Visit These Underrated Places In India Which Are Perfect For February Travel
Most Underrated Tourist Places in India: ఇవి అద్భుతమైన అండర్ రేటెడ్ పర్యాటక ప్రాంతాలు.. ఫిబ్రవరిలో వెళ్లడానికి చూడండి..!
ఎప్పుడూ వెళ్లే పర్యాటక ప్రాంతాలకు వెళ్లి బోర్ కొడుతోందా..? ఈసారి ఎక్కడికైనా అరుదైన ప్రదేశానికి వెళ్లాలని ఉందా..? అయితే, వచ్చే ఫిబ్రవరి నెలలో దేశంలోని ఈ అండర్ రేటెడ్ టూరిస్ట్ (Most Underrated Tourist Places in India) ప్రదేశాలకు వెళ్లి చూడండి. అవి మీకు కొత్త అనుభూతులు కలిగిస్తాయి.
భారత దేశం అనేక పర్యాటక ప్రదేశాలకు నిలయం. కశ్మీర్ నుండి కన్యాకుమారి వరకు ఎన్నో సుప్రసిద్ధమైన పర్యాటక ప్రదేశాలు ఉన్నాయి. అవన్నీ సంవత్సరంలో ఎప్పుడు వెళ్లినా ఎక్కువ రద్దీతో ఉంటాయి. అయితే, మీరు ఆ ప్రసిద్ధ హాలిడే గమ్యస్థానాలకు బదులు అంతగా పేరుగాంచని, జనసమూహం లేని, ఇంతకుముందు చూడని ప్రదేశాలను చూడాలనుకుంటే ఇక్కడ పేర్కొన్న ప్రదేశాలకు వెళ్లండి. ఇవి దేశంలోనే చాలా అండర్ రేటెడ్ టూరిస్ట్ డెస్టినేషన్స్గా (Most Underrated Tourist Places in India) పేరొందాయి. ఫిబ్రవరిలో అక్కడికి వెళితే మరింత ఆహ్లాదకరంగా ఉంటాయి. అవేంటో ఇక్కడ తెలుసుకుందాం. (Photo Credit: Unsplash)
తవాంగ్, అరుణాచల్ ప్రదేశ్..
మీరు ఎప్పుడూ ప్రసిద్ధ పర్యాటక ప్రదేశాలకు వెళ్లేబదులు ఈసారి అరుణాచల్ ప్రదేశ్లోని తవాంగ్ని సందర్శించండి. అక్కడ అసాధారణ ప్రకృతి అందాల నుండి దట్టమైన అడవులు, అందమైన బౌద్ధ మఠాల వరకు ఎన్నో ప్రత్యేకతలు అనుభూతి చెందొచ్చు. చుట్టూ దట్టమైన అడవులు, హిమాలయ పర్వతాలు కూడా ఉండటంతో ఈ ప్రాంతం తప్పక చూడాల్సిందే. ఇది ఉత్తర భారత హిమాలయ ప్రాంతాలకు మంచి ఆల్టర్నేట్ డెస్టినేషన్. (Photo Credit: Unsplash) Also Read: Ranthambore National Park: పెద్ద పులులను అతి దగ్గరి నుండే ఫొటోలు తీయొచ్చు..రణతంబోర్ అభయారణ్యం గురించి తెలుసా..?
మాండు, మధ్యప్రదేశ్..
మధ్య ప్రదేశ్లోని మాండు ప్రాంతం కూడా తక్కువ అంచనా వేసే పర్యాటక ప్రదేశాల్లో ఒకటి. ఈ చారిత్రక నగరాన్ని సందర్శించడం ద్వారా మీరు పురాతన కాలానికి చెందిన అరుదైన కట్టడాలను చూస్తారు. కాలాతీతంగా ఉండే అందమైన స్మారక చిహ్నాలు, గ్రాండ్ ప్యాలెస్లు, అద్భుతంగా ఉండే గేట్వేలు మాండు గొప్పతనాన్ని పరిచయం చేస్తాయి. అక్కడ మీరు జహాజ్ మహల్, హోషాంగ్ షా సమాధి, బాజ్ బహదూర్ ప్యాలెస్ వంటి వాటిని కూడా చూడొచ్చు. ఇది చరిత్రకారులకు తప్పకుండా నచ్చే ప్రదేశం అని చెప్పొచ్చు. (Photo Credit: Unsplash) Also Read: canusa street: ఆ వీధిలో రోడ్డు దాటాలంటే పాస్పోర్ట్ ఉండాల్సిందే.. మీరు వెళ్లినప్పుడు జాగ్రత్త!
