యాప్నగరం

Elephanta Caves Festival: ముంబయికి వెళ్లాలనుకుంటే అప్పుడే వెళ్లండి.. అద్భుతమైనసాంస్కృతిక ఉత్సవాన్ని చూడొచ్చు

దేశ ఆర్థిక రాజధాని ముంబయి (Mumbai Tour) అద్భుతమైన నగరం. అది కేవలం మెట్రో పాలిటన్ మహా నగరమే కాకుండా మంచి పర్యాటక ప్రదేశం కూడా. అక్కడ పలు సందర్శనీయ ప్రదేశాలు ఉన్నాయి. దీంతో వాటిని చూడటానికి నిత్యం పర్యాటకులు వస్తుంటారు. అందులో ఒకటి ఎలిఫెంటా కేవ్స్. ఈ కేవ్స్లో వచ్చేనెల సాంస్కృతిక ఉత్సవాలు నిర్వహిస్తున్నారు. వాటి విశేషాలు తెలుసుకుంది.

Authored byKarthik Kumar Kongani | Samayam Telugu 5 Jan 2023, 5:46 pm
ఎలిఫెంటా కేవ్స్ (Elephanta Caves) అనేది అరేబియా సముద్రంలో ఉండే అందమైన ద్వీప ప్రాంతం. అక్కడ పురాతన కాలం నాటి శిల్ప కళా సౌందర్యాలు పర్యాటకుల్ని విశేషంగా ఆకట్టుకుంటాయి. ముంబయి (Mumbai Tour) నగరానికి తూర్పు దిక్కున 10 కిలోమీటర్ల దూరంలో ఉండే ఈ ద్వీపం మంచి పర్యాటక ప్రదేశం. అక్కడ ముఖ్యంగా శివుడికి సంబంధించిన 5 ఆలయాలు, బౌద్ధ మతానికి చెందిన 2 ఆలయాలను చూడొచ్చు. అలాంటి ఎలిఫెంటా కేవ్స్లో వచ్చే నెల ఫిబ్రవరి 13-15 తేదీల్లో సాంస్కృతిక ఫెస్టివల్ను (Cultural Festival) నిర్వహించనున్నారు. ముంబయిలోని పర్యాటక పర్యాటక ప్రదేశాలను, అక్కడి సంస్కృతిని ప్రోత్సహించే క్రమంలో మహారాష్ట్ర టూరిజం డెవలప్మెంట్ కార్పొరేషన్ ఈ ఉత్సవాలను నిర్వహించనుంది. (Photo Credit:Sahil Ahuja/Wikipedia)
Samayam Telugu dont miss this cultural fest at elephanta caves in mumbai coming february
Elephanta Caves Festival: ముంబయికి వెళ్లాలనుకుంటే అప్పుడే వెళ్లండి.. అద్భుతమైనసాంస్కృతిక ఉత్సవాన్ని చూడొచ్చు



ప్రపంచ వారసత్వ ప్రదేశం..

ఇక్కడ శతాబ్దాల కాలం నాటి శిల్ప కళా సౌందర్యాలు ఉండటంతో ఎలిఫెంటా కేవ్స్ను యునెస్కో వరల్డ్ హెరిటేజ్ సైట్గా గుర్తించింది. దీంతో ఈ ప్రదేశాన్ని సందర్శించడానికి నిత్యం పర్యాటకులు వస్తుంటారు. మీరు కూడా ఇలాంటి అరుదైన ప్రదేశాన్ని చూడాలనుకుంటే వచ్చేనెల అక్కడికి వెళితే సరిపోతుంది. ముంబయి హార్బర్ నుండి పడవలో దాదాపు గంటసేపు ప్రయాణం చేస్తే అక్కడికి చేరుకోవచ్చు. ఇది భారతదేశంలోని ఉత్తమ పర్యాటక ప్రదేశాల్లో ఒకటిగా పేరుగాంచడంతో ఈ కేవ్స్ను తప్పక చూడాల్సిందే. (Photo Credit: Akshay465/Wikipedia)
Also Read: Punjab Tour: అందమైన పంజాబ్ ఎప్పుడైనా సందర్శించారా.. లేకపోతే అక్కడ ఇవి చూడండి..!

అద్భుతమైన ప్రదర్శనలు..

