డెహ్రాడూన్..
ఉత్తరాఖండ్ రాజధాని డెహ్రాడూన్ అందమైన నగరం. అద్భుతమైన హిమాలయాల చెంత ఉండే ఈ నగరం పలు కేంద్ర ప్రభుత్వ సంస్థలకు, ఇన్స్‌టిట్యూట్లకు నిలయంగా ఉంది. సముద్ర మట్టానికి 1345 అడుగుల ఎత్తులో ఉండే ప్రాంతం డూన్ వ్యాలీలో ఉంటుంది. అలాగే ఇది దేశంలోని అత్యంత శ్రేయస్కరమైన నగరాల్లో ఒకటిగానూ నిలిచింది. ఇక్కడి నుండి ఉత్తరాఖండ్‌లోని మిగతా పర్యాటక ప్రాంతాలకు తేలిగ్గా వెళ్లొచ్చు. అలా వెళ్లగలిగే ప్రాంతాలు ఇక్కడ చెప్పుకుందాం. (Photo Credit: Unsplash)
ముస్సోరి..
ఉత్తరాఖండ్‌లోని అందమైన ప్రదేశాల్లో ఒకటి ముస్సోరి. ఇక్కడ పర్యటిస్తే భూతల స్వర్గంలో ఉన్నట్లు ఉంటుందని అంటారు. బ్రిటీష్ కాలంలో కనుగొన్న ఈ ప్రాంతం ఇప్పటికీ నాటి వైభవాన్ని అలాగే కొనసాగిస్తుంది. ఇది చిన్న హిల్‌స్టేషనే అయినా ఆ పట్టణంలో చూడాల్సినవి చాలా ఉంటాయి. (Photo Credit: Unsplash)
చక్రతా..
మరో అందైన ప్రాంతం చక్రతా. ఇదో కంటోన్మెంట్ ప్రాంతం కూడా. డెహ్రాడూన్‌కు సమీపంలో ఉండే ఈ చక్రతా చాలా తేలిగ్గా వెళ్లగలిగే పర్యాటక ప్రదేశం. సముద్ర మట్టానికి 7 వేల అడుగుల ఎత్తులో ఉండే ఈ అందమైన గమ్యస్థానం ప్రకృతి ప్రేమికులను తప్పకుండా అలరిస్తుంది. (Photo Credit: Unsplash)
ధనాల్తి..
ధనాల్తి అనే హిల్‌స్టేషన్ కూడా కొద్ది కాలంగా మంచి పర్యాటక ప్రదేశంగా పేరు తెచ్చుకుంటుంది. ఇది ముస్సోరి, చంబా రోడ్డులో ఉండే చిన్న హిల్‌స్టేషన్. మంచి వీకెండ్ స్పాట్‌గానూ ఉండటంతో చుట్టు పక్కల రాష్ట్రాల నుంచి పర్యాటకులు వారాంతాల్లో అధికంగా వస్తుంటారు. సముద్ర మట్టానికి 7500 అడుగుల ఎత్తులో ఉండే ఈ ప్రాంతం అద్భుతమైన వీక్షణలను కలిగి ఉంది. (Photo Credit: Unsplash)
రిషికేష్..
డెహ్రాడూన్‌కు సమీపంలో ఉండే నగరాల్లో ఒకటి రిషికేష్. ఇది హిందువులకు పవిత్ర స్థలంగా పేరొందింది. అలాగే పవిత్ర గంగా నది ఒడ్డునే ఉండటంతో గొప్ప వీక్షణలను కూడా కలిగింది. ఇక్కడ పురాణాల్లో మునులు, రుషులు తప్పసు చేశారని ప్రసిద్ధి. మరోవైపు ఇది అంతర్జాతీయ యోగా కేంద్రంగానూ నిలుస్తుండటంతో నిత్యం పర్యాటకులు సందర్శిస్తూనే ఉంటారు. (Photo Credit: Unsplash)
హరిద్వార్..
