పింక్ సిటీ జైపూర్..
పింక్ సిటీగా పేరున్న జైపూర్ (Jaipur) బ్యాచిలర్స్ పార్టీలు చేసుకోవడానికి మంచి అనువైన ప్రాంతం. ఇక్కడి అద్భుతమైన ప్యాలెస్‌లు, కోటలు,విలాసవంతమైన హోటళ్లు యువత ఆస్వాదించడానికి బాగుంటాయి. దీంతో జైపూర్‌లో బ్యాచిలరెట్ బాష్ చేసుకుంటే ప్రత్యేకంగా ఉంటుంది. అది మిమ్మల్ని ఆనందదాయకంగా ఉంచుతుంది. ఉత్తరాది రాష్ట్రాల వారు ఈ పార్టీ చేసుకోవాలంటే ఎక్కువగా ఆలోచించకుండా జైపూర్‌ను ఎంచుకోవచ్చు. (Photo Credit: Unsplash)
అందాల అలెప్పీ..
కేరళలోని అందమైన ప్రాంతాల్లో అలెప్పీ ఒకటి. ఇక్కడి బ్యాక్ వాటర్‌లో హౌజింగ్ బోట ప్రయాణం అద్భుతం. దీంతో బ్యాచిలర్స్ ఎవరైనా ఇక్కడ పార్టీ చేసుకోవాలంటే ప్రయత్నించవచ్చు. ఎవరైనా తమ స్నేహితులు, సన్నిహితులతో ఇక్కడికి వెళ్లి ఒక బోట్‌లో పార్టీ చేసుకుంటే అసలైన మజా ఉంటుంది. మీరు కూడా వీలైతే ఈ స్టైల్ పార్టీ ట్రై చేయండి. (Photo Credit: Unsplash)
మురిపించే ముంబై..
ఇక దేశ ఆర్థిక రాజధాని ముంబై (Mumbai) కూడా పార్టీలు చేసుకోవాలంటే బాగుంటుంది. ఇక్కడ ఏ మూలకెళ్లినా పార్టీలు చేసుకోవడానికి కొదవే ఉండదు. అందమైన రిసార్టుల నుంచి పబ్‌లు, క్లబ్‌లు ప్రత్యేకమైన స్టే విల్లాల వరకు ఎవరెలా కావాలంటే అలా ఎంజాయ్ చేసే వీలుంటుంది. మంచిగా ప్లాన్ చేసుకోవాలే కానీ.. ముంబయిలో బ్యాచిలర్స్ పార్టీ మరింత ప్రత్యేకంగా జరుపుకోవచ్చు. ఇక్కడ ఉత్తన్ అనే ప్రాంతంలో ప్రత్యేకంగా పార్టీలను నిర్వహించేవారే ఉంటారు. (Photo Credit: Unsplash)
గమ్మత్తు గోవా..
సహజంగానే గోవా బ్యాచిలర్స్‌కు ఫేవరెట్ డెస్టినేషన్. ఇక అక్కడ చేసుకునే పార్టీల గురించి ప్రత్యేకంగా చెప్పాల్సిన పనిలేదు. ఇప్పటికే గోవా (Goa)డెస్టినేషన్ వెడ్డింగ్ ప్లేస్‌గా, హనీమూన్‌ల స్థావరంగా పేరుగాంచింది. అలాంటి ప్లేస్‌లో బ్యాచిలర్స్ పార్టీ అంటేనే ఎలా ఉంటుందో ఊహించుకోవచ్చు. గోవాలో లగ్జరీ విల్లాల నుంచి పబ్బులు, బీచ్‌లు నైట్ పార్టీలు ఏవైనా ఎంజాయ్ చేయొచ్చు. ఇక భారీ మొత్తం వెచ్చించాలే కానీ సముద్ర జలాల్లోనూ పార్టీలు చేసుకోవచ్చు. (Photo Credit: Unsplash)
పుదుచెర్రీ కూడా వెళ్లొచ్చు..
బ్యాచిలర్స్ పార్టీ చేసుకోవాలంటే మొత్తం అర్బన్ కల్చర్ ఉన్న ప్రాంతాలే కాదు. పుదుచెర్రీ (Puducherry) వంటి ప్రశాంతమైన యూనియన్ టెరిటరీ సైతం బాగుంటుంది. ఇక్కడి చూడముచ్చటైన భవనాలు, సముద్ర తీరం విహరించడానికి బాగుంటాయి. అలాగే పార్టీలు చేసుకోవడానికి కూడా ఇక్కడ మంచి సౌకర్యాలు ఉన్నాయి. దీంతో మీ స్నేహితులకు కొత్త రకమైన పార్టీ ఇవ్వాలంటే పుదుచెర్రీ సరైన ప్రాంతం. మీరు కూడా వీలైతే ఇక్కడ ట్రై చేసి చూడండి. (Photo Credit: Unsplash)
ఇక్కడే యానాం ఉందిలే..
ఇక తెలుగు రాష్ట్రాల యువత పెద్దగా దూర ప్రాంతాలకు వెళ్లనవసరం లేకుండా దగ్గర్లోనే ఉంది యానాం(Yanam). ఇది ఆంధ్ర ప్రదేశ్‌లోని కాకినాడ, అమలాపురం ప్రాంతాలకు దగ్గర్లో బంగాళాఖాతం తీరానా గోదావరి నదీ ఒడ్డున ఉంటుంది. ఇక్కడ కూడా బాగా ప్లాన్ చేసుకుంటే మంచి పార్టీలను అరేంజ్ చేసుకోవచ్చు. ఇది ఇప్పటికీ పుదుచెర్రీలో భాగం కావడంతో కాస్త ధరలు కూడా తక్కువే. మీరు గనుక మంచి బ్యాచిలర్స్ పార్టీ ఎంజాయ్ చేయాలనుకుంటే ఇక్కడికి వెళ్లడం ఉత్తమం. (Photo Credit: @anjali_anju_s/Instagram)
Read All Latest Telugu News and Travel News