తీరు బావుంది.వెంకటేష్ రేచీకటితో బాధపడటం.. వరుణ్ తేజ్ నత్తితో ఇబ్బంది పడే సన్నివేశాలు, దాని వల్ల క్రియేట్ అయ్యే ఫన్ ప్రేక్షకులను నవ్విస్తుంది. ఇక రాజేంద్ర ప్రసాద్ చేసిన నాగరాజు పాత్ర.. అలీ చేసిన పాల బేబీ పాత్రలను కామెడీగా మలిచారు. సన్నివేశాలను బేస్ చేసుకుని క్రియేట్ చేసిన కామెడీ ఫస్టాఫ్ అంతా నవ్విస్తుంది. అసలు కథ ఏంటనేది ఇంటర్వెల్లో తెలుస్తుంది. ఇక సెకండాఫ్లో వెంకటేష్, వరుణ్ తేజ్ సహా అందరూ మురళీ శర్మ ఇంట్లో చేరుతారు. అక్కడ అనిల్ తండ్రీ కొడుకులు అనే కాన్సెప్ట్ను అనుకుని దాని చుట్టూ కామెడీని జనరేట్ చేశారు. అయితే ఫస్టాఫ్ కంటే సెకండాఫ్ మెప్పించేలా ఉండదు. ఇక కథ ఎలా ఉండబోతుందనే విషయం సగటు ప్రేక్షకుడికి అర్థమైపోతుంది. ఇక క్లైమాక్స్, దాని ముందు వచ్చే సన్నివేశాలన్నీ కామెడీగా కాకుండా.. కాస్త ఇబ్బందిగానే మారతుంది. చివరలో వెంకటేష్ నారప్పగా, వరుణ్ తేజ్ పవన్ కళ్యాణ్ చేసిన వకీల్ సాబ్ పాత్రలో మెప్పించాలనుకోవడం అన్నీ కమర్షియల్ యాంగిల్లోనే సాగిపోతుంది.
సెకండాఫ్లో అయితే సన్నివేశాలను విడి విడిగా చూస్తే కాస్తో కూస్తో కామెడీగా అనిపిస్తుంది కానీ.. కలిపి చూస్తే మాత్రం కథే కనిపించదు. డైరెక్టర్ అనిల్ రావిపూడి కథ కంటే కామెడీ సన్నివేశాలపైనే ఎక్కువ ఫోకస్ పెట్టినట్లు అనిపించింది. చివరలో ఏదో ఎమోషన్స్తో సినిమాను రన్ చేయించాలని అనుకున్నాడు కానీ.. అనిల్ రావిపూడి ప్రయత్నం వర్కవుట్ అయినట్లు లేదు. సోనాలి చౌహాన్ పాత్ర ఎందుకు వస్తుందో పోతుందో తెలియదు. ఇక సెకండాఫ్లో తమన్నా పాత్ర కోసం ఆమె పాత్ర క్రియేట్ చేశారేమోనని అనుకోవాలే తప్ప.. అవసరం కూడా లేదనిపిస్తుంది. దేవిశ్రీ ప్రసాద్ సంగీతంలో పాటలు ఆకట్టుకునేంతగా ఏదీ లేదు. ఇక నేపథ్య సంగీతం కూడా అంతంతే. సాయిశ్రీరామ సినిమాటోగ్రఫీ బావుంది. డైలాగ్స్ అన్నీ కామెడీ కోణంలో ఓకే అనిపిస్తాయి. కానీ ఎమోషనల్ కోణంలో మాత్రం కనెక్ట్ కావు. ఎఫ్ 2 మీదున్న అంచనాలతో వెళితే మాత్రం నిరాశ పడక తప్పదు. అయితే ఓసారి సినిమాను చూసేయవచ్చు.
చివరగా..
F3 .. కాస్త ఫన్.. మస్త్ ఫ్రస్ట్రేషన్
F2లో భార్యల పెట్టే ఇబ్బంది నుంచి తప్పించుకునే భర్తలుగా వెంకటేష్, వరుణ్ తేజ్ పండించిన కామెడీ సిల్వర్ స్క్రీన్ను అలరించింది. ఇప్పుడు F3లో మనీ అనే అంశాన్ని యాడ్ చేశారు. టీజర్, ట్రైలర్ అన్ని సినిమాపై అంచనాలను పెంచేలా చేశాయి. మరి F3 సినిమా ప్రేక్షకులను ఏ మేరకు ఆకట్టుకుందో తెలుసుకోవాలంటే ముందు సినిమా కథేంటో చూద్దాం...
