Virupaksha Ott: ‘విరూపాక్ష‌’ ఓటీటీ డేట్ చెప్పేశారు.. స్ట్రీమింగ్ ఎప్ప‌టి నుంచంటే!

Sai Dharam Tej - Virupaksha OTT date: సుప్రీమ్ హీరో సాయిధ‌ర‌మ్ తేజ్ హీరోగా న‌టించిన తాజా చిత్రం ‘విరూపాక్ష‌’. సంయుక్తా మీన‌న్ హీరోయిన్‌. కార్తీక్ దండు ద‌ర్శ‌క‌త్వంలో రూపొందిన ఈ మిస్టిక‌ల్ థ్రిల్ల‌ర్ సెన్సేష‌న‌ల్ హిట్ మూవీగా నిలిచింది. యాక్సిడెంట్ త‌ర్వాత సాయిధ‌ర‌మ్ తేజ్ న‌టించిన సినిమా ఇది. ఈ సినిమాపై అంచనాలు ఉన్నాయి కానీ.. రిలీజ్‌కు ముందు కాన్ఫిడెంట్‌గానే ఉన్నారు. అయితే మూవీ రిలీజ్ త‌ర్వాత ఎవ‌రూ ఊహించ‌ని స్థాయిలో రికార్డ్ విజ‌యాన్ని ద‌క్కించుకుంది. థియేట్రిక‌ల్‌గా ఇప్ప‌టి వ‌ర‌కు ‘విరూపాక్ష‌’ చిత్రం రూ. 87 కోట్లకు పైగానే గ్రాస్ వ‌సూళ్ల‌ను సాధించింది. ఇక షేర్ క‌లెక్ష‌న్స్ ప‌రంగా చూస్తే దాదాపు రూ.47 కోట్ల‌ను క్రాస్ చేసింది. సాయిధ‌ర‌మ్ తేజ్ కెరీర్‌లోనే బిగ్గెస్ట్ హిట్ మూవీగా నిలిచింది.

‘విరూపాక్ష‌’ని థియేట‌ర్‌లో వీక్షించిన ప్రేక్ష‌కులకు మేక‌ర్స్ మ‌రో గుడ్ న్యూస్‌ను చెప్పేశారు. అదేంటంటే ఈ సినిమాను ప్ర‌ముఖ డిజిట‌ల్ మాధ్య‌మం నెట్‌ఫ్లిక్స్‌లో మే 21 నుంచి చూడొచ్చు. థియేట‌ర్స్‌కు రాలేక‌పోయిన‌వారు ఈ సినిమాను ఇక ఓటీటీలో ఎంజాయ్ చేయ‌వ‌చ్చు. దీనికి సంబంధించి నెట్‌ఫ్లిక్స్ అధికారిక ప్ర‌క‌ట‌న కూడా చేసింది. రొటీన్‌కి భిన్నంగా దెయ్యాలు, భూతాలనే హార‌ర్ కాన్సెప్ట్‌తో కాకుండా రుద్ర‌వరం అనే ఊరిపై ప‌గ తీర్చుకోవాలనుకున్న ఇద్ద‌రి వ్య‌క్తుల క‌థాంశంతో సినిమా రూపొందింది.

కాంతార మూవీకి సంగీతాన్ని అందించిన అజ‌నీష్ లోక్‌నాథ్ బ్యాగ్రౌండ్ స్కోర్‌, శ్యామ్ ద‌త్ సినిమాటోగ్ర‌ఫీ అద‌న‌పు బ‌లంగా నిలిచాయి. అజ‌య్‌, రాజీవ్ క‌న‌కాల‌, బ్ర‌హ్మాజీ వంటి వారు ఇత‌ర కీల‌క పాత్ర‌ల్లో న‌టించారు. స్టార్ డైరెక్ట‌ర్ సుకుమార్ శిష్యుడు కోసం ఈ సినిమాకు స్క్రీన్ ప్లే అందించారు. ఎస్‌వీసీసీ, సుకుమార్ రైటింగ్స్ బ్యాన‌ర్స్‌పై బి.వి.ఎస్‌.ఎన్‌.ప్ర‌సాద్ ఈ చిత్రాన్ని నిర్మించారు. ఇప్పుడీ సినిమాను హిందీ, త‌మిళ‌, క‌న్న‌డ‌, మ‌ల‌యాళ భాష‌ల్లోనూ అనువాదం చేసి రిలీజ్ కూడా చేశారు.

Karate Kalyani: ఎన్టీఆర్ వివాదం..కరాటే క‌ళ్యాణికి ఊహించని షాక్..మంచు విష్ణు వార్నింగ్‌..‘మా’ షోకాజ్
Jr NTR: ఫిల్మ్ స్టూడియోలో ఎన్టీఆర్ పెట్టుబ‌డులు.. నంద‌మూరి హీరో కొత్త వ్యాపారం వెనుక అస‌లు క‌థ‌?
SSMB 28 కోసం మూడు టైటిల్స్‌.. తండ్రి టైటిల్‌కి మ‌హేష్ ఓకే చెబుతారా!

Nandamuri Balakrishna: చిరంజీవి డైరెక్ట‌ర్‌కి బాల‌కృష్ణ గ్రీన్ సిగ్న‌ల్ ఇస్తారా!

Read Latest Tollywood Updates and Telugu News