ప్రేమకు చోటు లేదు.. డబ్బు కోసం అలా చేయలేదు.. నోరు విప్పిన సమంత

samantha ruth prabhu కాఫీ విత్ కరణ్ షోలో చెప్పిన విషయాలు ఇప్పుడు అందరినీ ఆశ్చర్యపరుస్తున్నాయి. విడాకులు జరిగిన తీరు, జరిగిన తరువాత తాను పడ్డ వేదనను గురించి చెప్పింది. విడాకుల అనంతరం తన మీద వచ్చిన రూమర్ల గురించి నోరు విప్పింది. ఇలా సమంత తన పర్సనల్ లైఫ్‌లోని ఎన్నో విషయాలను కాఫీ విత్ కరణ్ షోలో పంచుకుంది. అయితే ఆ షోలో సమంత మాటలు, ప్రవర్తన చూస్తుంటే నాగ చైతన్య అంటే ఎంత అయిష్టంగా ఉందో అర్థమవుతుంది.నీ భర్త అని పొరబాటున కరణ్ జోహార్ అంటే.. వెంటనే మధ్యలోకి దూరింది సమంత. అతను భర్త కాదు.. మాజీ భర్త అంటూ స్వరం పెంచింది. దెబ్బకు కరణ్ జోహార్ సారీ చెప్పేసి.. ఎక్స్ హజ్బండ్ అని సంబోధిస్తాడు. అంటే సమంత ఎంత క్లారిటీగా ఉందో అర్థమయిఉంటుంది.

ఇక ఏదో సందర్భంలో కరణ్ జోహర్ సమంతతో ట్రిప్ వేద్దామా? అని అడుగుతాడు. ఎంజాయ్ చేద్దామా? అని అంటాడు. ఇక సమంత మాత్రం తన మనసులో ఎవ్వరికీ చోటు లేదు అని చెప్పేస్తుంది. నార్మల్ ట్రిప్ అయితే వేద్దామని అంటుంది. ఇక ఇంకో ప్రశ్నకు సమంత ఆసక్తికరమైన సమాధానం చెప్పేసింది.

నువ్ ఎప్పుడైనా కేవలం డబ్బుల కోసమే సినిమాను చేశావా? అని సమంతను అడుగుతాడు కరణ్. తాను ఎప్పుడూ కూడా డబ్బుల కోసం సినిమాలు చేయలేదని సమంత క్లారిటీ ఇచ్చింది. అలా మొత్తానికి సమంత మాత్రం ఎన్నో విషయాల మీద క్లారిటీ ఇచ్చింది. ఇక భరణం మీద వచ్చిన రూమర్లపైనా సమంత సెటైర్లు వేసింది.

ఆర్మాక్స్ లిస్ట్‌లో తన పేరు మొదటి స్థానంలో ఉండటంపైనా కౌంటర్లు వేసుకుంది. అయితే నేను వారికి ఎక్కువ డబ్బులు ఇచ్చి ఉంటాను.. అందుకే అలా మొదటి స్థానంలో ఉండి ఉంటాను అని సమంత సెటైరికల్‌గా అనేసింది.