కథ:
విజయనగరంలో ఉండే ప్రముఖ పారిశ్రామిక వేత్త ఆనంద్ ప్రసాద్ (మురళీ శర్మ)ను చూసి అందరూ గౌరవిస్తుంటారు. అయితే తన చుట్టూ ఉండే డబ్బుని చూసే అందరూ విలువ ఇస్తున్నారని ఆయన భావిస్తుంటాడు. పంచ భూతాలు గురించి అందరికీ తెలుసు. కానీ తెలియని ఆరో భూతం కూడా ఉందని, అది ఈ ప్రపంచాన్ని శాసిస్తుందని.. అదే డబ్బు అని ఆనంద్ ప్రసాద్ నమ్ముతుంటాడు. హైదరాబాద్లో ఉండే వెంకీ (వెంకటేష్) పెళ్లి సంబంధాలు కుదర్చటం, లైసెన్స్లు ఇప్పించటం వంటి పనులు చేసి డబ్బులు సంపాదిస్తుంటాడు. అతనికి రేచీకటి. కానీ ఎవరికీ తెలియకుండా మేనేజ్ చేస్తూ వస్తుంటాడు. అతని స్నేహితుడు వరుణ్ (వరుణ్ తేజ్) అనాథ. డబ్బున్న అమ్మాయిని పెళ్లి చేసుకుంటే కష్టాలు తీరిపోయి డబ్బులో మునిగి తేలొచ్చని నమ్మే వ్యక్తి. వెంకీ - వరుణ్ ఇద్దరూ మంగ టిఫిన్స్కి చెందిన తమన్నా- మెహరీన్ చేతిలో మోసపోతారు. అప్పులు చేస్తారు.
అదే సమయంలో నిజాయతీగా ఉండే సీఐ నాగరాజు (రాజేంద్ర ప్రసాద్) డ్యూటీ చేసి పట్టుకున్న డబ్బులు, డైమండ్స్ని పోలీస్ కమీషనర్ కొట్టేస్తాడు. దాంతో నాగరాజు తన నిజాయతీని పక్కన పెట్టి.. కమీషనర్ ఇంట్లో దొంగతనం చేయాలనకుంటాడు. అందుకు వెంకీ - వరుణ్ అండ్ గ్యాంగ్ సపోర్ట్ తీసుకుంటాడు. పోలీస్ చెకింగ్స్ ఉన్న కారణంగా వారు ఆ డబ్బుని ఓ కారు స్క్రాపింగ్ యార్డ్లో దాస్తారు. ఆ డబ్బులను ఎవరో దొంగలిస్తారు. అదే సమయంలో వారికి ఆనంద్ ప్రసాద్ కొడుకు చిన్నప్పుడే తప్పిపోయాడనే నిజం తెలుస్తుంది. ఆయన కొడుకుగా నటించి డబ్బులు కొట్టేయాలనుకుంటారు. ఆయన దగ్గరకు వెళతారు. చివరకు ఆనంద్ ప్రసాద్ కొడుకు ఎవరు? అసలు వెంకీ - వరుణ్ డబ్బులు, డైమండ్స్ కొట్టేసిన వ్యక్తి ఎవరు? ఆనంద్ ప్రసాద్ చివరకు వీరి జీవితాలను ఎలా మలుపు తిప్పాడు? అనే విషయాలు తెలుసుకోవాలంటే సినిమా చూడాల్సిందే...
విశ్లేషణ:
మూడేళ్ల ముందు అనిల్ రావిపూడి దర్శకత్వంలో వెంకటేష్ - వరుణ్ తేజ్.. తమన్నా - మెహరీన్ హీరో హీరోయిన్లుగా దిల్రాజు - శిరీష్ నిర్మించిన F 2 సినిమా హిలేరియస్ ఎంటర్టైనర్గా పెద్ద సక్సెస్ అయ్యింది. అదే స్టైల్లో అదే టీమ్ చేసిన మరో ప్రయత్నమే F3. అప్పుడు భార్యల వల్ల ఇబ్బందలు పడే భర్తలుగా నటించిన వెంకీ, వరుణ్.. F3లో డబ్బుల కోసం తాపత్రయ పడే వ్యక్తులుగా కనిపించారు. ప్రతి మనిషికి డబ్బు అంటే ఆశ ఎక్కువ. ఆ డబ్బు చుట్టూ తిరిగే ఈ లోకంలో మనిషి ఎలా ప్రవర్తిస్తుంటాడు అనే కాన్సెప్ట్తో కథను తయారు చేసుకున్నాడు అనీల్ రావిపూడి.
