These Are The Most Beautiful Lakes In India Which Should Be Visited In Winter
Beautiful Lakes : శీతాకాలంలో చలి గిలిగింతలు పెట్టే వేళ.. ఈ అందమైన సరస్సులకు వెళ్లాలంతే!
మనిషికి ప్రకృతికి (Nature) మించిన ఆహ్లాదకరం ఏదీ ఉండదు. కాస్త విరామం దొరికినప్పుడు మన సన్నిహితులతో కలిసి అలాంటి అందమైన ప్రదేశాలకు వెళితే మనసుతో పాటు శరీరం కూడా నూతనోత్సాహం పొందుతుంది. ఈ శీతాకాలంలో అలాంటి అందమైన ప్రదేశాలకు వెళ్లాలంటే ఈ ప్రదేశాల గురించి తెలుసుకోవాల్సిందే.
ఎవరికైనా విరామం దొరికితే ఎక్కడికైనా ప్రశాంతమైన స్థలాలకు వెళ్లి కొద్ది రోజులు హ్యాపీగా ఉండాలనుకుంటారు. ఇక మనకెంతో ఇష్టమైన సన్నిహితులతో అలాంటి ప్రదేశాలకు వెళితే ఆ ఆనందం మాటల్లో చెప్పలేనిది. దీంతో మనకు ఎక్కడా లేని సంతృప్తి , సంతోషం దొరుకుతాయి. అలాంటి అందమైన ప్రదేశాలకు వెళ్లాలంటే ఈ శీతాకాలంలో కొన్ని అందమైన సరస్సులు వేదికగా నిలుస్తాయి. అక్కడ ప్రకృతితో మమేకమవ్వడమే కాకుండా అద్భుతమైన వాతావరణంలో విహరిస్తే మన మనసుతో పాటు శరీరం కూడా నూతనోత్తేజం పొందుతుంది. అలాంటి అందమైన సరస్సులేవో (Beautiful Lakes in India) ఎక్కడ ఉన్నాయో ఇక్కడ తెలుసుకుందాం.
కశ్మీర్ దాల్ లేక్..
శ్రీనగర్లోని దాల్లేక్ కశ్మీర్లోనే అత్యంత ప్రధానమైన టూరిస్ట్ ప్లేస్. ఏ పర్యాటకుడు జమ్మూ కశ్మీర్కు వెళ్లినా ఈ అందమైన సరస్సును చూడకుండా తిరిగిరాడు. అలాగే అక్కడ బోటింగ్ చేసిన అనుభూతి కూడా ప్రత్యేకమైందే. చుట్టుపక్కలే మరిన్ని చూడదగిన ప్రదేశాలు కూడా ఉండటంతో ఈ సరస్సుకు మరింత ఆకర్షణ తీసుకొస్తాయి. శీతాకాలంలో ఇక్కడ వాతావరణం అత్యంత చలిగా ఉంటుంది. ఈ సమయంలో వెళితే చాలా మంచి సమయాన్ని ఆస్వాదించొచ్చు. (Photo Credit: Unsplash)
సిక్కిం సాంగో లేక్..
సిక్కింలోని సాంగో సరస్సు కూడా అద్భుతమైన లొకేషన్లో ఉంటుంది. ఇది సిక్కిం రాజధాని గ్యాంగ్టాక్కు సుమారు 40 కిలో మీటర్ల దూరంలో ఉంటుంది. రెండు హిమాలయాల నడుమ ఈ సరస్సు ఉండటంతో పర్యాటకులు ప్రత్యేక అనుభూతికి లోనవుతారు. చలికాలంలో ఇది గడ్డకట్టుకుపోయే పరిస్థితులు కూడా ఉంటాయి. దీంతో ఇక్కడి వాతావరణం ఎలా ఉంటుందో మీరే అర్థం చేసుకోవచ్చు. ఈ సరస్సు హిమాలయాల నడుమ ఉండటంతో నీరు కూడా స్వచ్ఛంగా ఉంటుంది.(Photo Credit: Unsplash)
కేరళ వెంబనాడ్ లేక్..
కేరళలోని వెంబనాడ్ లేక్ దేశంలోని అతిపెద్ద సరస్సుల్లో ఒకటి. మరోవైపు ఇది కేరళలోనూ అత్యంత పొడవైనది. సుమారు 100 కిలోమీటర్ల పరిధిలో వివిధ జిల్లాలో విస్తరించి ఉంది. ఇక్కడ కెట్టువాల్లమ్స్ అనే హౌజ్ బోట్లే ప్రధాన ఆకర్షణ. ఈ బ్యాక్ వాటర్ సరస్సులో మన ఫ్యామిలీ లేదా స్నేహితులతో కలిసి హౌజ్బోట్లో విహారానికి వెళితే అసలైన అనుభూతి చెందొచ్చు. కేరళలోని టూరిస్ట్ అట్రాక్షన్లలో ఇదే టాప్గా నిలవడంతో నిత్యం ఎంతో మంది పర్యాటకులు ఇక్కడకు వచ్చి సేదతీరుతుంటారు.(Photo Credit: Unsplash)
ఉదయ్పూర్ పిచోలా లేక్..
