Irctc Jyotirlinga Darshan Madhya Pradesh Tour Starting From Hyderabad
IRCTC Jyotirlinga Packages: అతి తక్కువ ధరకే మధ్యప్రదేశ్ జ్యోతిర్లింగాల దర్శనం ప్యాకేజీ.. హైదరాబాద్ నుండే ప్రారంభం
భారత దేశంలో మొత్తం 12 జ్యోతిర్లింగాలు ఉంటే మధ్యప్రదేశ్‌లోనే రెండు జ్యోతిర్లింగాలు ఉన్నాయి. ఒకటి ఉజ్జెయిన్‌లోని మహాకాళేశ్వర్ ఆలయం కాగా, ఇంకోటి ఖండ్వాలోని ఓంకారేశ్వర్ ఆలయం. ఈ రెండు జ్యోతిర్లింగాలతో పాటు భూపాల్, ఇండోర్ వంటి ప్రదేశాలను కూడా చూపించడానికి IRCTC Madhya Pradesh Jyotirlinga Darshan Package తీసుకొచ్చింది.
చాలా మంది హిందువులకు మొత్తం 12 జ్యోతిర్లింగాలను (Madhya Pradesh Jyoritlinga Darshan) దర్శించుకోవాలని ఉంటుంది. అయితే, అన్నీ ఒకేసారి చూడటం కష్టం కాబట్టి IRCTC మధ్యప్రదేశ్‌లోని రెండు జ్యోతిర్లింగాల దర్శనం కోసం కొత్త ప్యాకేజీ తీసుకొచ్చింది. ఇది ప్రతి బుధవారం హైదరాబాద్ నుండి ఉంటుంది. మొత్తం 5 రాత్రులు/6 రోజుల ఈ ప్యాకేజీలో భూపాల్, ఉజ్జెయిన్, ఖండ్వాతో పాటు ఇండోర్‌లోని ప్రముఖ పర్యాటక స్థలాలన్నీ చూపించనుంది. ఆ పూర్తి వివరాలు ఇక్కడ చూడొచ్చు.
Samayam TeluguIRCTC Jyotirlinga Packages: అతి తక్కువ ధరకే మధ్యప్రదేశ్ జ్యోతిర్లింగాల దర్శనం ప్యాకేజీ.. హైదరాబాద్ నుండే ప్రారంభం
రెండు రకాల ప్యాకేజీలు..
ఈ ప్యాకేజీ కంఫర్ట్, స్టాండర్డ్ క్లాస్‌లలో అందిస్తున్నారు. కంఫర్ట్ క్లాస్‌లో ఒక్కరు వెళ్లాలనుకుంటే రూ.32,080, ఇద్దరు వెళ్లాలనుకుంటే రూ.18,230 (ఒక్కొక్కరికి ), ముగ్గురు వెళ్లాలనుకుంటే రూ.14,300 (ఒక్కొక్కరికి) ధరలు నిర్ణయించారు. 5-11 ఏళ్ల చిన్నపిల్లలకు విత్ బెడ్ రూ.11,090, వితౌట్ బెడ్ రూ.9,570గా పేర్కొన్నారు. అలాగే స్టాండర్డ్ క్లాస్ ప్యాకేజీ ప్రకారం.. ఒక్కరు వెళ్లాలనుకుంటే రూ.29,590, ఇద్దరికి రూ.15,740 (ఒక్కొక్కరికి),ముగ్గురికి రూ.11,820 (ఒక్కొక్కరికి). 5-11 ఏళ్ల చిన్నపిల్లలకు విత్ బెడ్ రూ.8,610, వితౌట్ బెడ్ రూ.7,080గా ధరలు నిర్దేశించారు.(Photo Credit: istock)
కాచీగూడ నుంచి మొదలు..
