Manchu Lakshmi: చెఫ్ మంత్ర సీజన్-2.. హోస్ట్‌గా వస్తున్న మంచు లక్ష్మి

మంచు లక్ష్మి (Manchu Lakshmi) మరో షోకు హోస్ట్‌గా రాబోతున్నారు. ఆహాలో ప్రసారం కాబోతున్న ఆహా చెఫ్ మంత్రా సీజన్-2 (Chef Mantra Season-2)తో ఆడియన్స్‌ను అలరించేందుకు ఆమె రెడీ అవుతున్నారు. సెలబ్రిటీస్ జీవితం ఎలా ఉంటుంది..? వారు ఏం చేస్తారు..? ఏం తింటారనే విషయాలు తెలుసుకోవాలనే ఆసక్తి ఎంతో మందికి ఉంటుంది. వారే స్వయంగా వచ్చి గరిట పట్టి వంట చేస్తే ఎలా ఉంటుందనే కన్సెప్ట్‌తో ఆహా చెఫ్ మంత్రా షోను ఆహా సంస్థ తీసుకువచ్చింది. ఇప్పటికే ఒక సీజన్ విజయవంతంగా పూర్తి చేసుకోగా.. ఇప్పుడు రెండో సీజన్‌కు ముహుర్తం ఫిక్స్ అయింది.

సెప్టెంబర్ 30 నుంచి ప్రతి శుక్రవారం మధ్యాహ్నం 2 గంటలకు ఆహాలో స్ట్రీమింగ్ కానుంది. ఈ షోకు మంచు లక్ష్మి హోస్ట్‌గా వ్యవహరించనున్నారు. ఈ షో ద్వారా సెలబ్రిటీస్ వంట చేయడమే కాదు.. వారు ఎలాంటి ఆహరం ఇష్టపడతారు..? ఎలాంటి ఆహారం తీసుకుంటారు..? వీటితో పాటు ఎంతో ఫన్, ఎంటర్‌టైన్‌మెంట్ అందించబోతున్నారు. మొత్తం 8 ఎపిసోడ్స్‌తో ఈ షో రానుంది.

ఈ సందర్భంగా మంచు లక్ష్మి మంచు మాట్లాడుతూ.. తమ ఫ్యామిలీలో అందరం కూడా భోజన ప్రియులమేనని చెప్పారు. ఎన్నో విషయాలు లంచ్ లేదా డిన్నర్ టేబుల్ మీద అందరు కలిసి ఉన్నపుడు మాట్లాడుతారని అన్నారు. మంచి ఫుడ్ ఉంటే ఆ రోజు చాలా బాగా గడిచిపోతుందని.. అలాంటి ఒక ఫుడ్ షోని తాను హోస్ట్ చేయడం చాలా సంతోషంగా ఉందన్నారు. అందరూ ఈ షోను ఇష్టపడతారని ఆశిస్తున్నానని అన్నారు. సెప్టెంబర్ 30 నుంచి ప్రతి శుక్రవారం మధ్యాహ్నం 2 గంటలకు ఆహాలో తప్పక చూడాలని కోరారు.