దిల్లీ నుంచి ఇలా..
భారతీయులు నేపాల్ సందర్శించాలంటే వీసా, పాస్‌పోర్ట్ అవసరం లేదనే సంగతి తెలిసిందే. ఏదైనా ప్రభుత్వ ఐడెంటిటీ కార్డు ఉంటే నేరుగా వెళ్లిపోవచ్చు. దీంతో మీరు దిల్లీ నుండి నేరుగా విమానంలో లేదా బస్‌లో ఖాట్మాండుకు వెళ్లిపోవచ్చు. విమాన టికెట్ ధరలు రూ.5 వేల నుండి ఉంటుండగా.. బస్ టికెట్లు రూ.2,500 నుంచి 3,500 మధ్యలో ఉంటాయి. (Photo Credit: Unsplash)
అక్కడ తిరగలాంటే..
ఇక అక్కడికి వెళ్లాక కూడా డబ్బును ఆదా చేసుకోవాలనుకుంటే పబ్లిక్ ట్రాన్స్‌పోర్ట్‌ వాడుకోవచ్చు. నేపాల్‌లో టికెట్ల రేట్లు తక్కువగా ఉంటాయి కాబట్టి ఎక్కడికైనా వెళ్లాలనుకుంటే బస్సులో వెళ్లడమే మంచిది. అలాగే లోకల్‌గా తిరగడానికి స్కూటీని అద్దెకు తీసుకోవడం కూడా ఉపయోగం. రూ.400 నుంచి 500 వరకు తిరగడానికి సరిపోతుంది. (Photo Credit: Unsplash)
రెస్టారెంట్లు కాకుండా..
నేపాల్‌లో రెండు ప్రధానమైన నగరాలు ఖాట్మాండు, పోఖరా. ఈ రెండు ప్రదేశాల్లో అనేక రెస్టారెంట్లు నిత్యం పర్యాటకులతో రద్దీగా ఉంటాయి. దీంతో మీరు రుచికరమైన ఆహారాలు కూడా ఆస్వాదించే వీలుంది. అది కూడా రోజుకు రూ.500ల్లోనే మంచి ఆహారం తినొచ్చు. ఒకవేళ మీరు స్ట్రీట్‌ఫుడ్ తినడానికైనా సిద్ధంగా ఉంటే ఇంకా తక్కువ ఖర్చులోనే పూర్తిచేయొచ్చు. (Photo Credit: Unsplash)
ఉండటానికి కూడా..
పర్యాటకులు ఉండటానికి నేపాల్‌లో అనేక హోటల్స్, హాస్టల్స్ అందుబాటులో ఉన్నాయి. అవి రోజుకు కనీస ధర రూ.300 నుంచి అందుబాటులో ఉండగా.. హాస్టల్స్‌లో రోజుకు రూ.150 నుంచే విడిది పొందొచ్చు. దీంతో మీరు ఎక్కడైనా ఉండటానికి కూడా చాలా తక్కువ ధరలోనే వసతి ఏర్పాటు చేసుకోవచ్చు. (Photo Credit: Unsplash)
అక్కడ చూడాల్సిన ప్రదేశాలు..
నేపాల్‌లో ప్రధానంగా చూడాల్సిన నగరాల్లో ఖాట్మాండు, పొఖారా, అన్నపూర్ణ, ధౌలాగిరి, భక్తాపూర్, లుక్లా వంటి ప్రదేశాలు ఉన్నాయి. (Photo Credit: Unsplash)
అక్కడ చేయాల్సిన పనులు..
నేపాల్‌కు వెళ్లిన వారు తప్పక చేయాల్సిన పనులు ఇదే. తొలుత ఎవరెస్ట్ బేస్‌ క్యాంపు వరకు ట్రెక్కింగ్ చేయాలి. చిత్వాన్ నేషనల్ పార్క్‌లో వైల్డ్ లైఫ్ సఫారీ ఆస్వాదించాలి. సగర్మాత నేషనల్‌లో పార్క్‌లో మిల్కీ వే గెలాక్సీని చూడాలి. ఖాట్మాండులో పశుపతి ఆలయం, బౌద్ధ స్థూపం, దర్బార్ స్క్వేర్ వంటి వాటిని చూడాలి. పెహ్వా తాల్‌ లేక్‌లో బోట్ రైడ్,ఇల్లాంలో తేయాకు తోటలు కూడా సందర్శించాలి. (Photo Credit: Unsplash)
- Read All Latest Telugu News and Travel News