ప్రతి బుధవారం సాయంత్రం 4:40 గంటలకు కాచీగూడ నుంచి ఈ యాత్ర ప్రారంభమవుతుంది. సంపర్క్‌క్రాంతి ఎక్స్‌ప్రెస్‌లో బయలుదేరి మరుసటి రోజు ఉదయం భూపాల్ రైల్వేస్టేషన్లో దిగుతారు. అక్కడ మిమ్మల్ని టూర్ ఆపరేటర్ రిసీవ్ చేసుకొని హోటల్‌కు తరలిస్తారు. రీఫ్రెష్ అయ్యాక స్థానికంగా ఉండే సంచి స్థూప, ట్రైబల్ మ్యూజియం, తాజ్ ఉల్ మస్జిద్ చూపిస్తారు.(Photo Credit: Unsplash)
ఉజ్జెయిన్, ఓంకారేశ్వర్ జ్యోతిర్లింగాలు..
ఇక మూడో రోజు ఉదయం భూపాల్ నుండి ఉజ్జెయిన్‌కు వెళతారు. అక్కడ స్థానికంగా ఉండే ఆలయాలన్నీ సందర్శిస్తారు. మరుసటి రోజు ఓంకారేశ్వర్‌కు వెళ్లి జ్యోతిర్లింగ దర్శనంతో పాటు అక్కడ ఉండే అన్ని పర్యాటక ప్రదేశాలను చూపిస్తారు. ఇక ఐదో రోజు మహేశ్వర్ చేరుకొని అహిల్యాదేవి కోట, మండు కోటలను విజిట్ చేస్తారు. తర్వాత సాయంత్రం మిమ్మల్ని ఇండోర్‌లోని అంబేడ్కర్ నగర్ రైల్వేస్టేషన్లో దింపుతారు. అక్కడి నుండి రాత్రి 7 గంటలకు కాచీగూడకు రైలులో తిరుగుపయనమవుతారు. మరుసటి రోజు ఉదయం కాచీగూడ చేరుకోవడంతో ఈ యాత్ర పూర్తవుతుంది.(Photo Credit: Unsplash)
ప్యాకేజీలో ఏముంటాయంటే..
మీ ప్యాకేజీలో స్టాండర్డ్ క్లాస్ ఎంచుకుంటే రైలు ప్రయాణంలో స్లీపర్ బెర్త్ ఉంటుంది. అదే కంఫర్ట్ క్లాస్ ఎంచుకుంటే 3ACలో ప్రయాణం సాగుతుంది. పైన పేర్కొన్న ప్రదేశాలన్నీ ఏసీ వెహికిల్‌లో చూపిస్తారు. మూడు రోజులు ఉదయం బ్రేక్‌ఫాస్ట్ ఇస్తారు. అందులోనే ట్రావెల్ ఇన్సూరెన్స్ కలిసి ఉంటుంది. పైన చెప్పిన ప్రదేశాల్లోని అన్ని పర్యాటక ప్రదేశాలను చూపిస్తారు. టాక్సులు అన్నీ ఇందులోనే కలిసుంటాయి.(Photo Credit: Unsplash)
ప్యాకేజీలో ఇవి ఉండవు..
మీ యాత్ర సాగినన్ని రోజులు మధ్యాహ్నం, రాత్రివేళ భోజనాలు మీరే చూసుకోవాలి. ట్రెయిన్ జర్నీలోనూ ఫుడ్ మీరే ఏర్పాటు చేసుకోవాలి. సందర్శనీయ స్థలాల్లోని అన్ని ఎంట్రెన్స్ టికెట్లు, టూర్ గైడ్లకు అదనంగా చెల్లించుకోవాలి. ఐట్నరీలో పేర్కోని ఏ అదనపు సేవలకైనా మీ పాకెట్‌ నుంచే ఖర్చుపెట్టుకోవాల్సి ఉంటుంది. అలాగే ఇక్కడ గుర్తుంచుకోవాల్సిన విషయం ఏమిటంటే మీ ప్యాకేజీలో పేర్కొన్న స్థలాలు అన్నీ చూపించినా ఐట్నరీలో మార్పులు ఉండే వీలుంటుంది. అప్పటి పరిస్థితులను బట్టి టూర్ ఆపరేటర్ నిర్ణయం తీసుకుంటారు. (Photo Credit: Unsplash)
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
