You Can Travel To These 10 Countries Even Wihthout Visa Or Visa On Arrival
No Visa Countries for Indians: భారతీయులకు వీసాలు అక్కర్లేని 10 దేశాలు ఇవే.. 2023లో ప్లాన్ చేయండి..!
అంతర్జాతీయ పర్యటనలు (International Travellers) చేయాలంటే ప్రతి ఒక్కరికీ ముందుగా గుర్తొచ్చేది వీసాల (Visas and Immigrations) గురించే. అయితే, భారతీయులు ఇప్పుడు ఎలాంటి వీసా లేకుండానే (Visa Free Countries for Indians) 59 దేశాలు విహరించే అవకాశం ఉంది. అందులో పలు అందమైన పర్యాటక దేశాల గురించి ఇక్కడ తెలుసుకుందాం.
ఏదైనా విదేశాలకు వెళ్లాలంటే ఎవరికైనా వీసాలు (Visas and Immigrations) ఉండాల్సిందే. అయితే, ఇటీవల అత్యంత శక్తిమంతమైన పాస్పోర్ట్స్ జాబితాలో (Worlds Most Powerful Passports 2023) భారత్ 85వ స్థానాన్ని సంపాదించుకోవడంతో అంతర్జాతీయంగా మనం 59 దేశాలకు ఎలాంటి వీసా లేకుండానే (59 Visa free countries for Indians) ప్రయాణం సాగించొచ్చు. మీకు భారతీయ పాస్పోర్ట్ (Indian Passport) ఉంటే వీసా లేదా వీసా ఆన్ అరైవల్ (Visa on Arrival) అవసరం లేకుండానే ఈ 10 అందమైన దేశాలకు వెళ్లొచ్చు. దీంతో అక్కడికి వెళ్లడానికి ఎక్కువ ప్రణాళికలు కూడా రూపొందించుకోవాల్సిన అవసరం లేదు. చాలా సులభంగా, ఎలాంటి అవాంతరాలు లేకుండా మీరు అంతర్జాతీయ విహార యాత్రలు చేయొచ్చు. ఆ దేశాల జాబితా ఏంటో ఇక్కడ చూడండి. (Photo Credit: Unsplash)
మన పొరుగు దేశం భూటాన్కు కూడా ఎలాంటి వీసా లేకుండా వెళ్లి రావచ్చు. మీతో ఇండియన్ పాస్పోర్ట్ ఉంటే 14 రోజుల పాటు ఎలాంటి వీసా లేకుండా హ్యాపీగా హిమాలయాల దేశాన్ని చుట్టి రావచ్చు. ఇది ప్రపంచంలోని సంతోషకరమైన దేశాల్లో ఒకటిగానూ పేరుగాంచింది. అందమైన ప్రకృతి సోయగాలు, అద్భుతమైన హిమాలయాలు, చూడచక్కని బౌద్ధ మత మఠాలు పర్యాటకుల్ని విశేషంగా ఆకట్టుకుంటాయి. దీంతో మీరు ఇక్కడ చాలా మంచి సమయాన్ని ఆస్వాదించగలరు. (Photo Credit: Unsplash) Also Read: Goa Trip: ఫిబ్రవరిలో గోవాకు ఎందుకు వెళ్లాలంటే.. ఇవే కారణాలు.. తెలిస్తే మీరూ వెళతారు..!
ఫిజీ..
