Visit Agra In February Then You Will Experience Indias Riches Cultural Festival Taj Mahotsav 2023
Taj Mahotsav 2023: ఇప్పుడు ఆగ్రా వెళ్లాలనుకునేవారు వచ్చే నెల వెళ్లండి.. ఎందుకంటే ఇది చదవండి..!
ప్రపంచ ప్రఖ్యాతి కట్టడం తాజ్మహల్ను (Taj Mahal) సందర్శించాలనుకునేవారు వచ్చే నెల ఫిబ్రవరిలో ఆగ్రాకు ప్రయాణ టికెట్లు బుక్ చేసుకోవడం మంచిది. అక్కడ ఫిబ్రవరి 18 నుంచి 27 వరకు తాజ్ మహోత్సవ్ 2023 (Taj Mahotsav 2023) నిర్వహించనున్నారు. దీంతో మీరు తాజ్ మహల్ను చూడటంతో పాటు దేశంలోని అతిగొప్ప సాంస్కృతిక ఉత్సవాలను చూసే అవకాశం ఉంటుంది.
ఆగ్రాలోని (Agra Tour) తాజ్మహల్ చూడాలనుకునేవారు చాలా మంది ఉంటారు. అది ప్రపంచ ప్రఖ్యాత కట్టడం కావడంతో దేశ, విదేశాల నుంచి పెద్ద ఎత్తున టూరిస్టులు వస్తుంటారు. దీంతో నిత్యం వేలాది మంది పర్యాటకులు ఆగ్రాను సందర్శిస్తూ తాజ్తో పాటు ఆగ్రా కోట (Agra Fort) అద్భుతాలను చూస్తుంటారు. ఇప్పటికే మనలో చాలా మంది ఆగ్రా పర్యటన చేసి ఉంటారు కూడా. అయితే, ఇప్పటివరకూ తాజ్ను చూడని వారు, ఒకవేళ చూసినా మళ్లీ చూడాలనుకునేవారు.. ఎవరైనా వచ్చేనెల మరోసారి ఆగ్రా ట్రిప్ (Agra Trip) ప్లాన్ చేస్తే అద్భుతంగా ఉంటుంది. ఎందుకంటే అక్కడ ఏటా జరిగే తాజ్ మహోత్సవ్ (Taj Mahotsav 2023) నిర్వహిస్తున్నారు. (Photo Credit: Unsplash)
అతిపెద్ద సాంస్కృతిక ఉత్సవం..
భారతదేశంలోని అతిపెద్ద సాంస్కృతిక ఉత్సవాల్లో ఒకటైన తాజ్ మహోత్సవ్ 2023 వచ్చే నెల ఫిబ్రవరిలో జరగనుంది. అందుకు సంబంధించిన ఏర్పాట్లు కూడా జరుగుతున్నాయి. ఏటా ఫిబ్రవరి 18 నుంచి 27 వరకు 10 రోజుల పాటు జరిగే ఈ ఉత్సవాలను తాజ్ కమిటీ, ఉత్తర్ ప్రదేశ్ టూరిజం శాఖ సంయుక్తంగా నిర్వహిస్తాయి. తాజ్ మహల్ తూర్పు ద్వారం సమీపంలోని శిల్పగ్రామ్లో ఈ వేడుకలు జరగనున్నాయి. (Photo Credit: Unsplash/Representational Image) Also Read: Lohri 2023: లోహ్రీ పండుగను చూడాలంటే పంజాబ్లోని ఈ నగరాలకు వెళ్లాల్సిందే..!
అన్ని రకాల విశేషాలు ఉంటాయి..
ఈ సందర్భంగా పర్యాటకులు అక్కడ భారతదేశంలోని గొప్ప కళా నైపుణ్యాలు, సంస్కృతి, సంప్రదాయాలు, సంగీతం, నృత్యాలు, రుచికరమైన వంటకాలు మొదలైనవి ఆస్వాదించే అవకాశం ఉంటుంది. నిజానికి దేశంలోని విస్తారమైన సాంస్కృతిక వారసత్వాన్ని పూర్తిగా ఆస్వాదించడానికి 10 రోజుల సమయం సరిపోనప్పటికీ ఈ తాజ్ మహోత్సవ్ను సందర్శించడం ద్వారా ఒకే చోట అన్ని రకాల అనుభూతులు పొందే వీలుంటుంది. దీంతో కల్చరల్ ఫెస్టివల్స్ ఇష్టపడేవారికి ఇదో అద్భుతమైన అవకాశంగా నిలవనుంది. (Photo Credit: Unsplash/Representational Image) Also Read: Elephanta Caves Festival: ముంబయికి వెళ్లాలనుకుంటే అప్పుడే వెళ్లండి.. అద్భుతమైనసాంస్కృతిక ఉత్సవాన్ని చూడొచ్చు
శిల్ప, హస్త కళా నైపుణ్య ప్రదర్శనలు..
