రాజస్థాన్..
మీ ఇద్దరికీ సంస్కృతి, సంప్రదాయాలు, శిల్పకళా నైపుణ్యాలంటే ఇష్టమైతే వెంటనే రాజస్థాన్ వెళ్లడానికి ప్రయత్నించవచ్చు. ఇది చారిత్రక కట్టడాలకు, అద్భుతమైన కోటలకు పెట్టింది పేరు. "రాజుల భూమి"గా ప్రసిద్ధి చెందిన ఈ రాష్ట్రంలో ఎన్నో అందమైన రాజ భవనాలు, రంగురంగుల భవంతులు పర్యాటకులను ఆకట్టుకుంటాయి. అలాగే ఈ రాష్ట్రంలోని పలు ప్రధాన నగరాలైన జోధ్‌పూర్, జైపూర్, జైసల్మేర్ వంటివాటికి.. బ్లూ సిటీ, పింక్ సిటీ, గోల్డెన్ సిటీలనే పేర్లున్నాయి. ఆయా నగరాలకు ఉండే ప్రత్యేకతల కారణంగా వాటికి ఆ పేర్లు వచ్చాయి. (Photo Credit: Unsplash)
మనాలి..
హిమాచల్ ప్రదేశ్‌లోని మనాలి దేశంలోనే టాప్ హనీమూన్ డెస్టినేషన్‌గా పేరుగాంచింది. ఇదో అందమైన మంచు పర్వతాల ప్రాంతం. ఇక్కడ రొమాంటిక్ రిసార్ట్‌ల నుంచి సాహస క్రీడల వరకు ప్రతీది ప్రేమికులను తప్పకుండా అలరిస్తాయి. దీంతో మనాలి మీకు, మీ ప్రియమైనవారికి అసలైన పర్యాటక ప్రదేశం. ఇక శీతాకాలంలో మంచు కురిసే సమయంలో మనాలీని సందర్శిస్తే మీరు మరో లోకంలో విహరించినట్లే. సాయంత్రం వేళ చల్లని వాతావరణంలో వెచ్చని మంట కాపుకుంటే అంతకుమించిన ఆనందం ఉండదు. దీంతో ఇది కూడా మీరు సంతోషంగా గడుపగలిగే ప్రదేశంగా నిలుస్తుంది. (Photo Credit: Unsplash)
Also Read: Japan Visit: మొదటిసారి జపాన్ వెళ్లాలనుకుంటున్నారా.. అయితే, ఇవి అస్సలు మిస్సవ్వద్దు సరేనా?
గోవా..
జీవితంలో మీరు చాలాసార్లు గోవా వెళ్లేందుకు ప్లాన్ చేసి ఉంటారు. కొందరు స్నేహితులతోనో, కుటుంబ సభ్యులతోనో కూడా వెళ్లి ఉంటారు. కానీ, ఇప్పుడు మీకు అత్యంత ఇష్టమైనవారితో వెళ్లడానికి ప్రయత్నించండి. ఎందుకంటే గోవాకు ఎన్నిసార్లు వెళ్లినా.. ఎవరితో వెళ్లినా అస్సలు బోర్ కొట్టదు. అక్కడి అద్భుతమైన బీచ్‌లు, అందమైన ప్రదేశాలు పర్యాటకులకు మర్చిపోలేని అనుభూతి మిగిలిస్తాయి. ఇక గోవా బీచ్‌లలో జంటగా సాగించే నడకలు మరోస్థాయి ఆనందాన్ని కలిగిస్తాయి. అవి మిమ్మల్ని ఆహ్లాదకరమైన మానసిక స్థితికి తీసుకెళతాయి. ఇక అక్కడ ఉండే రిసార్టులు వాటిల్లో ఉండే సౌకర్యాల గురించి ప్రత్యేకంగా చెప్పాల్సిన పనిలేదు. (Photo Credit: Unsplash)
డల్హౌసీ..
హిమాచల్ ప్రదేశ్ రాష్ట్రంలోని అత్యంత అందమైన హిల్ స్టేషన్లలో ఒకటి డల్హౌసీ. బ్రిటీష్ కాలం నాటి ఈ అద్భుతమైన పర్యాటక ప్రదేశం ఇప్పటికీ టూరిస్టులను విశేషంగా ఆకట్టుకుంటోంది. అక్కడ ఉండే పురాతన రాజభవనాలు, చర్చీలతో పాటు ఆహ్లాదకరమైన వాతావరణాన్ని ఆస్వాదించొచ్చు. అలాగే డల్హౌసీలో తప్పక సందర్శించాల్సిన వాటిల్లో ‘ఖజ్జియార్’ కొండలు ఉన్నాయి. ఆ ప్రదేశాన్ని ‘మినీ స్విట్జర్లాండ్’ అని కూడా పిలుస్తారు. ఇక్కడ మొత్తం పైన్, దేవదార్, రోడోడెండ్రాన్, ఓక్ చెట్లతో పచ్చగా కళకళలాడుతుంది. చలికాలంలో ఈ ప్రదేశం మరింత ఆకర్షణీయంగా మారుతుంది. (Photo Credit: Unsplash)
Also Read: Integrated Tourist Pass: పర్యాటకులకు త్వరలో ఇంటిగ్రేటెడ్ టూరిస్ట్ పాస్.. ఎక్కడంటే?
ఊటీ..
మీరిద్దరూ కొన్ని రోజులు ప్రశాంతంగా గడపాలనుకుంటే తమిళనాడులోని ఊటీ కూడా అద్భుతమైన ప్రదేశం. ఇది నూతన జంటలకు, ప్రేమికులకు ఫేవరెట్ డెస్టినేషన్ అని చెప్పడంలో ఎలాంటి సందేహం లేదు. ఇక్కడి ప్రకృతి అందాలు ఎవర్నైనా ఇట్టే మంత్రముగ్ధులను చేస్తాయి. ఇక చలికాలంలో ఇక్కడికి వెళితే మరో లోకంలో విహరిస్తున్నట్లే ఉంటుంది. అందమైన లోయలు, దట్టమైన అడవులు, ఆహ్లాదకరమైన సరస్సులు మిమ్మల్ని ఆశ్చర్యపరుస్తాయి. ఇక టీ, కాఫీ తోటల అందాల గురించి మరింత ప్రత్యేకంగా చెప్పాల్సిన పనిలేదు. (Photo Credit: Unsplash)
- Read All Latest Telugu News and Travel News