Bir Billing: ఇండియాలో పారాగ్లైడింగ్ చేయాలంటే ఇంతకుమించిన ప్రదేశం లేదు.. నవంబర్ వరకే అవకాశం!

మనలో చాలా మందికి పారాగ్లైడింగ్ (Paragliding) చేయాలంటే చాలా ఇష్టం. కానీ, మనం ఉండే చోట ఈ సాహసక్రీడలు ఉండవు కాబట్టి ఏ సుదూర ప్రాంతాలకో, టూరిస్టు ప్రదేశాలకో వెళ్లాలి. అలాంటి ఓ అద్భుతమైన ప్రదేశమే ఈ బిర్ బిల్లింగ్ గ్రామం. ఇది భారత దేశంలోనే పారాగ్లైడింగ్ యాక్టివిటీకి పెట్టింది పేరు. దీంతో ఈ ప్రాంతానికి "పారాగ్లైడింగ్ క్యాపిటల్ ఆఫ్ ఇండియా" అనే పేరొచ్చింది. ఇది హిమాచల్ ప్రదేశ్‌లోని జోగిందర్ నగర్ వ్యాలీకి పశ్చిమ దిక్కున ఉంది. ఇక్కడికి నిత్యం ఎంతో మంది పర్యాటకులు, సాహస ప్రియులు దేశ విదేశాల నుంచి వచ్చి తమ కోరికను తీర్చుకుంటారు.