బటర్‌ఫ్లై బీచ్ బీచ్..
గోవాలోని బటర్‌ఫ్లై బీచ్ అత్యంత రొమాంటిక్ బీచ్‌లలో ఒకటిగా పేరుగాంచింది. కపుల్స్ ఇక్కడ సముద్ర జలాల్లో రొమాంటిక్ బోట్ రైడ్‌ని ఆస్వాదించొచ్చు. అలాగే కయాకింగ్, స్కూబా డైవింగ్ వంటివి కూడా ట్రై చేయొచ్చు. ఇక సాయంత్రం వేళ అందమైన సూర్యాస్తమయ వీక్షణలు మీ ట్రిప్‌ను మరింత మధురంగా మారుస్తాయి. అయితే, ఈ బటర్‌ఫ్లై బీచ్‌కు చేరుకోవాలంటే అడవి గుండా ట్రెక్కింగ్ చేస్తూ వెళ్లొచ్చు. దీంతో మీకు ఈ బీచ్ చాలా బాగా నచ్చుతుంది. (Photo Credit: Unsplash)
బేతుల్ బీచ్..
దక్షిణ గోవాలోని ఈ బేతుల్ బీచ్ కూడా చాలా ప్రశాంతంగా ఉంటూ జంటలను బాగా ఆకట్టుకుంటుంది. ఈ బీచ్‌కు సమీపంలో ఉండే నది పక్కన ఉండే కోట మరింత ప్రత్యేక ఆకర్షణగా నిలుస్తుంది. ఒకవైపు పచ్చని చెట్లు, మరోవైపు నది సముద్రంలో కలిసే ప్రాంతం, ఇంకోవైపు సముద్రం.. ఇలాంటి ప్రత్యేకమైన ప్రదేశం తప్పకుండా యువ జంటలకు ఫేవరెట్ స్పాట్‌గా ఉంటుంది. మరోవైపు పక్కనే ఉండే మత్స్యకార గ్రామం కూడా చూడటానికి బాగుంటుంది. (Photo Credit: Unsplash)
Also Read: Shanay Timpishka: సలాసలా మరిగే నది.. ఇందులో పడితే అంతే సంగతి..!
కాండోలిమ్ బీచ్..
ఉత్తర గోవాలోని కాండోలిమ్ బీచ్ అత్యంత రొమాంటిక్ బీచ్‌ల్లో ఒకటిగా నిలచింది. ఇది పనాజీకి 15 కి.మీ దూరంలో ఉంటుంది. గోవాకు వచ్చే ప్రతి ఒక్క పర్యాటకుడికి ఈ బీచ్‌ను తప్పకుండా సందర్శిస్తారు. ఇక్కడ తక్కువ రద్దీ ఉండటంతో కపుల్స్ కాస్త ఏకాంతంగా అనిపిస్తుంది. అలాగే ఇక్కడ నైట్ పార్టీలు సైతం బాగుంటాయి. పక్కనే షాపింగ్ చేయడానికి స్టాళ్లు, రుచికరమైన ఆహారం టేస్ట్ చేయడానికి రెస్టారెంట్లు అధికంగా ఉంటాయి. దీంతో ఇదో పర్‌ఫెక్ట్ కపుల్స్ స్పాట్‌గా మారింది. (Photo Credit: Unsplash)
కాకోలెం బీచ్..
గోవాలోని అత్యంత ప్రసిద్ధ బీచ్‌లలో ఒకటి కాకోలెం బీచ్ . దీన్ని స్థానికులు 'టైగర్ బీచ్' అని కూడా పిలుస్తారు. ఈ బీచ్ చుట్టుపక్కల అద్భుతమైన కొండలు, పచ్చని చెట్లు పర్యాటకుల హృదయాలను కొల్లగొడుతాయి. జనసంచారం పెద్దగా ఉండగా ఉండని ఈ బీచ్ యువ జంటలకు ప్రత్యేకంగా నిలుస్తుంది. పక్కనే ఆకట్టుకునే రిసార్ట్‌లు, రెస్టారెంట్లు కూడా ఉంటాయి. దీంతో ఇక్కడ ఎవరైనా మంచి సమయాన్ని ఆస్వాదించే వీలుంది. (Photo Credit: Unsplash)
Also Read: Bimbisara's Jail: గౌతమ బుద్ధుని స్నేహితుడైన బింబిసారుడిని తన కుమారుడే జైళ్లో పెట్టిన ప్రదేశం ఇది..!
బోగ్మాలో బీచ్..
గోవాలోని వాస్కోడగామాకు 7 కి.మీ దూరంలో ఉండే ఈ బోగ్మాలో బీచ్ చంద్ర వంక ఆకారంలో ఉంటుంది. ఇది కూడా ప్రశాంతగా ఉంటూ పర్యాటకుల మనసులు దోచుకుంటుంది. అయితే, ఈ బీచ్ పరిశుభ్రంగానూ ఉండటంతో అక్కడికి వెళ్లేవారు ఇసుక తిన్నెల్లోనూ ఆడుకోవచ్చు. ఇక్కడ సూర్యాస్తమయం కూడా ఆస్వాదించొచ్చు. అలా మీరు గోవా ట్రిప్‌ను మీ పార్ట్‌నర్‌తో ఎంజాయ్ చేయాలనుకుంటే ఈ బీచ్‌లను సందర్శించడం అస్సలు మరవద్దు. (Photo Credit: Unsplash)
- Read All Latest Telugu News and Travel News