ఒమన్‌లో 30 రోజులు..
మీరు భారతీయులై ఉండి వాలిడ్ అమెరికా వీసా కలిగి ఉంటే అరబ్ దేశమైన ఒమన్‌లో 30 రోజులు ఉండొచ్చు. అయితే, అక్కడికి వెళ్లాక టూరిస్ట్ వీసా కింద వీసా ఆన్ అరైవల్ లేదా ఈ వీసా పొందాల్సి ఉంటుంది. మీ అమెరికా వీసాను బట్టి ఆ గడువును ఏడాది వరకు పొడిగించుకునే అవకాశం ఉంటుంది.
యూఏఈలో 14 రోజులు..
ఇక యునైటెడ్ అరబ్ ఎమిరేట్స్‌లోనూ మీరు అమెరికా వీసా కలిగి ఉంటే లేదా గ్రీన్‌కార్డ్ హోల్డర్ అయితే 14 రోజులు ఉండొచ్చు. దీంతో అక్కడ టూరిస్ట్‌గా ఎంజాయ్ చేయొచ్చు. ఈ అందమైన అరబ్ దేశం ప్రపంచంలోనే మేటి సౌకర్యాలు కలిగి ఉంటుంది. దీంతో మీరు ఎంచక్కా అక్కడ విహరించి రావచ్చు.
టర్కీలో నెల రోజులు..
ఇక ఆసియా, యూరప్ ఖండాలకు మధ్యలో ఉండే టర్కీలోనూ మీరు యూఎస్ వీసాను కలిగి ఉంటే నెల రోజులు ఎంజాయ్ చేసి రావచ్చు. అయితే, ఇది ఒక్కసారి మాత్రమే అవకాశం ఉంటుంది. దీంతో మీరు 30 రోజుల్లో టర్కీలో విహరించి ఆస్వాదించొచ్చు.
బోస్నియా అండ్ హెర్జెగోవినాలో 30 రోజులు..
ఇక యూరప్ దేశమైన బోస్నియా అండ్ హెర్జెగోవినాలోనూ మీరు 30 రోజులు ఉండి రావచ్చు. ఇదో అందమైన పర్యాటక దేశం. ప్రశాంతమైన వాతావరణంలో ఉండే ఈ దేశంలో యూఎస్ వీసా హోల్డర్లు, యూఎస్ పర్మనెంట్ రెసిడెన్సీ కలిగినవారు 30 రోజులు టూరిస్ట్‌గా వెళ్లొచ్చు.
మెక్సికోలో 6 నెలలు..
దక్షిణ అమెరికాలోని మెక్సికోలోనూ మీరు అమెరికన్‌గా లేదా అమెరికన్ వీసా కలిగిన వ్యక్తిగా 6 నెలలు ఉండొచ్చు. అయితే, అందుకు మీరు చేయాల్సిన పని ఒకటుంది. అక్కడికి వెళ్లాలంటే ముందు మీ వీసాను ఎఫ్ఎంఎం ఇమ్మిగ్రేషన్ ఫామ్‌ను నింపివ్వాల్సి ఉంటుంది. దాంతో 6 నెలలు మెక్సికోలో ఉండొచ్చు.
పెరులోనూ 6 నెలలు..
అలాగే పెరు కూడా టూరిస్ట్ డెస్టినేషన్‌గా మంచి పేరుంది. ఇక్కడికి నిత్యం ఎంతో మంది పర్యాటక వీసాతో వెళ్తుంటారు. అయితే, మీతో అమెరికా వీసా ఉంటే మీరు ఎలాంటి వీసాకు అప్లై చేయకుండానే పెరూకు వెళ్లొచ్చు. అక్కడ మీరు 6 నెలలు ఉండేందుకు వీలుంది.
Read All Latest Telugu News and Travel News