Lahaul and Spiti: ఇలాంటి ఫొటోలు చూస్తే.. లాహౌల్, స్పితి వ్యాలీకి వెళ్లకుండా ఎలా ఉంటారు?

ఇది చంద్రతాల్ లేక్. స్పితి వ్యాలీలో ఉండే అందమైన సరస్సు. ఇది దేశంలోనే ఎత్తైన సరస్సుల్లో ఒకటిగానూ నిలిచింది. ఇది సముద్రమట్టానికి 4,200 మీటర్ల ఎత్తులో ఉండటంతో హిమాలయాల నడుమ అద్భుతమైన వీక్షణలను కలిగి ఉంది. దీంతో ఈ సరస్సును చూడటానికి పర్యాటకులు పెద్ద ఎత్తున ఆసక్తి చూపుతుంటారు. (Photo Credit: Unsplash)

Also Read: Jhalana Leapord Reserve: ఇక్కడికెళితే తప్పకుండా చిరుత పులులను చూస్తారు.. ఆ ప్రదేశం ఏంటో తెలుసా?

సముద్ర మట్టానికి 4,551 మీటర్ల ఎత్తులో ఉండే కుంజుమ్ పాస్ స్పితి వ్యాలీకి ప్రవేశ ద్వారం. ఇది భారతదేశంలోనే ఎత్తైన మోటారు పాస్‌ రోడ్డు మార్గాల్లో ఒకటి. ఈ ప్రాంతాన్ని కుంజుమ్ లా అని కూడా పిలుస్తారు. ఈ పర్వత మార్గం స్పితి, లాహౌల్‌ ప్రాంతాలను కలుపుతుంది. మార్గమధ్యంలో గొప్ప వీక్షణలను కూడా చూడొచ్చు. (Photo Credit: Unsplash)

Also Read: Places to Visit: వేసవి వచ్చేలోపే ఈ ప్రదేశాలను సందర్శించి రండి.. ఎందుకంటే..!

16వ శతాబ్దం కాలానికి చెందిన బౌద్ధ మఠం ధంకర్ గొంప. సముద్ర మట్టానికి 3,894 మీటర్ల ఎత్తులో ఉండే ఈ ప్రదేశం స్పితి వ్యాలీలోని ధంకర్ అనే గ్రామ సమీపంలో ఉంటుంది. ఈ బౌద్ధ ఆలయం కొండపై ఉండటంతో చూడటానికి కోటలా అనిపిస్తుంది. భారతదేశంలోని అత్యంత సుందరమైన మఠాల్లో ఇదీ ఒకటి. ఇది సందర్శకులకు చూడటానికి వైవిధ్యంగా ఉంటుంది. (Photo Credit: Unsplash)

Also Read: Champawat Hill Station: మార్చిలో ఈ హిల్‌స్టేషన్‌కు వెళ్లడానికి చూడండి.. గొప్ప ఆఫ్‌బీట్ డెస్టినేషన్

లాహౌల్-స్పితి వ్యాలీలో మీరు చూసే అత్యంత ఫోటోజెనిక్ ప్రదేశాల్లో ఒకటి ఈ కీ గోంప అనే బౌద్ధ మఠం. ఇక్కడ వందలాది లామాలు మతపరమైన శిక్షణ పొందే అరుదైన ప్రదేశం కూడా. ఇక్కడి చుట్టు పక్కల నిర్మానుష్య ప్రాంతాలు పర్యాటకులకు ప్రశాంతమైన వాతావరణాన్ని అందిస్తాయి. దీంతో ఇది చూడటానికి కూడా ఔత్సాహికులు ఆసక్తి చూపుతుంటారు. అందమైన బౌద్ధ కళలు, వారి సంస్కృతి తెలుసుకునేందుకు ఈ మఠాన్ని సందర్శించవచ్చు. (Photo Credit: Unsplash)

Also Read: Sikkim: మీకిది తెలుసా? ఇప్పటికీ సిక్కిం రాష్ట్రంలో ఒక్క రైల్వేస్టేషన్ లేదు..

లాంగ్జా అనే మరో నిర్మానుష్యమైన ప్రదేశం కూడా స్పితివ్యాలీలో తప్పక చూడాల్సింది. ఇక్కడ పెద్ద బుద్ధ విగ్రహాన్ని కూడా చూడొచ్చు. ఆ విగ్రహం స్పితి వ్యాలీని చూస్తున్నట్లు ఉంటుంది. మరోవైపు ఈ లాంగ్జా గ్రామం, చుట్టు పక్కల గ్రామాల్లో అరుదైన జంతువుల శిలాజాలు సైతం కనుగొనొచ్చు. దీంతో ఇదో అతి పురాతనమైన ప్రదేశం అని అర్థం చేసుకోవచ్చు. (Photo Credit: Unsplash)

Also Read: Chopta Tour: ఇది ప్రకృతి ప్రేమికులకు స్వర్గధామం.. ఒక్కసారి వెళ్లారంటే మళ్లీ మళ్లీ వెళ్లాలనుకుంటారు!

లాహౌల్ వ్యాలీ కూడా ఆ ప్రాంతంలో ప్రధాన ఆకర్షణ. ఇక్కడ చుట్టూ హిమాలయాలు, నదులు, అందమైన లోకేషన్లతో ఈ ప్రదేశం చూడముచ్చటగా ఉంటుంది. మరోవైపు ఇక్కడ ప్రధానంగా టిబెటన్ బౌద్ధమతాన్ని పాటిస్తారు. దీంతో ఇక్కడ టిబెటన్ సంస్కృతి ఎక్కువగా కనిపిస్తుంది. ఇది స్పితి వ్యాలీ కన్నా చాలా పచ్చదనంతో నిండి ఉంటుంది. దీంతో ఇవన్నీ లాహౌల్, స్పితి వ్యాలీలను తప్పకుండా సందర్శించేలా చేస్తాయి. (Photo Credit: Unsplash)

• Read All Latest Telugu News and Travel News​