Do You Know What To Do At Ranthambore National Park
Ranthambore National Park: పెద్ద పులులను అతి దగ్గరి నుండే ఫొటోలు తీయొచ్చు..రణతంబోర్ అభయారణ్యం గురించి తెలుసా..?
రాజస్థాన్లోని రణతంబోర్ నేషనల్ పార్క్ (Ranthambore National Park) దేశంలోని అతిపెద్ద అభయారణ్యాల్లో ఒకటి. ఇక్కడ పులుల సంఖ్య ఎక్కువగా ఉండటంతో వైల్డ్ లైఫ్ ఫొటోగ్రాఫర్లకు (Wild Life Photographers) అనువైన ప్రదేశంగా గుర్తింపు పొందింది. ఆ అభయారణ్యం గురించి మరింత సమాచారం మీకోసం.
రణతంబోర్ నేషనల్ పార్క్ (Ranthambore National Park) ఉత్తర భారతదేశంలోనే అతిపెద్ద, అత్యంత ప్రసిద్ధిచెందిన జాతీయ అభయారణ్యాల్లో ఒకటి. ఇది రాజస్థాన్లోని సవాయ్ మాధోపూర్ జిల్లాలో.. జైపూర్ నుండి 130 కి.మీ దూరంలో ఉండే అద్భుతమైన అటవీ ప్రాంతం. ఒకప్పుడు జైపూర్ మహారాజులకు వేటలాడే ప్రాంతంగా ఉన్న ఈ అభయారణ్యం ఇప్పుడు మంచి టూరిస్ట్ స్పాట్గా, వైల్డ్ లైఫ్ ఫొటోగ్రాఫర్లకు ఫేవరెట్ డెస్టినేషన్గా పేరుగాంచింది. దీంతో ఈ పెద్దపులుల అభయారణ్యాన్ని (Ranthambore Tiger Reserve) సందర్శించడానికి దేశంలోని వివిధ ప్రాంతాల నుండే కాకుండా ప్రపంచం నలుమూలల నుండి వన్యప్రాణి ప్రేమికులు ఆసక్తి చూపుతున్నారు. అలాంటి రణతంబోర్ నేషనల్ పార్క్ గురించి మీరు తెలుసుకోవాల్సిన విషయాలు ఇక్కడ చూద్దాం. (Photo Credit: Unsplash)
Samayam TeluguRanthambore National Park: పెద్ద పులులను అతి దగ్గరి నుండే ఫొటోలు తీయొచ్చు..రణతంబోర్ అభయారణ్యం గురించి తెలుసా..?
పెద్దపులులే ఆకర్షణ..
రణతంబోర్ నేషనల్ పార్క్లో అతిపెద్ద ఆకర్షణ అంటే పెద్ద పులులే. ఇక్కడ మొత్తం 80 పులుల వరకు ఉండటం గమనార్హం. దీంతో వాటిని చూడాలనుకునే వారికి ఇదో మంచి అభయారణ్యం అని చెప్పొచ్చు. అలాగే ఇక్కడ చిరుతపులులు, ఎలుగుబంటులు, నక్కలు వంటి పలు రకాల క్రూర జంతువులు కూడా చూడొచ్చు. అలాగే ఈ జాతీయ ఉద్యానవనం 40 రకాల క్షీరదాలకు, 330 రకాల పక్షులకు, 35 రకాల సరీసృపాలకు నిలయంగా ఉంది. (Photo Credit: Unsplash) Also Read: canusa street: ఆ వీధిలో రోడ్డు దాటాలంటే పాస్పోర్ట్ ఉండాల్సిందే.. మీరు వెళ్లినప్పుడు జాగ్రత్త!
ఇదే సరైన సమయం..
ఈ రణతంబోర్ నేషనల్ పార్క్ని సందర్శించడానికి శీతాకాలం సరైనది. ఎందుకంటే ఈ సమయంలో అక్కడికి పెద్ద సంఖ్యలో వలస పక్షులు వస్తాయి. పార్క్లో మూడు చిత్తడి నేలలు ఉండటంతో ఇతర ప్రాంతాల నుంచి వచ్చే పక్షులు అక్కడే ఉంటాయి. అవే పదమ్ తలావ్, మాలిక్ తలావ్ రాజ్బాగ్ తలావ్. (Photo Credit: Unsplash) Also Read: Odisha Tourist Places: ఒడిశాలో ఇలాంటి అందమైన ప్రదేశాలు ఉంటే వెళ్లకుండా ఎలా ఉంటారు?
సఫారీ ముందే బుక్ చేసుకోవాలి..
సందర్శకులు ఎవరైనా ఈ నేషనల్ పార్క్ను చూడాలనుకుంటే ముందుగానే జీప్ సఫారీలను బుక్ చేసుకోవడం మంచిది. ఎందుకంటే ఈ పార్క్లో పరిమిత సంఖ్యలోనే జీప్లను అనుమతిస్తారు. అలాంటప్పుడు మీరు చివరి నిమిషంలో బుకింగ్ చేసుకోవాలనుకుంటే సఫారీ స్లాట్ దొరక్కపోవచ్చు. అప్పుడు మీరు ఈ ఉద్యానవనంలోని వన్యప్రాణులను చూడలేరు. (Photo Credit: Unsplash) Also Read: Vande bharat Interesting Facts: వందేభారత్ రైళ్లకు సంబంధించిన ఈ ఆసక్తికర విషయాలు మీకు తెలుసా?
అవి ఎప్పుడు ఉంటాయంటే..
ఈ జీప్ సఫారీలు అక్టోబర్ 1 నుండి జూన్ 30 మధ్య అందుబాటులో ఉంటాయి. రోజూ ఉదయం 6:30 నుండి 10:00 గంటల వరకు, మధ్యాహ్నం 2:30 నుండి 6:00 గంటల వరకు రెండు స్లాట్లు మాత్రమే ఉంటాయి. వర్షాకాలంలో అభయారణ్యంలోని రోడ్లు చిత్తడిగా ఉండే అవకాశం ఉండటంతో ఆ సమయంలో ఈ సఫారీలను అనుమతించరు. దీంతో మీరు శీతాకాలం లేదా వేసవిలోనే అక్కడికి వెళ్లడం మంచిది. (Photo Credit: Unsplash) Also Read: No Visa Countries for Indians: భారతీయులకు వీసాలు అక్కర్లేని 10 దేశాలు ఇవే.. 2023లో ప్లాన్ చేయండి..!
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
