మెరైన్ నేషనల్ పార్క్‌లో భాగం..
సౌత్ బటన్ ఐలాండ్ నేషనల్ పార్క్ రాణి ఝాన్సీ మెరైన్ నేషనల్ పార్క్‌లో భాగంగా ఉంది. ఇది దేశంలోనే అత్యంత అందమైన సముద్ర దీవుల్లో ఒకటైన హ్యావ్‌లాక్ ద్వీపానికి నైరుతి దిశలో 24 కిలోమీటర్ల దూరంలో ఉంటుంది. దీంతో మీరు ఈసారి అండమాన్‌కు వెళ్లి అక్కడి నుండి హ్యావ్‌లాక్ ఐలాండ్స్‌ను సందర్శిస్తే ఈ సౌత్ బటన్ నేషనల్ పార్క్‌ను కూడా అస్సలు మిస్సవ్వద్దు. మోటర్ పడవలో రెండు గంటల పాటు ప్రయాణం చేస్తే అక్కడికి చేరుకోవచ్చు. (Photo Credit: Unsplash)
Also Read: Travel News: భారతీయులకు ఝలక్.. ‘వీసా ఫ్రీ ఎంట్రీ’ ఎత్తేసిన సెర్బియా..!
అక్కడెలా ఉంటుందంటే..?
జాతీయ ఉద్యానవనం అంటే మీరేదో ఇక్కడ పెద్దపెద్ద వన్యప్రాణి జీవులను చూడొచ్చని ఆశపడితే పొరపాటే. అక్కడ మీరు భూమి మీద తిరగాడే జంతువులను పెద్దగా చూడలేరు. ఇది జాతీయ ఉద్యానవనమే కానీ, అక్కడున్న భౌగోళిక పరిస్థితుల కారణంగా పెద్ద జంతువులేవీ అక్కడ ఉండవు. అలాగే, ఈ ద్వీపంలోని మొక్కలు కూడా చాలా పరిమితమైన సంఖ్యలోనే ఉంటాయి. అలాంటప్పుడు అక్కడికెళ్లి ఏం చేయాలనే సందేహం వస్తే వెంటనే స్కూబా డైవింగ్ లేదా స్నోర్కెలింగ్ ట్రై చేయండి. (Photo Credit: Unsplash)
Also Read: Travel News: అంతర్జాతీయ ప్రయాణికులకు పరీక్షలు..? రద్దీ ప్రదేశాల్లో మాస్కులు ధరించండి..!
సముద్ర గర్భంలో అందాలు..
మీరు ఈ సౌత్ బటన్ నేషనల్ పార్క్‌కు వెళ్లినప్పుడు ప్రధానంగా చేయాల్సింది అవే. క్రిస్టల్ క్లియర్ సముద్ర జలాల్లో స్నోర్కెలింగ్, స్కూబా డైవింగ్ వంటి సాహస కార్యకలాపాలు ప్రయత్నిస్తే సముద్ర గర్భంలోని అందమైన జీవరాశులను చూడొచ్చు. రంగురంగుల చేపలు, అరుదైన సముద్ర జీవులు, తాబేళ్లు, డాల్ఫిన్‌లు, నీలి తిమింగలాలు, పగడాలు, ఎడిబిల్ నెస్ట్ స్విఫ్ట్ లెఫ్ట్లు, వైట్ బెల్లీడ్ సీ ఈగల్ వంటి పక్షులను చూడొచ్చు. (Photo Credit: Unsplash)
తాబేళ్లకు కూడా ముఖ్యమైనది..
ఈ ద్వీపం సముద్ర తాబేళ్లకు కూడా ఒక ముఖ్యమైన సంతానోత్పత్తి ప్రదేశం. అలాగే లోతులేని నీటి పగడపు దిబ్బలు సైతం ఈ ద్వీపానికి చట్టుముట్టుగా ఉంటాయి. దీంతో ఈ ఉద్యానవనం చూడటానికి అద్భుతంగా, కనులవిందుగా ఉంటుంది . కేవలం ఆరు అడుగుల లోతు ఉండే ఈ పగడపు దిబ్బలు సందర్శకులకు స్నోర్కెలింగ్, స్కూబా డైవింగ్ చేయడానికి సరైన ప్రదేశం. (Photo Credit: Unsplash)
Also Read: IRCTC Ooty Package: ఆలస్యం చేయకండి.. బడ్జెట్ ధరలో హైదరాబాద్-ఊటీ ట్రిప్..!
ఎప్పుడు సందర్శించాలంటే..
శీతాకాలంలో అంటే డిసెంబర్ నుండి ఏప్రిల్ వరకు ఈ జాతీయ ఉద్యానవనాన్ని సందర్శించడానికి ఉత్తమ సమయం. వర్షాకాలంలో పుష్కలంగా వర్షాలు కురిసే అవకాశం ఉండటంతో ఆ సమయంలో పార్క్‌ను సందర్శించడానికి అనుకూలంగా ఉండదు. కాబట్టి మీరు రాబోయే నూతన ఏడాదిలోనూ అక్కడికి వెళ్లడానికి ట్రై చేయొచ్చు. (Photo Credit: Unsplash)
Also Read: Indonesia Sex Laws: ఇండోనేషియా ‘సెక్స్ చట్టాల’ పట్ల టూరిస్టులు ఆందోళన చెందొద్దు: అధికారుల స్పష్టత
Read All Latest Telugu News and Travel News