Its The Time To Visit Coorg Where You Find Lot Of Peace From Your Stressfull Life
Coorg Tourism: గజిబిజి లైఫ్ నుండి రిలాక్స్ అవ్వండి.. కూర్గ్కు వెళ్లి ప్రశాంతంగా ఉండండి
కర్ణాటకలోని కూర్గ్ అనే పచ్చని ప్రాంతం చాలా ప్రశాంతంగా ఉంటుంది. ఇక్కడి అందాలకు ఎవరైనా మంత్రముగ్ధులవ్వాల్సిందే. ఆహ్లాదకరమైన వాతావరణంలో నిత్యం టూరిస్టులను అలరిస్తుండే ఈ ప్రదేశం అక్టోబర్లో మరింత మనోహరంగా ఉంటుంది. వీలైతే మీరూ వెళ్లి చూసిరండి.
కూర్గ్ లేదా కొడగు అనేది కర్ణాటకలోని ఒక జిల్లా. ఇది మొత్తం అందమైన ప్రదేశాలతో ప్రశాంతంగా ఉండటంతో నిత్యం వేలాది పర్యాటకులు ఇక్కడికి వస్తుంటారు. ఇది పచ్చని చెట్లతో, అందమైన జలపాతాలతో, దట్టమైన అడవులతో, ఆహ్లాదకరమైన వాతావరణంతో నిండి ఉండటంతో ప్రకృతి ప్రేమికులకు అద్భుతంగా ఉంటుంది. దీంతో ఎలాంటివారైనా ఇక్కడికి వస్తే చాలా ప్రశాంతమైన జీవితం గడుపుతారు. మీరూ గజిబిజి లైఫ్తో చిరాకెత్తిపోతే ఒక మూడు, నాలుగు రోజులు ఇక్కడికి వచ్చి సేదతీరండి. అనంతరం మీలో నూతనోత్సాహం నెలకొంటుంది. దీంతో ఇంకాస్త హుషారుగా పనిచేస్తారు. ఇక్కడ చూడాల్సిన ప్రదేశాలేంటో తెలుసుకుందాం.
అబ్బీ వాటర్ ఫాల్స్..
కూర్గ్లో తప్పకుండా చూడాల్సిన ప్రదేశాల్లో అబ్బీ వాటర్ ఫాల్స్ ఒకటి. ఇది మడికేరి నుండి 8 కిలోమీటర్ల దూరంలో ఉండే అందమైన జలపాతం. వేసవి కాలంలోనూ ఇక్కడ నీరు పుష్కలంగా ఉంటాయి. దీంతో ఎప్పుడు వెళ్లినా మీరు ఈ ప్రదేశాన్ని ఆస్వాదించొచ్చు. అక్కడే కాఫీ, యాలకుల తోటలుంటాయి. అవి కూడా టూరిస్టులను ఆకర్షిస్తాయి. ఇక అక్కడికి వెళ్లే మార్గంలో పక్షుల కిలకిల రాగాల గురించి ప్రత్యేకంగా చెప్పాల్సిన పనిలేదు. దీంతో మీరు అబ్బీ వాటర్ ఫాల్స్ను కచ్చితంగా ఎంజాయ్ చేస్తారు. (Photo Credit: Unsplash)
హొన్నమన కెరె సరస్సు..
ఈ హోన్నమన కెరె అనే సరస్సు కూడా కూర్గ్లో చూడదగిన ప్రదేశాల్లో ఒకటి. ఇది దొడ్డమల్తే అనే ప్రాంతంలోని సులిమల్తే అనే గ్రామ సమీపంలో ఉండే అందమైన ప్రదేశం. చుట్టూ కొండలు పచ్చని చెట్ల నడుమ ఆహ్లాదకరమైన ప్రదేశంలో ఉంటుంది. దీంతో ఇది టూరిస్టులను ఆకర్షించడంలో ఏమాత్రం వెనుకాడదు. ఈ అందమైన సరస్సు పక్కనే హొన్నమ అనే దేవత గుడి ఉంటుంది. పర్యాటకులు ఈ సరస్సును చూసిన తర్వాత ఆ గుడిని కూడా సందర్శిస్తారు. అలాగే ఇక్కడ బోటింగ్, ఫిషింగ్ చేసే వీలుంటుంది. (Photo Credit: Unsplash)
పుష్పగిరి వైల్డ్ లైఫ్ సాంక్చరి..
సోమ్వార్ పేట్ నుంచి 30 కిలోమీటర్ల దూరంలో ఉంటుంది ఈ పుష్పగిరి వైల్డ్ లైఫ్ సాంక్చరీ. పశ్చిమ కనుమల్లో ఇదో అందమైన, దట్టమైన అటవీ ప్రాంతం. ఇక్కడ అనేక రకాల జంతువులు, పక్షులు ఉంటాయి. అలాగే ఈ ప్రాంతంలో సాహస ప్రియులు ట్రెక్కింగ్ చేసే సౌకర్యం కూడా ఉంటుంది. దీంతో మీరు అడవి అందాలను మరింత ఎంజాయ్ చేయాలంటే ఇక్కడ ట్రెక్కింగ్ చేయడం అస్సలు మర్చిపోవద్దు. దట్టమైన అడవిలో నడుచుకుంటూ వెళ్తే అసలైన మజా ఉంటుంది. (Photo Credit: Unsplash)
సన్సెన్ వ్యూ పాయింట్..
ఈ కూర్గ్ జిల్లా కేంద్రం మడికెరి. ఇదో అందమైన ప్రదేశం. ఇక్కడ మడికెరి కోట ఉంది. దీన్ని 17వ శతాబ్దం చివర్లో ముద్దురాజా అనే రాజ వంశస్తుడు నిర్మించారు. ఆ కోటలోనే మరో ప్యాలెస్ కూడా నిర్మించారు. దాన్ని టిప్పు సుల్తాన్ తర్వాతి కాలంలో మరింత పటిష్ఠంగా తీర్చిదిద్దారు. అయితే, ఇక్కడ ఉండే రాజా సీట్లో నుంచి సాయంత్రం వేళ సూర్యుడిని చూస్తే అద్భుతంగా ఉంటుంది. టూరిస్టులు దీన్ని తప్పక చూడాల్సిందే. అలాగే ఈ కోట పక్కనే పార్క్ కూడా ఉంటుంది. అక్కడ టాయ్ ట్రైన్ రైడ్ను కూడా ఆస్వాదించొచ్చు. (Photo Credit: Unsplash)
నాగర్హోల్ టైగర్ రిజర్వ్..
అలాగే కూర్గ్లో మరో చూడదగ్గ ప్రదేశం నాగర్హోల్ టైగర్ రిజర్వ్. హున్సూర్ నుండి ఇక్కడికి తేలిగ్గా వెళ్లొచ్చు. ఇది దేశంలోనే మొట్టమొదటి జీవ వైవిధ్యం జంతు సంరక్షణ ఉద్యానవనం. దీంతో ఇక్కడ టూరిస్టులు రకరకాల జంతువులను చూడొచ్చు. టైగర్ రిజర్వ్ కాబట్టి పులులను కూడా వీక్షించే అవకాశం ఉంటుంది. మరోవైపు ఏనుగులు, వివిధ రకాల జింకలు, అడవి పందులు, ముంగిస, నెమలి, అడవి కోళ్లతో పాటు అనేక రకాల పక్షులను కూడా చూడొచ్చు. (Photo Credit: Unsplash)
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.