Do You Know Natu Natu Song Was Shot At Ukraines Presidents Palace
NatuNatu Song: ‘నాటు నాటు’ పాట చిత్రీకరించిన ప్రదేశం అదే.. తెలిస్తే ఆశ్చర్యపోతారు..!
ఇటీవల అమెరికాలో నిర్వహించిన గోల్డెన్ గ్లోబ్ (Golden Globes 2023) అవార్డుల ప్రదానోత్సవంలో తెలుగు సినిమా గర్వించదగ్గ దర్శకుడు రాజమౌళి రూపొందించిన ఆర్ఆర్ఆర్ (RRR) సినిమాలోని నాటు నాటు పాటకు (Natu Natu Song) ఉత్తమ ఒరిజినల్ సాంగ్ అవార్డు లభించిన సంగతి తెలిసిందే. అయితే, ఆ పాటను ఎక్కడ చిత్రీకరించారో తెలుసా..? ఆ విషయం తెలియాలంటే ఇది చదవాల్సిందే.
గతేడాది తెలుగు నాట సంచలన విజయం సాధించి బాక్సాఫీస్ వద్ద కాసుల వర్షం కురిపించిన ఆర్ఆర్ఆర్ (RRR) సినిమాలోని ‘నాటు నాటు’ పాటకు (Natu Natu Song) తాజాగా అమెరికాలో గోల్డెన్ గ్లోబ్ అవార్డుల (Golden Globes Awards 2023) ప్రదానోత్సవంలో ఉత్తమ ఒరిజినల్ సాంగ్ పురస్కారం లభించిన సంగతి తెలిసిందే. ఈ అవార్డు మన తెలుగు సినిమాకే గర్వకారణం. బాహుబలి సినిమాతోనే ప్రపంచ వ్యాప్తంగా గుర్తింపు పొందిన రాజమౌళి.. ఈ సినిమాతో మరింత పాపులర్ అయ్యారు. రామ్చరణ్ (Ram Charan), ఎన్టీఆర్ (NTR) వంటి ఇద్దరు అగ్ర కథానాయకులతో సినిమా అంటేనే భారీ అంచనాలు ఉంటాయి. వాటికి తగ్గట్టే ఈ సినిమా ఉండటంతో ఘన విజయం సాధించింది. ఇందులో ముఖ్యంగా నాటు నాటు పాట బాగా ఫేమస్ అయ్యింది. రామ్చరణ్, ఎన్టీఆర్ వేసిన స్టెప్పులు ప్రతి ఒక్కర్నీ లేసి గంతులేసేలా చేశాయి. దీంతో సామాన్యులు సైతం ఆ పాట స్టెప్పులు నేర్చుకొని ఆ వీడియోలను సామాజిక మాధ్యమాల్లో పంచుకొని మంచి రెస్పాన్స్ సాధించారు. అయితే, అంత గొప్ప పాటను ఎక్కడ చిత్రీకరించారనే సంగతి చాలా మందికి తెలియదు. ఆ విషయం తెలిస్తే ఆశ్చర్యపోతారు కూడా. ఆ విశేషాలేంటో ఇక్కడ తెలుసుకుందాం. (Photo Credit: 123HDgallery.com)
Samayam TeluguNatuNatu Song: ‘నాటు నాటు’ పాట చిత్రీకరించిన ప్రదేశం అదే.. తెలిస్తే ఆశ్చర్యపోతారు..!
దాని పేరు మారిన్స్కీ ప్యాలెస్..
రామ్చరణ్, ఎన్టీఆర్ ప్రధాన పాత్రల్లో నటించిన ఆర్ఆర్ఆర్ సినిమా దేశ వ్యాప్తంగా కాసుల వర్షం కురిపించడంతో పాటు విదేశాల్లోనూ రికార్డు వసూళ్లు రాబట్టింది. అందులోని నాటు నాటు పాటకు ఫిదాకాని సినీ అభిమానులు ఉండరంటే అతిశయోక్తి కాదు. రామ్ చరణ్, ఎన్టీఆర్ స్టెప్పులు, వారిద్దరి టైమింగ్, పాట చిత్రీకరణ, అది షూట్ చేసిన ప్రదేశం అన్నీ అద్భుతంగా కుదిరాయి. అయితే, ఆ పాటను చిత్రీకరించిన ప్రదేశం ఏదంటే ఉక్రెయిన్ అధ్యక్ష భవనం. ఆ అందమైన భవంతి పేరే మారిన్స్కీ ప్యాలెస్. (Photo Credit: Roman Naumov/Creative Commons Attributions) Also Read: Kerala 7 Days 7 Places Tour: కేరళ ట్రిప్.. 7 రోజుల్లో 7 ప్రాంతాలు ఇలా చుట్టేయండి..!
