Have You Ever Seen This Natural Rock Formation Of Silathoranam In Tirumala Hills
Tirumala: తిరుమలలో ప్రకృతి సహజసిద్ధంగా ఏర్పడిన ఈ అరుదైన నిర్మాణం ఎప్పుడైనా చూశారా?
తిరుమల (Tirumala Hills) తిరుపతి వెంకటేశ్వర స్వామిని రోజూ వేలాది మంది భక్తులు దర్శించుకుంటారు. దేశం నలుమూలల నుంచి పెద్ద సంఖ్యలో ఈ ఆలయానికి వచ్చేవారు స్వామివారి దర్శనం అనంతరం అక్కడే ఉండే కొన్ని పర్యాటక ప్రదేశాలను చుట్టేస్తారు. అయితే, ఈ తిరుమల కొండల్లోనే ఉన్న మరో ప్రకృతి సహజసిద్ధమైన శిలాతోరణం గురించి చాలా మందికి తెలియదు. దాని గురించి మనం ఇక్కడ తెలుసుకుందాం.
తిరుపతి (Tirupati) జిల్లా తిరుమల కొండల్లోని చక్రతీర్థం జలధారకు సమీపంలో ఉన్న శిలాతోరణం (Silathoranam) ప్రకృతి సహజ సిద్ధంగా ఏర్పడిన అరుదైన ప్రదేశం. దీన్ని నేషనల్ జియో హెరిటేజ్ స్మారక చిహ్నంగా గుర్తించడంతో ఆంధ్రప్రదేశ్‌లోని అత్యంత సహజ సిద్ధమైన పర్యాటక ప్రదేశాల్లో ఒకటిగా ప్రత్యేకత సాధించింది. శిలాతోరణం అంటే రాళ్లతో ఏర్పడిన పూలమాల వంటిదని అర్థం. ఇది ఎనిమిది మీటర్ల వెడల్పు, మూడు మీటర్ల ఎత్తుతో అత్యంత సహజంగా ఉంటుంది. సుమారు 2.5 మిలియన్ సంవత్సరాల క్రితం ఇది ప్రకృతి, వాతావరణ పరిస్థితుల కారణంగా ఏర్పడిన అరుదైన నిర్మాణం. (Photo Credit: Wikipedia User/Wikipedia)
Samayam Telugu
1980వ దశకంలో తిరుమల కొండల్లో భూగర్భ అధ్యయనాల్లో భాగంగా తవ్వకాలు జరపగా ఈ అరుదైన నిర్మాణం కనపడింది. అప్పటి నుంచి ఈ శిలాతోరణం ఎంతో మంది దృష్టిని ఆకర్షించింది. ఈ శిలాతోరణాన్ని చూస్తే తీవ్రమైన వాతావరణ పరిస్థితుల కారణంగా కోతకు గురైందిగా అనిపిస్తుంది. భౌగోళిక భాషలో ఇలాంటి అరుదైన నిర్మాణాలను Eparchean Unconformity అని పిలుస్తారు. ఇక్కడ మరో ఆసక్తికరమైన విషయం ఏమిటంటే భక్తులు ఈ ప్రదేశాన్ని పురాణాలతో పోల్చుకోవడం.
Also Read: New Year Goa: ఈసారి న్యూ ఇయర్‌కి గోవా ప్లాన్ చేయొద్దు.. ఎందుకంటే ఇది చదవండి..! ఈ అరుదైన ప్రదేశం తిరుమల కొండల్లో ఉండటంతో స్వామి వారి నిలయంగా భావిస్తారు. అలాగే ఈ శిలాతోరణం చూడటానికి పాములా వంపు తిరగడం, శంఖం లేదా విష్ణమూర్తి చక్రంలా కనిపించడం కూడా అందుకు కారణం. అలాగే ఈ శిలాతోరణం ఎత్తు తిరుమల గర్భగుడిలోని స్వామివారి ఎత్తుతో సమానంగా ఉందని పలువురు నమ్ముతారు. మరోవైపు స్వామివారు తిరుమలకు తొలిసారి వచ్చినప్పుడు శ్రీవారిపాదాల వద్ద తొలి అడుగు వేయగా రెండో అడుగు ఈ ప్రదేశంలోనే వేశారని కూడా భావిస్తారు. ఇవన్నీ నిజమో కాదో కచ్చితంగా చెప్పలేకపోయినా ఈ సహజసిద్ధమైన నిర్మాణం మాత్రం అత్యంత అద్భుతంగా ఉంటుంది. దీంతో మీరు మళ్లీ ఎప్పుడైనా తిరుమలకు వెళితే ఈ శిలాతోరణాన్ని చూడటం మర్చిపోకండి.
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