పటాన్, గుజరాత్..
గుజరాత్లోని అందమైన పటాన్ పట్టణం పురాతన చారిత్రక నగరాల్లో ఒకటి. ఇది ప్రతి చరిత్ర ప్రేమికుడు తప్పక చూడాల్సిన అద్భుతమైన పర్యాటక ప్రదేశం. అందమైన కోటతో కూడిన ఈ నగరం సుమారు 650 సంవత్సరాలు గుజరాత్ రాజధానిగా పనిచేసిందని తెలిసింది. దీంతో మీరు పురాతన కాలం నాటి అరుదైన కట్టడాలను ఈ పఠాన్ ప్రాంతంలో చూడొచ్చు. అలాగే ఇక్కడ పాతం కాలం నాటి ఇరుకు సందుల్లోని మార్కెట్లను సందర్శించవచ్చు. మరోవైపు రాణి కి వావ్, అద్భుతమైన జైన దేవాలయంతో పాటు మరెన్నో ప్రదేశాలను తిలకించవచ్చు. (Photo Credit: Unsplash) Also Read: Odisha Tourist Places: ఒడిశాలో ఇలాంటి అందమైన ప్రదేశాలు ఉంటే వెళ్లకుండా ఎలా ఉంటారు?
కాస్ పీఠభూమి, సతారా..
మహారాష్ట్రలోని సతారా జిల్లాలో ఉన్న కాస్ పత్తర్ అనే పీఠభూమి కూడా మంచి ఆఫ్బీట్ డెస్టినేషన్. దీని గురించి కూడా చాలా మందికి తెలియదు. ఇది పచ్చని కొండ ప్రాంతాల్లో ఉండే అందమైన అగ్నిపర్వత పీఠభూమి. ఇటీవలే ఈ కాస్ పత్తర్ పర్యాటక రంగం పరంగా గుర్తింపు పొందుతోంది. దీంతో మీరు కూడా రాబోయే ఫిబ్రవరిలో ఎక్కడికైనా వెళ్లాలనుకుంటే ఈ ప్రదేశాన్ని సందర్శించడానికి ప్లాన్ చేయండి. అలాగే ఇక్కడ అందమైన పూతోటలు ఉండటంతో 2012లో ఈ ప్రాంతాన్ని యునెస్కో బయో డైవర్శిటీ సైట్గా గుర్తించింది. (Photo Credit: Unsplash) Also Read: Vande bharat Interesting Facts: వందేభారత్ రైళ్లకు సంబంధించిన ఈ ఆసక్తికర విషయాలు మీకు తెలుసా?
లంబసింగి, ఆంధ్రప్రదేశ్..
ఇక తెలుగు రాష్ట్రాల్లో ఉత్కంఠభరితమైన, అందమైన ప్రకృతి దృశ్యాలను కలిగిన లంబసింగిని సందర్శించడం కూడా అద్భుతంగా ఉంటుంది. దీన్ని దక్షిణ భారతదేశంలోని కశ్మీర్ అని పిలుస్తారు. ఇక్కడ ఉష్ణోగ్రతలు 0 నుండి 10 డిగ్రీల మధ్యే ఉండటంతో ఉత్తర భారత దేశ శీతాకాల పరిస్థితులను అనుభవించొచ్చు. రాబోయే నెలలో లంబసింగిని సందర్శించడం ద్వారా ప్రకృతి అందాలను ఆస్వాదించే వీలుంటుంది. దీంతో తప్పకుండా అక్కడికి వెళ్లడానికి ప్రయాణ ఏర్పాట్లు చేసుకోండి. (Photo Credit: Unsplash)Also Read: No Visa Countries for Indians: భారతీయులకు వీసాలు అక్కర్లేని 10 దేశాలు ఇవే.. 2023లో ప్లాన్ చేయండి..!
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.