రాజస్థాన్లోని ఉదయ్పూర్ అందమైన సరస్సులకు పెట్టింది పేరు. ఇక్కడ పిచోలా అనే సరస్సు అన్నింటికన్నా ప్రత్యేకమైనది, ప్రధానమైనది కూడా. ఇదో అందమైన మంచినీటి సరస్సు. సుమారు 800 సంవత్సరాల క్రితమే ఈ సరస్సును నిర్మించారు. ఈ సరస్సు పక్కనే ఉన్న పిచోలి గ్రామం వల్లే దీనికి ఆ పేరు వచ్చింది. ఈ సరస్సు మధ్యలో జాగ్ నివాస్, జాగ్ మందిర్ అనే రెండు దీవులున్నాయి. ఇప్పుడు అక్కడ హోటల్స్ ఉండటంతో పర్యాటకులకు ఆహ్లాదకరమైన విడిది దొరుకుతుంది.(Photo Credit: Unsplash)
హిమాచల్ ప్రశార్ లేక్..
హిమాచల్ ప్రదేశ్లోని మండి జిల్లాలో ఉన్న ప్రశార్ లేక్ కూడా అందమైన ప్రదేశం. ఇది సముద్ర మట్టానికి 8,960 అడుగుల ఎత్తులో ఉండటంతో మంచి నీటి సరస్సుగా పేరుగాంచింది. మండి పట్టణానికి సుమారు 50 కిలో మీటర్ల దూరంలో అందమైన కొండల ప్రాంతంలో ఉంటుంది. చుట్టూ పచ్చని వాతావరణం పర్యాటకుల్ని మంత్రముగ్ధులకు గురి చేస్తుంది. అలాగే శీతాకాలంలో ఈ సరస్సు గడ్డకట్టుకుపోయే అవకాశం కూడా ఉండటంతో టూరిస్టులకు మరింత ప్రత్యేకంగా అనిపిస్తుంది. దీంతో దేశంలో తప్పక చూడాల్సిన సరస్సుల్లో ఒకటిగా కొనసాగుతుంది.(Photo Credit: Unsplash)
ఒడిశా చిలికా లేక్..
ఒడిశాలోని చిలికా లేక్ కూడా టూరిస్టులకు మంచి పర్యాటక కేంద్రం. ఇదో ఉప్పునీటి సరస్సు. వెంబనాడ్ తర్వాత భారత దేశంలో అతిపెద్ద సరస్సుగానూ ఈ చిలికా లేక్ ప్రత్యేకతను సాధించింది. అలాగే భారత దేశంలో తీర ప్రాంత సరస్సుల్లో అతిపొడవైనదిగానే కాకుండా ప్రపంచంలో రెండో అతిపెద్ద ఉప్పునీటి సరస్సుగానూ పేరుగాంచింది. ఇది ఒడిశాలోని పూరి, ఖుర్దా, గంజాం జిల్లాల్లో విస్తరించి ఉండటంతో పర్యాటకులు ఎక్కడి నుంచైనా వెళ్లొచ్చు. ఈ సరస్సు చుట్టూ అందమైన పక్షులు కూడా ఎప్పుడూ అలరిస్తుంటాయి.(Photo Credit: Unsplash)
ఉత్తరాఖండ్ భీమ్తాల్ లేక్..
ఉత్తరాఖండ్లోని భీమ్తాల్ లేక్ కూడా అందమైన ప్రదేశాల్లో ఒకటి. ఇది కుమావోన్ డివిజన్ పరిధిలో నైనిటాల్ జిల్లాలో ఉంటుంది. 1883లో ఇక్కడ ఒక డ్యామ్ నిర్మించడంతో ఈ సరస్సు ఏర్పడింది. చుట్టు పక్కల ప్రాంతాలకు ఇదో తాగునీటి వనరుగానూ ఉపయోగపడుతుంది. ఈ సరస్సు మధ్యలో ఒక దీవి కూడా ఉండటంతో అది పర్యాటక ప్రదేశంగా మారింది. మరోవైపు ఈ సరస్సులో అనేక రకాల చేపలు కూడా ఆకట్టుకుంటాయి. అక్కడి మత్య్సకారులు సైతం ఈ సరస్సుపై ఆధారపడి జీవిస్తుంటారు.(Photo Credit: Unsplash)
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.