రాజమౌళీనే వెల్లడించారు..
ఆర్ఆర్ఆర్ సినిమా ప్రమోషన్స్ సందర్భంగా చిత్ర దర్శకుడు రాజమౌళీనే ఈ విషయాన్ని వెల్లడించారు. నాటు నాటు పాటని ఉక్రెయిన్లోని అధ్యక్ష భవనం ముందు షూట్ చేశామని చెప్పారు. అప్పుడు ఉక్రెయిన్లో పాట చిత్రీకరణకు సంబంధించిన తన అనుభవాలను కూడా గుర్తు చేసుకున్నారు. కాగా, సినిమా విడులైన సమయంలోనే రష్యా, ఉక్రెయిన్ల మధ్య యుద్ధం మొదలైంది. అంటే ఆ యుద్ధం ప్రారంభానికి కొద్ది నెలల ముందే నాటు నాటు పాటను చిత్రీకరించారు. ఆ పాట బ్యాక్ గ్రౌండ్లో మీరు మారిన్స్కీ ప్యాలెస్ని చూడొచ్చు. (Photo Credit:123HDgallery.com) Also Read: Alternate Tourist Destinations: ఎప్పుడూ అవేనా.. ఈసారి అక్కడికెళ్లి కొత్తగా ట్రై చేయండి..!
ఈ ప్యాలెస్ ప్రస్తుతం ఉక్రెయిన్ అధ్యక్షుడైన జెలెన్స్కీకి అధికారిక నివాసంగా ఉంది. అందులో ఉక్రెయిన్ చరిత్రకు సంబంధించిన అనేక స్మారక చిహ్నాలు ఉన్నాయి. అలాగే అందులో సుమారు 80 విశాలమైన గదులు ఉన్నాయని తెలిసింది. వాటిని ఉక్రెయిన్ ప్రముఖులతో పాటు విదేశీ ప్రముఖులకు ఆతిథ్యం ఇచ్చేందుకు ఉపయోగిస్తున్నారు. ప్యాలెస్ లోపల ఉక్రెయిన్ కళాకారుల అద్భుతమైన పెయింటింగ్స్ ఉన్నాయి. అలాగే ప్యాలెస్ చుట్టు పక్కల ఒక అందమైన పార్క్ కూడా ఉంటుంది. (Photo Credit: President.gov.ua/Creative Commons Attributions)Also Read: Maldives: మాల్దీవ్స్ ట్రిప్లో ఇలాంటి పనులు అస్సలు చేయకూడదు.. చేస్తే అంతే సంగతి
రెండు, మూడుసార్లు రిపేర్లు..
మరోవైపు ఈ ప్యాలెస్ను నిర్మించిన తర్వాత రెండు సార్లు దెబ్బతినడం గమనార్హం. 19వ శతాబ్దం తొలినాళ్లలో మొదటిసారి మంటలు అంటుకొని పూర్తిగా కాలిపోయి శిథిలావస్థకు చేరిన మారిన్స్కీ ప్యాలెస్.. అర్ధ శతాబ్దం పాటు వినియోగంలో లేదు. తర్వాత 1870లో అలాంగ్జండర్ II పునర్నిర్మించడంతో 1917 వరకు రాయల్ ఫ్యామిలీకి అధికారిక నివాసంగా ఉండేది. తర్వాత అది పాఠశాలగా, మ్యూజియంగా సేవలందించిన ఈ ప్యాలెస్ రెండో ప్రపంచ యుద్ధం సమయంలో మరోసారి దెబ్బతినింది. 1940ల్లో రిపేర్లు చేయగా 1980ల్లో మొత్తం భవనాన్నే మెరుగైన వసతులతో తీర్చిదిద్దారు. (Photo Credit: Stepco/Creative Commons Attributions) Also Read: Valentines Day Special: ఈ వాలెంటైన్స్ డేకి అక్కడ ఈ పనులు చేయండి.. !
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
