ఇందిరాగాంధీ విమానాశ్రయం, దిల్లీ..
దిల్లీలోని ఇందిరాగాంధీ అంతర్జాతీయ విమానాశ్రయం అందంగా ఉంటుంది. ఇది ప్రపంచంలోనే ఎల్లప్పుడూ అత్యధిక రద్దీతో ఉండే విమానాశ్రయాల్లో ఒకటిగా నిలిచింది. దీంతో ఇక్కడికి విదేశీ పర్యాటకులతో పాటు నిత్యం వీఐపీలు ప్రయాణిస్తుంటారు. ఇది చాలా శుభ్రంగానూ ఉండటంతో పర్యాటకుల్ని తప్పకుండా ఆకర్షిస్తుంది. ఇది కాకుండా, IGI విమానాశ్రయం కూడా ప్రయాణీకులకు మంచి అనుభూతిని అందించడానికి పుష్కలమైన సౌకర్యాలను కలిగి ఉంది. (Photo Credit: Unsplash)
డబోలిమ్ విమానాశ్రయం, గోవా..
గోవాలోని డబోలిమ్ ఎయిర్‌పోర్ట్ కూడా అందంగా ఉంటుంది. ఈ విమానాశ్రయాన్ని గోవా అంతర్జాతీయ విమానాశ్రయం అని కూడా పిలుస్తారు. డబోలిమ్ గ్రామంలో ఉండే ఈ విమానాశ్రయం వాస్కోడిగామాకు దగ్గర్లో ఉంటుంది. మరోవైపు ఇది అరేబియా సముద్రం పక్కనే ఉండటంతో అత్యంత ఆకర్షణీయంగా ఉంటుంది. దీంతో ప్రయాణికులు గాల్లోకి ఎగిరేటప్పుడు, ల్యాండ్ అయ్యేటప్పుడు ఆకాశం నుండి సముద్ర అందాలను చూస్తూ ఎంజాయ్ చేస్తారు. (Photo Credit: Unsplash)
కెంపెగౌడ విమానాశ్రయం, బెంగళూరు..
బెంగళూరు కెంపెగౌడ అంతర్జాతీయ విమానాశ్రయం సైతం చాలా అందంగా ఉంటుంది. ఇటీవలే ఇక్కడ T2 స్వాంకీ ప్రారంభించారు. దీంతో ప్రపంచంలోని అత్యంత అందమైన విమానాశ్రయాలలో కొన్నింటికి ఇది పోటీగా నిలుస్తుంది. ఇది కాకుండా, కెంపేగౌడ అంతర్జాతీయ విమానాశ్రయం గ్లోబల్ బ్రాండ్‌ల కోసం షాపింగ్ చేయడానికి, అనేక స్టైలిష్ రెస్టారెంట్లు, కేఫ్‌లకు నిలయం. దీంతో ప్రయాణికులు ఈ విమానాశ్రయాన్ని కూడా చూసి ఆస్వాదించొచ్చు. (Photo Credit: Unsplash)
కుషౌక్ బాకుల రింపోచి విమానాశ్రయం, లద్ధాఖ్..
లద్ధాఖ్‌లోని కుషౌక్ బాకుల రింపోచి విమానాశ్రయం కూడా చుట్టూ కొండలతో అద్భుతంగా ఉంటుంది. ఇది ప్రపంచంలోని ఎత్తైన ప్రదేశాల్లో ఉన్న అతి కొద్ది విమానాశ్రయాల్లో ఒకటి. సహజంగానే లద్ధాఖ్ టూరిస్ట్ స్పాట్ కావడంతో ఇక్కడికి పర్యాటకులు బాగానే వస్తుంటారు. దీంతో వారంతా విమానంలో నుంచే హిమాలయ పర్వతాల అందాలు చూస్తుంటారు. (Photo Credit: Unsplash)
అగట్టీ విమానాశ్రయం, లక్షద్వీప్..
లక్షద్వీప్‌లోని అగట్టీ విమానాశ్రయం దేశంలోనే అత్యంత అందమైన ఎయిర్‌పోర్ట్‌లలో నంబర్ వన్ స్థానంలో ఉంటుంది. ఎందుకంటే ఈ ఎయిర్‌పోర్ట్ రన్‌వేకు రెండువైపులా అందమైన బ్లూ వాటర్ సముద్రమే ఉంటుంది. దీంతో ఇదో ప్రత్యేకమైన విమానాశ్రయంగా పేరుగాంచింది. విమానంలో ప్రయాణించేటప్పుడు పై నుండి ఈ ఎయిర్‌పోర్ట్‌ను చూస్తుంటే మీరు మంత్రముగ్ధులవ్వడమే కాకుండా జీవితంలో మర్చిపోలేని దృష్యాలను చూస్తారు. (Photo Credit: Unsplash)
ఛత్రపతి శివాజీ విమానాశ్రయం, ముంబై..
ముంబైలోని ఛత్రపతి అంతర్జాతీయ విమానాశ్రయం భారతదేశంలో రెండో అత్యంత రద్దీ కలిగిన విమానాశ్రయంగా నిలుస్తుంది. అలాగే ఇక్కడ ప్రయాణికులకు అనుగుణంగా సకల సౌకర్యాలు అందుబాటులో ఉంటాయి. దీని ఆర్కిటెక్చర్ శైలి కూడా చాలా వైవిధ్యంగా ఉంటుంది. షవర్ నుండి బార్, లైబ్రరీ, ఫైన్ డైనింగ్ ఆప్షన్‌లు, బిజినెస్ సెంటర్ల వరకు అన్ని వసతులను కల్పిస్తుంది. ఇక షాపింగ్, రెస్టారెంట్లు కూడా అద్భుతంగా ఉంటాయి. (Photo Credit: Unsplash)
వీర్ సావర్కర్ విమానాశ్రయం, పోర్ట్‌బ్లెయిర్..
ఇది అండమాన్ దీవులలోని ప్రధాన విమానాశ్రయం. అండమాన్ రాజధాని నగరం పోర్ట్ బ్లెయిర్‌లో ఉంటుంది. దీనిని పోర్ట్ బ్లెయిర్ విమానాశ్రయం అని కూడా పిలుస్తారు. ఈ విమానాశ్రయంలో విమానాలు ల్యాండ్ అయ్యేటప్పుడు, గాలిలోకి ఎగిరేటప్పుడు రన్‌వే పక్కన చూస్తుంటే మొత్తం ఆకు పచ్చగా అందంగా కనిపిస్తుంది (Photo Credit: Unsplash)