Irctc Packages From Hyderabad To Meghalaya And Assam
Hyd to Meghalaya Package: రూ.33,250కే ఫ్లైట్లో మేఘాలయ, అస్సాం టూర్.. వారం రోజులు ఎంజాయ్ చేయొచ్చు
హైదరాబాద్ టు మేఘాలయా, అస్సాం వారం రోజుల టూర్ను IRCTC అందిస్తోంది. దీంతో నగరవాసులు హ్యాపీగా ఫ్యామిలీతో ఎంజాయ్ చేసి రావచ్చు. అలాగే నూతన దంపతులు సైతం దీన్ని హనీమూన్ టూర్గా ప్లాన్ చేసుకోవచ్చు.
మేఘాలయ, అస్సాం (Meghalaya, Assam Tourist Places) వంటి రాష్ట్రాలు కూడా మంచి పర్యాటక ప్రదేశాలు. ఇవి ఈశాన్య భారత దేశంలోనే అత్యంత అందమైనవి. ఇక్కడ ప్రశాంతమైన వాతావరణం, కనువిందు చేసే ప్రకృతి సోయగాలు, వావ్ అనిపించే లోకేషన్లు చాలానే ఉన్నాయి. దీంతో ఈ రాష్ట్రాలకు వెళ్లాలనుకునేవారికి IRCTC అద్భుతమైన ప్యాకేజీ తీసుకొచ్చింది. ఇది హైదరాబాద్ నుంచే ఉండటంతో నగరవాసులు ఉపయోగించుకోవచ్చు.
హైదరాబాద్ టు గువాహటి..
ఫిబ్రవరి 11న ఉదయం 9:30 గంటలకు విమానంలో గువాహటికి బయలుదేరి వెళతారు. అక్కడికి మధ్యాహ్నం చేరుకున్నాక టూర్ ఆపరేటర్ మిమ్మల్ని పికప్ చేసుకొని షిల్లాంగ్లోని హోటల్కు తీసుకెళతారు. కాసేపు విశ్రాంతి తీసుకున్నాక సాయంత్రం స్థానిక ప్రదేశాలను చూడటానికి మిమ్మల్ని వదిలేస్తారు. రాత్రికి హోటల్లోనే బసచేస్తారు.(Photo Credit: Unsplash)
మెస్మరైజింగ్ మేఘాలయా, అస్సాం..
ఈ ప్యాకేజీ వచ్చే ఏడాది ఫిబ్రవరి 11న ప్రారంభమవుతుంది. ప్యాకేజీ పేరు Mesmerizing Meghalaya & Assam. మొత్తం ఆరు రోజుల ఈ పర్యటనలో మూడు అందమైన ప్రాంతాలను చూపిస్తారు. అవే షిల్లాంగ్, చిరపుంజీ, గువాహటి. ఫిబ్రవరి 11 నుంచి 16వ తేదీ వరకు ఇది ఉంటుంది. అప్ అండ్ డౌన్ విమానంలో తీసుకెళనున్నారు. అక్కడ సైట్ సీయింగ్ ప్రదేశాలన్నీ ప్రైవేట్ వాహనంలో తీసుకెళతారు. (Photo Credit: Unsplash)
చిరంపుంజి, మావ్లింగాంగ్..
రెండో రోజు ఉదయం బ్రేక్ఫాస్ట్ చేశాక చిరపుంజీకి తీసుకెళతారు. మార్గమధ్యలో ఎలిఫెంటా ఫాల్స్ చూపిస్తారు. సాయంత్రం తిరిగి షిల్లాంగ్కు తీసుకొస్తారు. మూడో రోజు ఉదయం మళ్లీ మావ్లింగాంగ్ అనే మరో పర్యాటక ప్రదేశానికి తీసుకెళతారు. అక్కడ లివింగ్ రూట్ బ్రిడ్జ్ అనే అందమైన ప్రాంతాన్ని చూపిస్తారు. ఇది సుమారు రెండు కిలోమీటర్ల దూరం ట్రెక్కింగ్ చేయాల్సి ఉంటుంది. అనంతరం డాకీ లేక్ చూసుకున్నాక రాత్రికి షిల్లాంగ్కు చేరుకొని హోటల్లో బసచేస్తారు.(Photo Credit: Unsplash)
ప్యాకేజీ ధరలు ఇలా ఉన్నాయి..
