మొదట కాశీ సందర్శన..
ఈ ప్యాకేజీ డిసెంబర్ 11న సికింద్రాబాద్ రైల్వేస్టేషన్‌ నుండి ప్రారంభమవుతుంది. దానాపూర్ ఎక్స్‌ప్రెస్ రైళ్లో వారణాసికి బయలు దేరతారు. మరుసటి రోజు మధ్యాహ్నం అక్కడ చేరుకుంటారు. అక్కడ హోటల్‌లో ఫ్రెషప్ అయ్యాక సాయంత్రం గంగా హారతి వీక్షించి తర్వాత విశ్రాంతి తీసుకుంటారు. మరుసటి రోజు ఉదయం కాశీ ఆలయంతో పాటు ఇతర ఆలయాలు, సందర్శనీయ ప్రాంతాలు చూస్తారు. ఇక సాయంత్రం మిమ్మల్ని షాపింగ్‌కు వదిలేస్తారు. (Photo Credit: Unsplash)
తర్వాత సార్నాత్, ప్రయాగ్‌రాజ్..
ఇక నాలుగో రోజు సార్నాత్ చేరుకొని అక్కడ ధమేఖ్ స్థూప, బుద్ధ టెంపుల్ చూసుకొని తర్వాత ప్రయాగ్‌రాజ్ చేరుకుంటారు. మార్గ మధ్యలో వింద్యాంచల్ టెంపుల్ సందర్శిస్తారు. రాత్రికి ప్రయాగ్‌రాజ్ చేరుకొని హోట‌లో విడివి చేస్తారు. మరుసటి రోజు ఉదయం త్రివేణి సంగమం చూసుకొని తర్వాత ఆనంద్ భాగ్ సందర్శిస్తారు. మధ్యాహ్నం మిమ్మల్ని మళ్లీ ప్రయాగ్‌రాజ్ రైల్వేస్టేషన్‌లో వదిలేస్తారు. అక్కడి నుండి సికింద్రాబాద్ ఎక్స్‌ప్రెస్‌లో తిరుగుప్రయాణం అవుతారు. (Photo Credit: Unsplash)
ప్యాకేజీలో ఉండనివి..
మధ్యాహ్నం, రాత్రి వేళ భోజన ఏర్పాట్లు మీరే చూసుకోవాలి. ట్రైన్ జర్నీలో ఫుడ్ కూడా ఉండదు. సందర్శనీయ స్థలాల వద్ద ఎంట్రన్స్ టికెట్లు. ప్రత్యేక దర్శనాలు కావాలంటే వాటి టికెట్లు మీరే చూసుకోవాలి. టూర్ గైడ్‌కు చెల్లించాలి. ఇక ఏమైనా ప్రత్యేక సౌకర్యాలు కావాలంటే వాటికీ చెల్లించుకోవాలి. అయితే, స్టాండర్డ్ క్లాస్ ప్యాకేజీకి 12 సీట్లే అందుబాటులో ఉన్నాయి. అలాగే కంఫర్ట్ క్లాస్‌కైతే 6 సీట్లే మిగిలి ఉన్నాయి. దీంతో మీరు వెళ్లాలనుకుంటే వెంటనే ఐఆర్సీటీసీని సంప్రదించండి. (Photo Credit: Unsplash)
ప్యాకేజీలో ఉండేవి..
ట్రైన్ జర్నీ టికెట్లు. మీరు ఎంచుకున్న ప్యాకేజీని బట్టి స్లీపర్ క్లాస్ లేదా స్టాండర్డ్ క్లాస్. హోటల్స్‌లో ఏసీ రూమ్ అనుకూలతను బట్టి. అక్కడ తిరగడానికి ప్రత్యేక వాహనం. మూడు రోజు బ్రేక్‌ఫాస్ట్ ఫ్రీ. ట్రావెల్ ఇన్సూరెన్స్ కూడా కవర్ అవుతుంది. ఐట్నరీలో పేర్కొన్న అన్ని సందర్శనీయ స్థలాలకు తీసుకెళ్లడం. ట్యాక్సులు కూడా ఇందులోనే కలిసి ఉండటం. (Photo Credit: Unsplash)
ప్యాకేజీ వివరాలు..
ఈ ప్యాకేజీ రెండు క్లాస్‌లలో అందుబాటులో ఉంది. ఒకటి స్టాండర్డ్ క్లాస్. రెండోది కంఫర్ట్ క్లాస్. మీ ప్రయాణికుల సంఖ్య, బడ్జెట్ బట్టి ఈ కింది విధంగా ప్యాకేజీలు ఎంచుకోవచ్చు.
క్యాన్సిలేషన్ పాలసీ..
ఒకవేళ మీరు ఏదైనా కారణం చేత ఈ ప్యాకేజీ ఎంచుకున్నాక వెళ్లలేకపోతే క్యాన్సిలేషన్ పాలసీ కూడా అందుబాటులో ఉంది. మీ ప్రయాణ తేదీకి 15 రోజుల ముందే క్యాన్సిల్ చేసుకుంటే ఒక వ్యక్తికి రూ.250 తీసుకొని మీ డబ్బు తిరిగిస్తారు. అదే 8 నుంచి 14 రోజుల మధ్య క్యాన్సిల్ చేసుకుంటే ప్యాకేజీలో 25 శాతం, 4 నుంచి 7 రోజుల ముందు రద్దు చేసుకుంటే 50 శాతం, నాలుగు రోజుల కన్నా తక్కువ సమయంలో క్యాన్సిల్ చేసుకుంటే ఎలాంటి రీఫండ్ రాదు. (Photo Credit: Unsplash)
- Read All Latest Telugu News and Travel News