Gopichand: ఓటీటీలోకి పక్కా కమర్షియల్.. స్ట్రీమింగ్‌ ఎప్పటినుంచంటే..?

మ్యాచో స్టార్‌ గోపీచంద్ (Gopichand), రాశీ ఖన్నా (Raashi Khanna) జంటగా.. మారుతి (Maruthi) డైరెక్షన్‌లో తెరకెక్కిన మూవీ 'పక్కా కమర్షియల్' (Pakka Commercial). జులై 1న విడుదలైన ఈ సినిమా బాక్సాఫీసు మిక్స్‌డ్ టాక్‌ను సొంతం చేసుకుంది. కామెడీ యాక్షన్ ఎంటర్‌టైనర్‌గా రూపొందిన ఈ మూవీని ప్రముఖ నిర్మాత బన్నీ వాసు నిర్మించారు. ఈ మూవీని థియేటర్స్‌లో చూడలేకపోయిన ప్రేక్షకులు.. ఓటీటీలో రిలీజ్ డేట్ కోసం ఎదురుచూస్తున్నారు. తాజాగా అలాంటి వారికి గుడ్ న్యూస్‌గా ఈ సినిమా (Pakka Commercial Ott) ఓటీటీ రిలీజ్ డేట్ వచ్చేసింది.

ఆగస్టు 5వ తేదీ నుంచి ఓటీటీ ఫ్లాట్‌ఫామ్ ఆహా (Aha)లో స్ట్రీమింగ్ కానుంది. ఇందుకు సంబంధించిన ఓ వీడియో గ్లింప్స్‌ను ఆహా నిర్వాహాకులు సోషల్ మీడియాలో రిలీజ్ చేశారు. ఇప్పట్లో ఓటీటీలోకి పక్కా కమర్షియల్ సినిమా రాదంటూ.. విడుదలకు ముందు చెప్పిన మూవీ మేకర్స్.. అప్పుడే ఓటీటీలో విడుదల చేస్తుండడం గమనార్హం. అదేరోజు నుంచి నెట్‌ఫ్లిక్స్‌ (Netflix)లో కూడా ఈ చిత్రం స్ట్రీమింగ్ కానునన్నట్లు తెలుస్తోంది. ఈ మూవీలో గోపీచంద్‌, రాశీఖన్నా లాయర్లుగా యాక్ట్ చేయగా.. సత్యరాజ్‌, రావు రమేష్‌, అజయ్‌ ఘోష్‌ కీలక పాత్రల్లో నటించారు.

ఇక సినిమా విషయానికి వస్తే.. న్యాయమూర్తిగా ఒక అమ్మాయికి న్యాయం చేయలేకపోయానని బాధలో సూర్య నారాయణ (సత్య రాజ్) తన వృత్తికి వదిలేస్తాడు. ఈ కేసులో డబ్బున్న వివేక్ (రావు రమేష్) గెలుస్తాడు. సూర్య నారాయణ కొడుకు లక్కీ (గోపీచంద్) లాయర్‌ అవుతాడు. అయితే అతను తండ్రిలాగా కాకుండా.. పక్కా కమర్షియల్ టైపులో డబ్బు మనిషిగా ఉంటాడు. వివేక్ (రావు రమేష్)కేసులో మాత్రం తండ్రీకొడుకులు ఎదురెదురుగా నిలవాల్సి వస్తుంది. బాధితులకు న్యాయం చేసేందుకు సూర్య నారాయణ మళ్లీ నల్లకోటు ధరిస్తాడు. మరి ఈ న్యాయపోరాటంలో ఎవరు గెలిచారు..? అసలు లక్కీ అలా ఎందుకు మారియాడు..? విలువల కంటే అతనికి డబ్బులే ఎక్కువయ్యాయా..? మరి తండ్రీకొడుకుల పోరాటంలో ఎవరు గెలిచారు..? ఇందులో లాయర్ ఝాన్సీ (రాశీఖన్నా) పాత్ర ఏంటి అన్నదే సినిమా స్టోరీ.