భారతీయులు వీసా అవసరం లేకుండా సంతోషంగా ద్వీప సమూహాల్లో విహరించే అందమైన డెస్టినేషన్లలో ఒకటి ఫిజీ. చుట్టూ అందమైన బీచ్లు, ఆహ్లాదకరమైన వాతావరణ పరిస్థితులు, పొడవాటి కొబ్బరి చెట్లు ఈ ఐలాండ్ నేషన్ను ప్రత్యేకంగా నిలుపుతాయి. అక్కడ మన భారతీయులు వీసా లేకుండా 120 రోజుల పాటు ఉండే వీలుంది. ప్రకృతి దృశ్యాల నడుమ, పగడపు దిబ్బల్లో మీ ప్రియమైన వారితో కలిసి కొద్ది రోజులు ఆస్వాదించడానికి ఇది సరైన గమ్యస్థానం. (Photo Credit: Unsplash) Also Read: Lalbagh Gardens Flower Exhibition: ఈ ఫ్లవర్ షోను చూసేందుకు జనం లక్షలాదిగా ఎగబడతారు.. ఇంతకీ ఎందుకంత ప్రత్యేకత..?
కజకిస్థాన్ సహజంగా అంతర్జాతీయ ప్రయాణీకుల విహార ప్రదేశంగా కనిపించదు. కానీ, ఇది కచ్చితంగా చూసి తీరాల్సిన దేశాల్లో ఒకటని చెప్పడంలో ఎలాంటి సందేహం అక్కర్లేదు. ఇక్కడి ప్రకృతి దృశ్యాలు, అద్భుతమైన నిర్మాణలు, అల్మటీ అనే పర్యాటక ప్రదేశం భారతీయులను బాగా ఆకట్టుకుంటాయి. వాటిని చూడాలంటే మీరు ఎలాంటి వీసా లేకుండా 14 రోజులు కజికిస్థాన్లో విహరించవచ్చు. (Photo Credit: Unsplash) Also Read: Republic Day 2023: ఇక్కడ రిపబ్లిక్ డే వేడుకలు చూస్తే జీవితంలో మర్చిపోలేరు.. అవి ఎక్కడంటే..!
మారిషస్..
మాల్దీవుల మాదిరే ఉండే మరో అందమైన పర్యాటక ప్రదేశం మారిషస్. అక్కడ భారతీయులు వీసా అవసరం లేకుండా గరిష్టంగా 90 రోజులు ఉండొచ్చు. భారతీయులకు అత్యంత స్నేహపూర్వక దేశాల్లో ఇదీ ఒకటి. అద్భుతమైన బీచ్లు, సుందరమైన లగ్జరీ రిసార్టులు మారిషస్ను ప్రత్యేకంగా నిలుపుతాయి. మరోవైపు ఇక్కడికి ప్రపంచ వ్యాప్తంగా ఉండే టూరిస్టులు సైతం పెద్ద సంఖ్యలో వస్తుంటారు. దీంతో మీరు ఈ ఏడాదిలో మారిషస్కు వెళ్లడానికి కూడా ప్రయత్నించవచ్చు. (Photo Credit: Unsplash) Also Read: Bharat Gaurav Special Tour: భారత్ గౌరవ్ స్పెషల్ టూర్.. 8 రోజులు, 5 జ్యోతిర్లింగాల సందర్శన..
నేపాల్..
భారతీయులకు వీసా రహిత ప్రయాణాన్ని అనుమతించే పొరుగు దేశాల్లో ఒకటి నేపాల్. ఇది అందమైన హిమాలయాలను కలిగి ఉండే అద్భుతమైన పర్యాటక గమ్యస్థానం. అలాగే పచ్చని కొండ ప్రాంతాలు, లోయలు, నదులు, సెలయేళ్లు, బౌద్ధ మఠాలు ప్రతి ఒక్కరికీ తప్పకుండా నచ్చుతాయి. మరోవైపు ఇది ట్రిక్కింగ్ ప్రియులకు కూడా పర్ఫెక్ట్ డెస్టినేషన్. మీకు పాస్పోర్ట్ లేకపోతే కనీసం ఓటర్ ఐడీ కార్డు ఉన్నా నేపాల్ను సందర్శించవచ్చు. (Photo Credit: Unsplash) Also Read: Incredible India: దేశం గర్వించదగ్గ అద్భుతమైన పర్యాటక ప్రదేశాలు.. ఇవి జీవితంలో ఒక్కసారైనా చూడాల్సిందే..!