ఈ తాజ్ మహోత్సవ్లో దేశం నలుమూలల నుండి వచ్చే వందలాది మంది కళాకారులు తమ అద్భుతమైన శిల్ప కళా, హస్త కళా నైపుణ్యాలను ప్రదర్శినకు ఉంచుతారు. దీంతో కళాఖండాలు ఇష్టపడేవారికి ఇదో మంచి అవకాశం. ఇక్కడ చాలావరకు ప్రాంతీయ ప్రత్యేకతలు కలిగిన కళాఖండాలే ఉండటంతో అన్నీ ఒకేచోట దొరికే వీలుంటుంది. ఉదాహరణకు, ఈశాన్య రాష్ట్రాల నుండి వచ్చే కళాకారులు వెదురు బొంగుతో తయారు చేసిన బొమ్మలు ప్రదర్శనకు ఉంచగా.. ఉత్తరప్రదేశ్, రాజస్థాన్ వంటి ప్రాంతాల నుండి వచ్చేవారు రాతి శిల్పాలు, అలాగే జమ్మూ కశ్మీర్ నుండి వచ్చేవారు తివాచీలు, షాలువాలు, స్వెటర్ల వంటివి ప్రదర్శనకు ఉంచుతారు. (Photo Credit: Unsplash/Representational Image) Also Read: Delhi Travel Alert: దిల్లీకి వెళ్తున్నారా.. అయితే, ఈ విషయం తెలుసుకోవాల్సిందే..!
అరుదైన సాంస్కృతిక ఉత్సవాలు..
మరోవైపు సాంస్కృతిక కార్యక్రమాలు ఇష్టపడేవారు కూడా ఈ ఉత్సవాల్లో బాగా ఎంజాయ్ చేసే వీలుంటుంది. ఎందుకంటే ఈ ఉత్సవాల్లో అన్ని రకాల నృత్య, సంగీత ప్రదర్శనలు నిర్వహిస్తారు. అందులో ప్రధానంగా జానపద, శాస్త్రీయమైన పోటీలు ఉంటాయి. దీంతో సాంస్కృతిక ప్రదర్శనలు ఇష్టపడే వారికి కూడా ఈ తాజ్ మహోత్సవ్ అద్భుతమైన వేదికగా నిలుస్తుంది. దేశం నలుమూలల నుండి వచ్చే ప్రతిభావంతులు తమ నృత్య, గాత్రాలతో అలరిస్తారు. ఇక్కడ మనకు తెలియని కొన్ని అరుదైన నృత్య ప్రదర్శనలు ఆస్వాదించే ఛాన్స్ ఉంటుంది. (Photo Credit: Unsplash/Representational Image) Also Read: Punjab Tour: అందమైన పంజాబ్ ఎప్పుడైనా సందర్శించారా.. లేకపోతే అక్కడ ఇవి చూడండి..!
భోజన ప్రియులకు పండగే..
ఇక భోజన ప్రియులైతే ఈ ఉత్సవాల్లో అన్ని రకాల వంటకాలను ఆస్వాదించే అవకాశం ఉంటుంది. ఇందులోనూ దేశంలోని అన్ని ప్రాంతాల నుంచి వచ్చే వారు రకరకాల ఆహార పదార్థాలను వడ్డిస్తారు. దీంతో రుచికరమైన ఆహారం కూడా టేస్ట్ చేసే వీలుంటుంది. మనం నిత్యం తినే ఛాట్ మసాలా నుండి ఎప్పుడూ రుచి చూడని ఇతర వంటకాల వరకు అద్భుతమైన, డెలీషియస్ ఫుడ్ను ఆస్వాదించే అవకాశం దక్కుతుంది. అలా మీరు వచ్చేనెలలో ఆగ్రాను సందర్శిస్తే ఒకే ట్రిప్లో అన్ని రకాల విశేషాలను అనుభూతి చెందొచ్చు. ఇక ఆలస్యం చేయకుండా వెంటనే మీ ప్రయాణ టికెట్లు బుక్ చేసుకునేందుకు ప్రయత్నించండి. (Photo Credit: Unsplash/Representational Image)
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.