కొడుకు కోసం లవ్ స్టోరీ రెడీ చేసిన పూరి జగన్నాథ్

లవ్ స్టోరీలని తెరకెక్కించడంలో పూరి జగన్నాథ్ ప్రతిభ గురించి ప్రత్యేకంగా చెప్పుకోవాల్సిన అవసరం లేదు. పూరి తెరకెక్కించిన లవ్ స్టోరీల్లో నటించి ఇండస్ట్రీలో నిలదొక్కుకున్న హీరోలు కూడా చాలానే వున్నారు. అందుకేనేమో ఇక ఇప్పుడు తన కొడుకు కోసం ఓ లవ్ స్టోరి సినిమాను ప్లాన్ చేసుకుంటున్నాడు పూరి జగన్నాథ్. పైసా వసూల్ ప్రమోషన్స్ లో పాల్గొన్న సందర్భంగా ఓ ఇంటర్వ్యూలో మాట్లాడుతూ పూరి జగన్నాథ్ ఈ విషయాన్ని స్పష్టంచేశాడు.

ఆకాష్ పూరి కోసం ఓ లవ్ స్టోరీ రాసుకున్నాను. కాకపోతే ఆ సినిమా లాంచ్ అవడానిరి ఇంకా టైమ్ పడుతుంది అని తెలిపాడు పూరి జగన్నాథ్. గతంలో ఆకాష్ పూరి ఓ టీనేజ్ కుర్రోడి పాత్రలో ఆంధ్రా పోరి అనే సినిమా వచ్చింది కానీ అది అంతగా హిట్ అవలేదు. బహషా పూరి జగన్నాథ్ సినిమా అతడిని పూర్తి స్థాయి హీరోగా నిలబెడుతుండవచ్చేమో!