ఉత్తరాఖండ్‌లోని రెండో అతిపెద్ద నగరం హరిద్వార్. ఇది కూడా హిందువులకు పుణ్య ప్రదేశంగా నిలిచింది. ఇక్కడ కూడా గంగానది ప్రవహిస్తుంటుంది. దీంతో నిత్యం వేలాది మంది పర్యాటకులు ఇక్కడ పుణ్య స్నానాలు ఆచరిస్తారు. అలాగే 12 ఏళ్లకోసారి జరిగే కుంభ మేళా కూడా హరిద్వార్‌కు ప్రత్యేక గుర్తింపు తెచ్చింది. (Photo Credit: Unsplash)
రాజాజీ నేషనల్ పార్క్..
డెహ్రాడూన్‌కు సుమారు 60 కిలోమీటర్ల దూరంలో ఉండే రాజాజీ నేషనల్ పార్క్ కూడా ఉత్తరాఖండ్‌లో తప్పక చూడాల్సిన ప్రదేశం. మొత్తం 820 చదరపు కిలోమీటర్ల విస్తీర్ణంలో ఉన్న ఈ పార్క్ గొప్ప జంతుజాలాన్ని కలిగి ఉంది. ఇక్కడ పులులు, ఏనుగుల వంటి వాటిని కూడా చూడొచ్చు. వన్యప్రాణి ప్రేమికులకు మంచి టూరిస్ట్ స్పాట్‌గానూ ఇది పేరు తెచ్చుకుంది. (Photo Credit: Unsplash)
కనాతల్..
ఉత్తరాఖండ్‌లోని ప్రశాంతమైన పర్యాటక ప్రదేశాల్లో ఒకటి కనాతల్. ఇది ఆఫ్‌బీట్ డెస్టినేషన్‌గా ప్రత్యేకత సాధించింది. అద్భుతమైన కొండలు, లోయలు, పచ్చని చెట్లు ఇక్కడికి వచ్చేవారిని ఆకట్టుకుంటాయి. ఇది కూడా చుట్టు పక్కల ప్రాంతాల వారికి వీకెండ్ స్పాట్‌గా ప్రసిద్ధిచెందింది. అలాగే అక్కడ సుర్కందా దేవీ టెంపుల్ కూడా చూడొచ్చు. (Photo Credit: Unsplash)
తెహ్రీ గర్హ్‌వాల్..
అదిరిపోయే హిమాలయాల నడుమ ఉండే అందమైన ప్రాంతం తెహ్రీ గర్హ్‌వాల్. హరిద్వార్‌కి సమీపంలో ఉండే ఈ ప్రాంతం ఏడాది పొడవునా చల్లగా ఉంటుంది. దీంతో ఇక్కడికి వచ్చే పర్యాటకుల సంఖ్య కూడా అధికంగా ఉంటుంది. చుట్టూ పైన్ చెట్లతో రమ్యమనోహరంగా ఉండే ఈ ప్రాంతం ఫొటోగ్రాఫర్లకు అసలైన గమ్యస్థానంగా ఉంటుంది. దీంతో మీరు కూడా ఇక్కడ మంచి మంచి ఫొటోలు తీసుకోవచ్చు. (Photo Credit: Unsplash)
లాండోర్..
ఉత్తరాఖండ్‌లోని మరో కంటోన్మెంట్ ప్రాంతం లాండోర్. ఇది ముస్సోరికి సమీపంలో ఉండే అందమైన హిల్‌స్టేషన్. దీంతో ఈ రెండు ప్రాంతాలను ట్విన్ టౌన్స్ లేదా క్వీన్ ఆఫ్ హిల్స్ అని పిలుస్తారు. ఇది కూడా డెహ్రాడూన్‌కు సమీపంలో ఉండటంతో ఈజీగా వెళ్లొచ్చు. పక్కనే ఉండే ముస్సోరీని చూడొచ్చు. (Photo Credit: Unsplash)
- Read All Latest Telugu News and Travel News