Perfect Places To Go Out For In February Within India
February Destinations: ఫిబ్రవరిలో విహారయాత్రలకు వెళ్లాలంటే ఇవే సరైన గమ్యస్థానాలు.. ఎప్పుడైనా ఇక్కడికి వెళ్లారా?
భారత దేశంలో (Indian Tourist Destinations) ఎన్నో పర్యాటక ప్రాంతాలు ఉన్నాయి. ఒక్కో నెలలో ఒక్కో గమ్యస్థానం అద్భుతంగా ఉంటుంది. అయితే, రాబోయే ఫిబ్రవరిలో విహారయాత్రలకు (February Destinations) ఎక్కడికెళితే బాగుంటుందో ఇక్కడ తెలుసుకుందాం.
చలికాలం పూర్తవుతోంది. మరో రెండు నెలల్లో ఎండాకాలం ప్రారంభమయ్యే అవకాశం ఉంది. దీంతో ఎక్కడికైనా విహార యాత్రలకు (Family Tours) వెళ్లాలంటే రాబోయే ఫిబ్రవరి నెల సరైన సమయం. ఆ నెలలో దేశంలోని పలు ప్రాంతాలు (Beautiful Destinations in India) మంచి ఆహ్లాదకరమైన వాతావరణాన్ని కలిగి ఉంటాయి. ఎంచక్కా కుటుంబంతో కలిసి విహారయాత్రలకు వెళ్లడానికి అవి అనుకూలంగా ఉంటాయి. అందుకోసం ఎక్కడికి వెళ్లాలా అని మీరు ఆలోచించాల్సిన అవసరం లేకుండా మేమే ఆ సమాచారం అందిస్తున్నాం. ఫిబ్రవరిలో పర్యటించడానికి (February Tourist Destinations) అనువైన పర్యాటక ప్రదేశాల గురించి ఇక్కడ వివరిస్తున్నాం. అవేంటో తెలుసుకొని మీరు ప్రయాణ ఏర్పాట్లు చేసుకుంటే సరిపోతుంది. (Photo Credit: Unsplash)
దిల్లీ..
దేశ రాజధాని దిల్లీని సందర్శించడానికి ఫిబ్రవరి అనువైన సమయం. ఈనెలలో చలి తీవ్రత తగ్గి వాతావరణం కూడా అనుకూలంగా ఉంటుంది. అక్కడి చారిత్రక కట్టడాలను, మార్కట్లను సందర్శించడానికి ఈ సమయం బాగుంటుంది. దీంతో ఎంచక్కా కుటుంబంతో కలిసి నాలుగు రోజులు దిల్లీకి విహారయాత్రకు వెళితే అద్భుతంగా ఉంటుంది. (Photo Credit: Unsplash) Also Read: Republic Day 2023: ఇక్కడ రిపబ్లిక్ డే వేడుకలు చూస్తే జీవితంలో మర్చిపోలేరు.. అవి ఎక్కడంటే..!
బెంగళూరు..
కర్ణాటక రాజధాని బెంగళూరు ఏడాది పొడవునా ఎప్పుడు వెళ్లినా ఆహ్లాదకరంగా ఉంటుంది. అయితే, ఫిబ్రవరిలో అది మరింత ప్రత్యేకంగా నిలుస్తుంది. దీంతో అందమైన ఉద్యానవనాల నగరంగా పేరున్న బెంగళూరును సందర్శించడానికి ఇది కూడా మంచి సమయమే. అక్కడ పలు సందర్శనీయ ప్రాంతాలతో పాటు బెంగళూరు ప్యాలెస్ కూడా చూడవచ్చు. (Photo Credit: Unsplash) Also Read: Bharat Gaurav Special Tour: భారత్ గౌరవ్ స్పెషల్ టూర్.. 8 రోజులు, 5 జ్యోతిర్లింగాల సందర్శన..
షిల్లాంగ్..
అందమైన సరస్సులు, అద్భుతమైన జలపాతాలకు నెలవైన మేఘాలయలోని షిల్లాంగ్ కూడా రాబోయే నెలలో చూడటానికి సరైన గమ్యస్థానం. చుట్టూ అడవులు, నదులతో ఈ ప్రాంతం ఎల్లప్పుడూ మనోహరంగా ఉంటూ పర్యాటకులను ఆకర్షిస్తుంటుంది. ఇక ఫిబ్రవరిలో చలి గాలులు తగ్గి వాతావరణం పొడిబారడంతో హ్యాపీగా సందర్శించవచ్చు. అక్కడి జలపాతాలు, సరస్సులు ప్రతి ఒక్కర్నీ ఆకట్టుకుంటాయనడంలో సందేహం లేదు. (Photo Credit: Unsplash) Also Read: Incredible India: దేశం గర్వించదగ్గ అద్భుతమైన పర్యాటక ప్రదేశాలు.. ఇవి జీవితంలో ఒక్కసారైనా చూడాల్సిందే..!
కసౌలీ..
హిమాచల్ ప్రదేశ్లోని అందమైన హిల్స్టేషన్లలో ఒకటి కసౌలీ. చుట్టూ అందమైన పర్వతాలు, లోయలతో నిండి ఉండే ఈ ప్రాంతం ఫిబ్రవరిలో కూడా కాస్త చలిగానే ఉంటుంది. అయితే, అదేం మీ పర్యటనకు ఇబ్బంది కాదు. అందమైన లోకేషన్లు, అద్భుతమైన వీక్షణలు, సూర్యోదయం, సూర్యాస్తమయ అందాలు వావ్ అనిపించేలా ఉంటాయి. దీంతో మీరు వచ్చే నెలలో ఈ బ్యూటిఫుల్ హిల్స్టేషన్కు కూడా వెళ్లొచ్చు. (Photo Credit: Unsplash) Also Read: Travel With Pets: మీ పెంపుడు జంతువులను కూడా ట్రైన్లో వెంట తీసుకెళ్లొచ్చు.. అదెలాగో ఇక్కడ తెలుసుకోండి..!
ఉదయ్పూర్..
రాజస్థాన్లోని ఉదయ్పూర్కు ప్రపంచ వ్యాప్తంగా మంచి గుర్తింపు ఉంది. ఈ అందమైన సరస్సుల నగరం నిత్యం పర్యాటకుల మదిలో మెదులుతూనే ఉంటుంది. అక్కడి ప్యాలెస్లు, చారిత్రక కట్టడాలు, సరస్సులు ఎన్నిసార్లు వెళ్లినా మళ్లీ మళ్లీ వెళ్లాలనిపించేలా చేస్తాయి. ఇది ఫిబ్రవరిలో మరీ చల్లదనం కాకుండా మరీ వేడిగా కాకుండా ఆహ్లాదకరమైన వాతావరణాన్ని కలిగి ఉంటుంది. దీంతో ఇక్కడికి కూడా మీరు ఫ్యామిలీ ట్రిప్ ప్లాన్ చేయొచ్చు. (Photo Credit: Unsplash) Also Read: Vizag - Kashmir Package: వైజాగ్ టు కశ్మీర్ టూర్.. ఐఆర్సీటీసీ ప్యాకేజీ ఎంతంటే..?
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.