Bimbisara's Jail: గౌతమ బుద్ధుని స్నేహితుడైన బింబిసారుడిని తన కుమారుడే జైళ్లో పెట్టిన ప్రదేశం ఇది..!

గ్రిద్ధకూట లేదా రాబందుల శిఖరం రాజ్‌గిర్‌లోని అత్యంత ముఖ్యమైన మతపరమైన ప్రదేశాల్లో ఒకటి. ఈ పర్వత శిఖరం రాబందును పోలి ఉండటంతో ఆప్రాంతానికి ఆ పేరొచ్చింది. ఇక్కడ గౌతమ బుద్ధుడు అనేక సంవత్సరాలు నివసించి ప్రజలకు బోధనలు చేసేవారని ప్రసిద్ధి. ఈ కొండపైకి చేరాలంటే కాలినడక చేయాల్సిందే. (Photo Credit: Photo Dharma/Wikipedia)

ప్రాచీన కాలంలో భారత దేశంలోని అత్యంత శక్తిమంతమైన పాలకుల్లో ఒకరైన మగధ సామ్రాజ్య రాజు బింబిసారుడు. క్రీస్తు పూర్వం 545- 493 కాలంలో ఆయన ఈ రాజ్‌గిర్ ప్రాంతాన్ని పాలించాడు. కాలక్రమంలో తన కుమారుడు అజాతశత్రువు చేతనే చెరసాలలో బంధించబడ్డాడు. అదే ఇక్కడ కనిపిస్తున్న దృశ్యం. బింబిసారుడు గౌతమ బుద్ధుని స్నేహితుడు. దీంతో ఈ ప్రాంతంలో బౌద్ధమతానికి చెందిన అనేక ప్రాచీన కట్టడాలు ఉన్నాయి. (Photo Credit: Venkygrams/Wikipedia)

ఇక రాజ్‌గిర్ చుట్టు పక్కల ఉండే వైభవ కొండలపై ఉన్న సోన భందార్ గుహలు కూడా మంచి పర్యాటక ప్రదేశం. ఆ గుహల్లో బింబిసారుడు తన ఖజానాను దాచి ఉంచాడని స్థానికులు విశ్వసిస్తారు. అక్కడ ఇప్పటికీ ఆ నిధి ఉందని, దాన్ని పొందే మార్గం కూడా అక్కడి గోడలపై ఉన్న పురాతన శాసనాల్లో ఉంటుందని చాలా మంది నమ్ముతారు. (Photo Credit: Aryan paswan/Wikipedia)

వైభవ కొండలపైనే ఉన్న మరో అందమైన ప్రదేశమే సప్తపర్ణి గుహలు. ఇవి చాలా ముఖ్యమైన గుహలుగా పేరొందాయి. ఎందుకంటే ఇక్కడే గౌతమ బుద్ధుడు మొదటిసారి బౌద్ధ మతానికి సంబంధించిన సమావేశం జరిగింది. అలాగే బుద్ధుడు ఇక్కడ ధ్యానం కూడా చేశాడని ప్రసిద్ధి. ఇవి రాజ్‌గిర్ నుండి సుమారు రెండు కిలోమీటర్ల దూరంలో ఉన్నాయి. (Photo Credit : myself/Wikipedia)

రాజ్‌గిర్‌లోని మరో ముఖ్యమైన ప్రదేశం సప్తర్షి, బ్రహ్మాకుండ్ అనే వేడి నీటి కొలనులు. ఏడు చిన్న కొలనులనే సప్తర్షి అని పిలుస్తారు. అవన్నీ ఒక పెద్ద కొలనులో కలిసే ప్రదేశాన్ని బ్రహ్మాకుండ్ అంటారు. ఈ కొలనుల్లో స్నానాలు చేస్తే రోగాలు నయమవుతాయని అక్కడి ప్రజలు విశ్వసిస్తారు. వీటిని గౌతమ బద్ధుడు, మహావీర్ జైనుడు తరచూ సందర్శించేవారని అంటారు. దీంతో ఇవి పవిత్రమైన స్థలాలుగా ప్రసిద్ధిచెందాయి. (Photo Credit: Unsplash)

• Read all Latest Telugu News and Travel News