Thank You Movie ఓటీటీ రిలీజ్ డేట్.. స్ట్రీమింగ్ వేదిక ఇదే..!

అక్కినేని నాగచైతన్య (Naga Chaitanya)-విక్రమ్ కె కుమార్ (Vikram K Kumar) కాంబినేషన్‌లో వచ్చిన మూవీ థ్యాంక్ యూ (Thank You). జులై 22న థియేటర్స్‌లోకి వచ్చిన ఈ సినిమా.. బాక్సాఫీసు వద్ద మిక్స్‌డ్ టాక్‌ను సొంతం చేసుకుంది. లవ్ స్టోరీ, బంగర్రాజు వంటి సినిమాలతో సూపర్ హిట్స్ అందుకున్న చైతూ.. ఈ మూవీతో వరుస హిట్స్‌కు బ్రేక్ పడింది. బాక్సాఫీసు ఆశించిన స్థాయిలో కలెక్షన్స్ రాబట్టలేకపోయింది. దిల్ రాజు (Dil Raju) ప్రొడ్యూసర్‌గా వ్యవహరించగా.. రాశీ ఖన్నా, అవికాగోర్‌, మాళవిక నాయర్‌ హీరోయిన్లుగా నటించారు.

బిగ్ స్క్రీన్లపై సందడి చేసిన ఈ మూవీ (Thank You Movie OTT) త్వరలో ఓటీటీలో ఆడియన్స్‌ను అలరించేందుకు రెడీ అవుతున్నట్లు తెలుస్తోంది. ప్రముఖ ఓటీటీ సంస్థ అమెజాన్ ప్రైమ్ థ్యాంక్ యూ మూవీ ఓటీటీ రైట్స్ కొనుగోలు చేసినట్లు సమాచారం. ఆగస్టు 12వ తేదీ నుంచి ఈ సినిమా స్ట్రీమింగ్ కానున్నట్లు తెలుస్తోంది. ఈ విషయంపై అధికారిక ప్రకటన రాకపోయినా.. దాదాపు ఫిక్స్ అయిపోందని నెట్టింట న్యూస్ వైరల్ అవుతోంది. థియేటర్స్‌లో అంచనాలను అందుకోలేకపోయిన ఈ సినిమా.. మరి ఓటీటీలో ఏ మేరకు ఆడియన్స్‌ను అలరిస్తుందో చూడాలి.

కథ విషయానికి వస్తే.. ముప్పై ఐదేళ్ల వ్యక్తి లైఫ్‌లో జరిగే మూడు ముఖ్య ద‌శ‌ల‌ను డైరెక్టర్ విక్రమ్ కె కుమార్ తెరపైకి చూపించారు. అమెరికాలో ఉద్యోగం కోసం వెళ్లిన అభిరామ్ (నాగ చైతన్య).. అక్కడ వైద్య అనే మెడికల్ యాప్‌ను కనిపెడతాడు. ఆ యాప్ డెవలప్‌మెంట్ కోసం తన యజమాని రావ్‌ (ప్రకాష్ రాజ్‌) సపోర్ట్ అడిగితే.. ఇవన్నీ వదిలేసి చక్కగా ఉద్యోగం చేసుకోవాలని సలహా ఇస్తాడు.

ఆ తరువాత అదే కంపెనీలో ప‌నిచేసే ప్రియ (రాశీ ఖ‌న్నా)తో అభిరామ్‌కు పరిచయం అవుతుంది. యాప్ డెవలప్‌ అయ్యేందుకు ఆమె సాయం చేస్తుంది. ఈ క్రమంలో అభిరామ్ ఉన్నత స్థానానికి చేరుకుంటాడు. ఆ తరువాత అతనిలో గర్వం పెరిగిపోతుంది. తన కంపెనీలో ప్రశ్నించిన వారిని ఉద్యోగం నుంచి తీసేస్తాడు. సాయం కోసం వచ్చిన రావ్‌ను అవమాన పరుస్తాడు. ఈ క్రమంలో గర్భవతి అయిన ప్రియతో గొడవపడి వీడిపోతాడు. ఆ అవమానం తట్టుకోలేక రావ్ గుండెపోటుతో మరణిస్తాడు. ఆ తరువాత అభిరామ్ ఇండియకు తిరిగివస్తాడు. అభిరామ్‌కు పార్వతి అలియాస్ పారు (మాళ‌వికా నాయ‌ర్‌)కు సంబంధం ఏంటి..? చిన్ను (అవికా గోర్‌) పాత్ర ఏంటి..? మళ్లీ అభిరామ్, ప్రియ కలిశారా..? అనే విషయాలు తెలియాలంటే సినిమా చూడాల్సిందే.