ఈ ప్యాకేజీ కంఫర్ట్ క్లాస్లో ఉంటుంది. ఒక్కరు వెళ్లాలనుకుంటే రూ.40,800 ధర నిర్ణయించగా ఇద్దరికి రూ.35,000.. అదే ముగ్గురు వెళితే రూ.33,250 నిర్దేశించారు. 5-11 ఏళ్ల పిల్లలుంటే విత్ బెడ్ రూ.29,150 కాగా వితౌట్ బెడ్ రూ.26,800గా పేర్కొన్నారు. అలాగే 2-4 ఏళ్ల పిల్లలుంటే 21,400గా నిర్ణయించారు. (Photo Credit: Unsplash)
ప్యాకేజీలో ఏముంటాయంటే..
విమాన టికెట్లు హైదరాబాద్-గువాహటి-హైదరాబాద్, 3 రాత్రులు షిల్లాంగ్లో.. 2 రోజులు గువాహటిలో బసచేస్తారు. మొత్తం 5 రోజులు బ్రేక్ఫాస్ట్, డిన్నర్ ఉంటుంది. ఐట్నరీలో చెప్పిన స్థలాలను తీసుకెళ్లడానికి ప్రత్యేక వాహనం ఉంటుంది. ఈ ప్యాకేజీలో ట్రావెల్ ఇన్సూరెన్స్ కూడా ఉంటుంది. అందులోనే IRCTC టూర్ ఎస్కార్ట్ ఉంటారు. అయితే ఇందులో సందర్శనీయ స్థలాల్లో ఎంట్రన్స్ టికెట్లు ఉండవు. ప్రతిరోజు మధ్యాహ్న భోజనం మీరే చూసుకోవాలి. హైదరాబాద్లో ఎయిర్పోర్ట్కు వచ్చు, వెళ్లు ప్రయాణాలు కూడా మీరే చూసుకోవాలి. ఫ్లైట్లో మీల్స్ కావాలంటే అదనంగా చెల్లించుకోవాలి. మీ సొంత ఖర్చులు, షాపింగ్ వగైరా అన్నీ మీవే.(Photo Credit: Unsplash)
షిల్లాంగ్ డే విజిట్..
ఇక నాలుగో రోజు మొత్తం షిల్లాంగ్ డే విజిట్ ఉంటుంది. అక్కడ డాన్ బాస్కో మ్యూజియం, ఉమియమ్ లేక్ చూశాక సాయంత్రం గువాహటీకి తిరుగు పయనమవుతారు. రాత్రికి అక్కడ చేరుకున్నాక హోటల్లో భోజనం చేసి విడిది చేస్తారు. ఉదయమే కామఖాయ టెంపుల్ దర్శనం పూర్తయ్యాక తర్వాత అస్సాం స్టేట్ మ్యూజియం చూడొచ్చు. సాయంత్రం బ్రహ్మపుత్ర నదిలో క్రూయిజ్ ప్రయాణం ఆస్వాదిస్తారు. రాత్రికి గువాహటి చేరుకొని బసచేస్తారు. ఇక ఆరో రోజు ఉదయం బ్రేక్ఫాస్ట్ అయ్యాక కాసేపు విశ్రాంతి తీసుకొని మధ్యాహ్నం ఒంటి గంటకు మిమ్మల్ని ఎయిర్పోర్ట్లో డ్రాప్ చేస్తారు. మధ్యాహ్నం 3:30 గంటలకు హైదరాబాద్ ఫ్లైట్లో బయలుదేరతారు.(Photo Credit: Unsplash)
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.