2003లోనే అనుమతులు వచ్చాయి..
ఈ ప్రాజెక్ట్ నిర్మాణానికి 2003లోనే అనుమతి లభించినా పూర్తవ్వడానికి 19 ఏళ్లు పట్టింది. తొలుత దీన్ని 2009 కల్లా పూర్తి చేయాలని చూశారు. కానీ, కొన్ని కారణాల వల్ల 2008లోనే నిర్మాణ పనులను నిలిపివేశారు. మళ్లీ 2017 నుంచి పునర్ నిర్మాణ పనులు చేపట్టగా 2022 ఆగస్టులో పనులు పూర్తయ్యాయి. (Photo: MinistryofIndianRailways/Instagram)
డీఆర్‌డీవో కీలక సేవలు..
ఈ బ్రిడ్జ్ నిర్మాణంలో ప్రధాన నిర్ణయాలన్నీ కొంకణ్ రైల్వేస్ కార్పొరేషన్ తీసుకుంది. డీఆర్‌డీవో సైతం దీని నిర్మాణంలో ముఖ్య భూమిక పోషించింది. ప్రత్యేక స్టీల్‌తో ఈ బ్రిడ్జ్ నిర్మాణానికి పూనుకోగా అందులో కాంక్రీట్ కూడా వినియోగించారు. దీంతో దీన్ని అత్యంత పటిష్టంగా రూపొందించారు. (Photo: MinistryOfIndianRailways/Instagram)
అత్యంత పటిష్టమైనది..
ఈ చీనాబ్ రైల్వే బ్రిడ్జ్ ఒక లోతైన లోయపై నిర్మించినందున వేగవంతమైన గాలుల వల్ల వంతెన స్థిరత్వానికి కచ్చితమైన ముప్పు పొంచి ఉంది. దీంతో ఈ సమస్యను అధిగమించడానికి ప్రత్యేకమైన డిజైన్ రూపొందించారు. అందుకోసం డెన్మార్క్‌లో ఆధునిక విండ్ టన్నెల్ పరీక్షలు నిర్వహించారు. దీంతో ఈ బ్రిడ్జ్ 266 కిలోమీటర్ల వేగవంతమైన గాలులు వీచినా తట్టుకునేలా దీని నిర్మాణం చేపట్టారు. (Photo:MinistryofIndianRailways/Instagram)
భూకంపాలను సైతం తట్టుకొనే విధంగా..
ఇక ఇది ఇంజినీరింగ్ అద్భుతంగా చెప్పబడుతున్నా నిర్మాణం పూర్తి చేయడానికి అనేక సవాళ్లను ఎదుర్కొంది. ఈ బ్రిడ్జ్ నిర్మాణం చేపట్టిన ప్రాంతం ప్రతికూల వాతావరణ పరిస్థితుల్లో ఉన్నందున వివిధ ఐఐటీ నిపుణుల సలహాలు, సూచనలమేరకు రూపొందించారు. అలాగే భూకంప ప్రకంపనలను సైతం తట్టుకొనే విధంగా నిర్మించడం విశేషం. (Photo: MinistryOfIndianRailways/Instagram)
దీని జీవితకాలం ఎంతంటే..?
ఇక ఈ బ్రిడ్జ్ జీవిత కాలం సుమారు 120 ఏళ్లు ఉంటుందని అంచనా. అలాగే డీఆర్‌డీవో సహకారంతో దీన్ని బ్లాస్ట్ ప్రూఫ్‌గా కూడా నిర్మించారు. దీంతో ఈ బ్రిడ్జ్‌పై 100 కిలోమీటర్ల వేగంతో రైళ్లు ప్రయాణించగలవు. (Photo: MinistryOfIndianRailways/Instagram)