ఈ సాంస్కృతిక ఫెస్టివల్ సందర్భంగా ఎలిఫెంటా కేవ్స్లో వివిధ శాస్త్రీయ నృత్య, సంగీత పోటీలు కూడా నిర్వహిస్తున్నారని తెలిసింది. దీంతో అలాంటి సాంస్కృతిక ప్రదర్శనల పట్ల ఆసక్తి ఉన్న వారు తప్పకుండా ఈ ఎలిఫెంటా ఫెస్టివల్ చూసి తరించాల్సిందే. ఆ సమయంలో ఎలిఫెంటా ద్వీపం మొత్తం ఆడిటోరియంలా మారిపోతుంది. అక్కడ ఉండే అందమైన భారీ స్తంభాలు, పురాతన కాలం నాటి శిల్ప కళా సౌందర్యాలు ప్రతి ఒక్కర్ని తప్పక మెప్పిస్తాయి. (Photo Credit: Ricardo Martins/ Wikipedia)
Also Read: International Destinations: జనవరిలో అంతర్జాతీయ ట్రిప్ వెళ్లాలనుకుంటే ఈ దేశాలను పరిశీలించండి..!

ఇంకా ఏమేం చూడొచ్చంటే..

ఈ ఫెస్టివల్కు వెళ్లేవారు నాటకాలు, స్కిట్లు, శాస్త్రీయ నృత్యాలు, ప్రత్యక్ష సంగీత పోటీలు, జానపద నృత్య ప్రదర్శనలు, మత్స్యకార సంఘం జానపద ప్రదర్శనలు. వాయిద్య, గాత్ర పఠనాలు వంటి అద్భుతమైన ప్రదర్శనలు కూడా చూసే అవకాశం ఉంది. ఈ ప్రదర్శనలన్నీ ఓపెన్ స్కై కిందే నిర్వహించడం గమనార్హం. దీంతో మీరు అద్భుతమైన వేడుక చూసే వీలుంటుంది. ఈ ఫెస్టివల్కు ఎలాంటి ఎంట్రీ టికెట్లు కూడా లేవు. దీంతో మీరు ఉచితంగా ఈ ఉత్సవాలను చూడొచ్చు. (Photo Credit: Ronakshah1990/Wikipedia)
Also Read: Jawai: మీ పార్ట్నర్తో జవాయి వెళ్లినప్పుడు.. ఈ విషయాలు అస్సలు మిస్సవ్వద్దు..!

ఈ ద్వీపం ఎలా ఉంటుందంటే..

సుమారు రెండున్నర కిలోమీటర్లు విస్తరించిన ఈ ద్వీపం రెండు కొండలను కలిగి ఉంటుంది. అవి 150 మీటర్ల ఎత్తు వరకు ఉంటాయి. అలాగే అక్కడ చిన్న అడవి లాంటి ప్రాంతం కూడా ఉంటుంది. దీంతో చాలా ప్రశాంతమైన పరిసరాలను ఆస్వాదించొచ్చు. పడమర దిక్కున ఉన్న కొండపై 5 గుహలు ఉండగా, తూర్పు దిక్కున ఉన్న కొండ ప్రాంతంలో ఇటుకల స్థూపంతో పాటు రెండు బౌద్ధ గుహలు కూడా కలిగి ఉన్నాయి. అయితే, పోర్చుగీస్ భారత దేశానికి వచ్చినప్పుడు ఈ గుహలను చూసి అందులోని ఆలయాలను ధ్వంసం చేశారు. 1970లో పునర్నిర్మించగా 1987లో యునెస్కో గుర్తింపు దక్కింది. (Photo Credit: Sivaraj D/Wikipedia)
Also Read: Lakshadweep Islands: లక్షద్వీప్లోని ఆ 17 దీవులకు వెళ్లడం ఇకపై నిషేధం

అక్కడికి ఇలా చేరుకోవాలి..

ఎలిఫెంటా ద్వీపాలకు వెళ్లాలనుకుంటే ముంబయి పోర్ట్ నుంచి ఫెర్రీలో ఒక గంట దూరం ప్రయాణం చేయాల్సి ఉంటుంది. ముందుగా మీరు గేట్వే ఆఫ్ ఇండియా వద్దకు చేరుకొని.. అక్కడి నుండి ఫెర్రీలో బయలుదేరాల్సి ఉంటుంది. మొదటి పడవ ఉదయం 9 గంటలకు, చివరి పడవ మధ్యాహ్నం 2 గంటలకు ఉంటాయి. మధ్యలో ప్రతి 30 నిమిషాలకు ఒకటి అందుబాటులో ఉంటుంది. దీంతో మీరు మధ్యాహ్నంలోపే గేట్వే ఆఫ్ ఇండియా వద్దకు చేరుకోవాల్సి ఉంటుంది. అక్కడి నుండి సముద్రంలో ప్రయాణించి ఎలిఫెంటా కేవ్స్ చేరుకోవచ్చు. (Photo Credit: Vaikoovery/Wikipedia)
Also Read: Tirupati to Ooty Tour: తిరుపతి నుంచి రూ.8,510కే ఊటీ ట్రిప్.. ఆలస్యం చేయకుండా బుక్ చేసుకోండి..!
రచయిత గురించి
Karthik Kumar Kongani
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.