రవాణా సౌకర్యాలు ఎంత పెరిగినా..
ఈ క్రమంలోనే ఇప్పుడు రవాణా సౌకర్యాలు, కమ్యూనికేషన్ సాధన సంపత్తి మరింత మెరుగయ్యాక ప్రపంచం నలుమూలల్లోని మారుమూల ప్రదేశాలను కూడా చుట్టొస్తున్నాడు. అయితే, ఈ భూమిపై ఎంత తిరిగినా ఇంకా తిరగాల్సినవి, చూడాల్సినవి చాలానే ఉన్నాయి. అందులో ఇప్పటివరకు మానవుడు అడుగుపెట్టలేని ప్రదేశాలు చాలా ఉన్నా మనం ఇప్పుడు కొన్ని ప్రదేశాల గురించి తెలుసుకుందాం. ఇవి కొండకోనల్లో, సముద్ర తీర ప్రాంతాల్లో,దట్టమైన అడవుల్లో, మనుషులు చేరుకోని దీవుల్లో ఉన్నాయి. ఆ ప్రదేశాలేంటో ఇక్కడ తెలుసుకుందాం. (Photo Credit: Pixabey)
ఫారెస్ట్ లేక్, రష్యా..
రష్యాలోని ఈ ఫారెస్ట్ లేక్ ఎక్కడుందో ఎవరికీ తెలియదు. ఇది దట్టమైన అడవుల మధ్య ఎలా ఏర్పడిందో కూడా అంతుచిక్కదు. ఇక్కడికి బహుశా ఏ మానవుడూ ఇప్పటివరకు వెళ్లకపోయి ఉండొచ్చు. అయితే, ఒక హెలీకాఫ్టర్ ఈ అడువుల పై నుండి వెళ్లేటప్పుడు ఈ అందమైన సరస్సుని చూసి ఫొటోలు తీశారని అంటారు. (Photo Credit: Pixabey)
వెనుజులాలోని తీప్యూ..
వెనుజులాలోని తీప్యూ అనే పర్వత ప్రాంతం అత్యంత ఎత్తులో అందంగా ఉంటుంది. ఈ కొండలు సైతం దట్టమైన అటవీ ప్రాంతంలో ఉండటంతో వాటిని ఎక్కడానికి ఎవరూ సాహసించరని స్థానికులు అంటారు. ఈ కొండలను దేవుళ్ల స్థావరంగా అక్కడివారు భావిస్తారు. (Photo Credit: Pixabey)
హవాయిలోని మాయీ..
ఇక హవాయిలోని పడమర దిక్కున ఉన్న మాయీ ఐలాండ్‌లో ఉన్న అద్భుతమైన వాటర్ ఫాల్స్ ఇది. సుమారు 1,120 అడుగుల ఎత్తులో ఉండే ఈ వాటర్ ఫాల్స్ దట్టమైన అటవీ ప్రాంతంలో ప్రవహిస్తూ లోయలోకి జాలువారుతుంది. ఇక్కడి వెళ్లాలంటే కూడా హెలికాఫ్టర్ తీసుకెళ్లాల్సిందే. (Photo Credit: Pixabey)
భూటాన్‌లోని గాంగ్‌ఖార్..
హిమాలయ పర్వతాల్లో ప్రపంచంలోనే అత్యంత ఎత్తైన మౌంట్ ఎవరెస్ట్ ఎక్కినవారు చాలా మందే ఉన్నారు. కానీ, భూటాన్‌లోని గాంగ్‌ఖార్ అనే పర్వతం ఎక్కడం ఎవరివల్లా కాలేదని ప్రసిద్ధి. దీంతో ఇది ఇప్పటివరకు ఎవరూ ఎక్కని ఎత్తైన పర్వత ప్రాంతంగా కొనసాగుతోంది. ఇక్కడికి వెళ్లడానికి చాలా మందే ప్రయత్నించినా అన్ని విఫలమవ్వడం గమనార్హం. (Photo Credit: Pixabey)
కోస్టారీకాలోని లా ఫార్చునా..
కోస్టారీకా అనే అందమైన దేశంలో లా ఫార్చునా అనే చిన్న పట్టనం ఉంది. అది ప్ర‌కృతి అందాలకు, అరెనల్ అగ్ని పర్వతాలకు నిలయం. ఇక్కడి అరెనల్ నేషనల్ పార్క్ ప్రముఖ పర్యాటక ప్రాంతంగా ఉంది. దీంతో ఇక్కడికి ఇప్పుడు పర్యాటకులు పెద్ద సంఖ్యలో వస్తున్నారు. అయితే, అక్కడే ఉన్న అడవుల్లో స్వచ్ఛమైన జలపాతాలు ఉన్నాయి. అక్కడికి ఎవరూ వెళ్లరని అంటారు. ఇక పక్కనే ఉన్న అగ్ని పర్వతం వైపు కూడా ఎవరూ సాహసించరు. (Photo Credit: Pixabey)
Read All Latest Telugu News and Travel News