వెంకటేష్ , వరుణ్ తేజ్ వారి వారి పాత్రల్లో ఒదిగిపోయారు. ఫస్టాఫ్లో వీరిద్దరూ పాత్రల్లో ఒదిగిపోయిన తీరు.. సందర్భానుచితంగా దర్శకుడు అనిల్ సన్నివేశాలను కామెడీగా మలిచిన తీరు బావుంది.వెంకటేష్ రేచీకటితో బాధపడటం.. వరుణ్ తేజ్ నత్తితో ఇబ్బంది పడే సన్నివేశాలు, దాని వల్ల క్రియేట్ అయ్యే ఫన్ ప్రేక్షకులను నవ్విస్తుంది. ఇక రాజేంద్ర ప్రసాద్ చేసిన నాగరాజు పాత్ర.. అలీ చేసిన పాల బేబీ పాత్రలను కామెడీగా మలిచారు. సన్నివేశాలను బేస్ చేసుకుని క్రియేట్ చేసిన కామెడీ ఫస్టాఫ్ అంతా నవ్విస్తుంది. అసలు కథ ఏంటనేది ఇంటర్వెల్లో తెలుస్తుంది. ఇక సెకండాఫ్లో వెంకటేష్, వరుణ్ తేజ్ సహా అందరూ మురళీ శర్మ ఇంట్లో చేరుతారు. అక్కడ అనిల్ తండ్రీ కొడుకులు అనే కాన్సెప్ట్ను అనుకుని దాని చుట్టూ కామెడీని జనరేట్ చేశారు. అయితే ఫస్టాఫ్ కంటే సెకండాఫ్ మెప్పించేలా ఉండదు. ఇక కథ ఎలా ఉండబోతుందనే విషయం సగటు ప్రేక్షకుడికి అర్థమైపోతుంది. ఇక క్లైమాక్స్, దాని ముందు వచ్చే సన్నివేశాలన్నీ కామెడీగా కాకుండా.. కాస్త ఇబ్బందిగానే మారతుంది. చివరలో వెంకటేష్ నారప్పగా, వరుణ్ తేజ్ పవన్ కళ్యాణ్ చేసిన వకీల్ సాబ్ పాత్రలో మెప్పించాలనుకోవడం అన్నీ కమర్షియల్ యాంగిల్లోనే సాగిపోతుంది.
సెకండాఫ్లో అయితే సన్నివేశాలను విడి విడిగా చూస్తే కాస్తో కూస్తో కామెడీగా అనిపిస్తుంది కానీ.. కలిపి చూస్తే మాత్రం కథే కనిపించదు. డైరెక్టర్ అనిల్ రావిపూడి కథ కంటే కామెడీ సన్నివేశాలపైనే ఎక్కువ ఫోకస్ పెట్టినట్లు అనిపించింది. చివరలో ఏదో ఎమోషన్స్తో సినిమాను రన్ చేయించాలని అనుకున్నాడు కానీ.. అనిల్ రావిపూడి ప్రయత్నం వర్కవుట్ అయినట్లు లేదు. సోనాలి చౌహాన్ పాత్ర ఎందుకు వస్తుందో పోతుందో తెలియదు. ఇక సెకండాఫ్లో తమన్నా పాత్ర కోసం ఆమె పాత్ర క్రియేట్ చేశారేమోనని అనుకోవాలే తప్ప.. అవసరం కూడా లేదనిపిస్తుంది. దేవిశ్రీ ప్రసాద్ సంగీతంలో పాటలు ఆకట్టుకునేంతగా ఏదీ లేదు. ఇక నేపథ్య సంగీతం కూడా అంతంతే. సాయిశ్రీరామ సినిమాటోగ్రఫీ బావుంది. డైలాగ్స్ అన్నీ కామెడీ కోణంలో ఓకే అనిపిస్తాయి. కానీ ఎమోషనల్ కోణంలో మాత్రం కనెక్ట్ కావు. ఎఫ్ 2 మీదున్న అంచనాలతో వెళితే మాత్రం నిరాశ పడక తప్పదు. అయితే ఓసారి సినిమాను చూసేయవచ్చు.
చివరగా..
F3 .. కాస్త ఫన్.. మస్త్ ఫ్రస్ట్రేషన్