ఓ మంచిపని కోసం.. తెలుగు కుర్రాడి ప్రపంచ రికార్డ్

అది ఆఫ్రికాలోనే అత్యంత ఎత్తైన పర్వతం. సముద్ర తలానికి దాదాపు 5,895 మీటర్ల ఎత్తులో ఉండే ఈ పర్వతాన్ని అధిరోహించడం అంత సులభమైతే కాదు. దట్టమైన మంచుతో నిట్ట నిలువుగా ఉండే పర్వాతాల పైకి ఎక్కేప్పుడు ఎన్నో సవాళ్లు ఎదురవుతాయి. మంచు తుఫాన్లు ప్రమాదాలు సృష్టిస్తాయి. అవన్నీ అధిగమిస్తేనే విజయం వరిస్తుంది.

తెలంగాణలోని రంగారెడ్డి జిల్లా యాచరం మండలంలోని తక్కళ్లపల్లి తండాకు చెందిన 19 ఏళ్ల యువకుడు తుకారాం ఆ ఒడిదుడుకులన్నీ అధిగమించాడు. ఎవరెస్టు తర్వాత 4వ అత్యంత ఎత్తైన పర్వతమైన కిలిమంజారో పర్వాతాన్ని అధిగమించి ఇండియా సత్తా చాటాడు. ‘హైరేంజ్‌ బుక్‌ రికార్డ్స్’లో స్థానం సాధించాడు. తుకారం ఈ రికార్డు సాధించడం వెనుక ఓ మంచి కారణం ఉంది.

హెల్మెట్ ధరించడంపై అవగాహన కల్పించాలనే ఉద్దేశంతో తుకారం ఈ సాహసం చేపట్టాడు. ‘‘నేను ఓ రోడ్డు ప్రమాదాన్ని ప్రత్యక్షంగా చూశా. ఆ ఘటన నన్ను ఎంతో బాధించింది. ఈ నేపథ్యంలో ద్విచక్ర వాహనాలు నడిపేప్పుడు తప్పకుండా హెల్మెట్ పెట్టుకోవాలనే సందేశం ఇచ్చేందుకు కిలిమంజారో అధిరోహించేందుకు సిద్ధమయ్యాను’’ అని తుకారం చెప్పాడు.
Read this article in English