Subhalekha Sudhakar: ఆహాలో ‘ఊరెళ్లిపోతా మామ’.. పల్లె చిత్రానికి పట్టం

ప్రపంచం ముందుకు పోతున్నా.. అన్నం పెట్టే రైతు ఇంకా వెనుకబడే ఉన్నాడు. సిటీ లైఫ్‌కి అలవాటు పడి.. టెక్నాలజీ మత్తులో చిత్తౌతున్న యువతకు రైతన్న కష్టం గురించి తెలియజెప్పిన సందేశాత్మక చిత్రమే ‘ఊరెళ్లిపోతా మామ’. ఇటీవల ఆహా (Aha)ఓటీటీ ఫ్లాట్ ఫామ్ ద్వారా విడుదలైన ఈ చిత్రానికి అనూహ్య స్పందన లభిస్తోంది.

అంతా కొత్తవాళ్లతో సరికొత్తగా చేసిన ప్రయోగాత్మక చిత్రంలో శ్రీమానస్, మరీనా సింగ్ హీరో హీరోయిన్లుగా నటించారు. సీనియర్ నటుడు సుభలేఖ సుధాకర్ కీలక పాత్రలో కనిపించింది. తన మెచ్యూర్డ్ నటనతో ఆకట్టుకున్నారు.

సీనియర్ జర్నలిస్ట్‌గా.. ప్రోగ్రామ్ ప్రొడ్యూసర్‌గా టెలివిజన్ రంగంలో విశేష ప్రతిభ చూపిన అనంతపురానికి చెందిన అంజన్ రెడ్డి ఈ చిత్రంతో దర్శకుడిగా పరిచయం అయ్యారు. విలేజ్ ఫిల్మ్ కార్పొరేషన్, హిమ మీడియా వర్క్స్ సంయుక్తంగా ‘ఊరెళ్ళి పోతా మామ’ చిత్రాన్ని నిర్మించారు. పద్మ జయంతి, మహేష్ విట్టా, TNR,వరుణ్ ఆర్ల, సహర్ క్రిష్ణణ్ ఇతర పాత్రల్లో కనిపించారు. అనంతపురం జిల్లాకు చెందిన తాడిపత్రి వెంకట కొండారెడ్డి, G. దామోదర్, మారుతి ప్రసాద్ నిర్మాతలుగా వ్యవహరించారు.

నవీన్ పొట్లూరి సినిమాటోగ్రఫీ అందించగా.. బుచ్చినాయుడు కండ్రిగ ఫేమ్ మిహిరాంశ్ మ్యూజిక్ అందించారు. క్రియేటివ్ ప్రోగ్రామ్ ప్రొడ్యుసర్‌గా టెలివిజన్ రంగంలో పేరు తెచ్చుకున్న చావా రమేష్ ఈ చిత్రానికి కో డైరెక్టర్‌గా పనిచేశారు. కమర్షియల్ అంశాల జోలికి పోకుండా.. సందేశాత్మక చిత్రంగా మంచి రెస్పాన్స్ రాబట్టింది ‘ఊరెళ్ళి పోతా మామ’.