సెయింట్ కిట్స్ అండ్ నెవిస్..
మీరు నిరంతరాయంగా 90 రోజుల వరకు వీసా లేకుండానే విదేశాల్లో విహరించాలనుకుంటే మరో ఆలోచన లేకుండా సెయింట్ కిట్స్ అండ్ నెవిస్ని సందర్శించవచ్చు. ఇది చాలా అందమైన రెండు ద్వీపాల డెస్టినేషన్. ఇక్కడున్న కొన్ని బీచ్లు ప్రపంచంలోనే అందమైనవిగా గుర్తింపు పొందాయి. విదేశాల్లో ఆఫ్బీట్ ప్రదేశాలను ఇష్టపడేవారు ఈ సెయింట్ కిట్స్ అండ్ నెవిస్కు వెళ్లొచ్చు. (Photo Credit: Unsplash) Also Read: Travel With Pets: మీ పెంపుడు జంతువులను కూడా ట్రైన్లో వెంట తీసుకెళ్లొచ్చు.. అదెలాగో ఇక్కడ తెలుసుకోండి..!
సెయింట్ విన్సెంట్ అండ్ గ్రెనడైన్స్..
మరోవైపు మీరు వీసా అవసరం లేకుండా 30 రోజుల వరకు సెయింట్ విన్సెంట్ అండ్ గ్రెనడైన్స్ను కూడా సందర్శించవచ్చు. మీకు సముద్ర జలాల్లో విహరిస్తూ వాటర్ స్పోర్ట్స్ యాక్టివిటీస్ని ఎంజాయ్ చేయాలనుకుంటే ఇది సరిగ్గా సరిపోతుంది. అలాగే, ఇక్కడ అనేక అందమైన ప్రైవేట్ ద్వీపాలు ఉండటంతో మీరు విలాసవంతమైన హాలిడేని ఎంజాయ్ చేయొచ్చు. (Photo Credit: Unsplash) Also Read: Bengaluru Helicopter Service: బెంగళూరు వారికి గుడ్న్యూస్.. త్వరలో హెలికాఫ్టర్ సర్వీస్ అందుబాటులోకి..!
ట్రినిడాడ్ అండ్ టొబాగో..
ద్వీప దేశమైన ట్రినిడాడ్ అండ్ టొబాగో పర్యటన కూడా అద్భుతంగా ఉంటుంది. ఇది కూడా భారతీయులకు 90 రోజుల పాటు వీసా లేని ప్రయాణ అవకాశాన్ని కల్పిస్తోంది. ఇదో అందమైన ద్వీప దేశం కావడంతో అబ్బుర పరిచే ప్రకృతి దృశ్యాలు కూడా మైమరపిస్తాయి. అనేక రకాల పక్షులు, వన్యప్రాణులకు కూడా ఇది నిలయంగా ఉంటుంది. దీంతో జంతు ప్రేమికులకు మంచి టూరిస్ట్ స్పాట్ అని చెప్పొచ్చు. (Photo Credit: Unsplash) Also Read: Vizag - Kashmir Package: వైజాగ్ టు కశ్మీర్ టూర్.. ఐఆర్సీటీసీ ప్యాకేజీ ఎంతంటే..?
కార్తీక్ కుమార్ కొంగణి సమయం తెలుగులో డిజిటల్ కంటెంట్ ప్రొడ్యూసర్\u200cగా పని చేస్తున్నారు. ఇక్కడ ట్రావెల్\u200cకు సంబంధించిన తాజా వార్తలు,వీకెండ్ స్పాట్ల గురించి వివరించడంతో పాటు,ప్రముఖ పర్యాటక ప్రాంతాల సమాచారం, ఫొటో ఫీచర్లు అందిస్తుంటారు. తనకు జర్నలిజంలో 8 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాజకీయ, క్రీడా, సినిమా రంగాలకు సంబంధించిన వార్తలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.