బెర్గెన్..
నార్వేలోని బెర్గెన్ అద్భుతమైన పర్వతాల మధ్యలో ఉంటూ వావ్ అనిపించే లొకేషన్లతో ప్రపంచంలోని అత్యంత అందమైన నగరాల జాబితాలో చోటు దక్కించుకుంది. ఇక్కడ వార్ఫ్‌లో ఉన్న రంగురంగుల చెక్క ఇళ్ళు చూడదగినవి. ఈ నగరాన్ని ఫ్జోర్డ్స్ రాజధాని అని కూడా పిలుస్తారు. మీరు ఇక్కడకు వచ్చిన తర్వాత ఎందుకు వచ్చామా అని అర్థమవుతుంది. (Photo Credit: Unsplash)
హవానా..
క్యూబాలోని హవానా ప్రపంచంలోని అత్యుత్తమ నైట్‌లైఫ్ డెస్టినేషన్లలో ఒకటిగా పేరుగాంచింది. అయితే ఇక్కడ మరిన్ని చూడదగిన ప్రదేశాలు కూడా ఉన్నాయి. పాత హవానాలోని స్పానిష్ కలోనియల్ ఆర్కిటెక్చర్, నేషనల్ క్యాపిటల్ బిల్డింగ్, కేతడ్రల్ డి శాన్ క్రిస్టోబల్ మొదలైన వాటివి ఎవర్నైనా ఆకట్టుకుంటాయి. దీంతో ఈ నగరం కొత్త ఏడాది డెస్టినేషన్లలో ఒకటిగా తప్పక ఉండాలి. (Photo Credit: Unsplash)
Also Read: షెన్‌జెన్ వీసా: భారతీయ పర్యాటకులకు ఊరట.. షెన్‌జెన్ వీసాపై జర్మనీ కీలక నిర్ణయం
బ్రూగెస్..
బెల్జియంలోని బ్రూగెస్ కూడా మరో అందమైన ప్రదేశం. భారతీయ చలనచిత్రాలకు ఇది ఫేవరెట్ ప్లేస్ అని చెప్పొచ్చు. ముఖ్యంగా బాలీవుడ్ దృష్టిని ఇది బాగా ఆకర్షించింది. మీలో ఎవరైనా రొమాంటిక్ సినిమా సెట్టింగ్ వంటి ప్రదేశాలు చూడాలనుకుంటే బ్రూగెస్‌ని సందర్శిస్తే సరిపోతుంది. (Photo Credit: Unsplash)
బుడాపెస్ట్..
హంగేరి రాజధాని బుడాపెస్ట్ తప్పకుండా చూడాల్సిన నగరాల్లో ఒకటి. ఇక్కడ డానుబే నది అందాలు పర్యాటకుల్ని ఆకట్టుకుంటాయి. అలాగే ఇక్కడ సెయింట్ స్టీఫెన్స్ బాసిలికా, చైన్ బ్రిడ్జ్, హీరోస్ స్క్వేర్, దోహనీ సెయింట్ సినాగోగ్ వంటి సందర్శనీయ స్థలాలు బుడాపెస్ట్‌లో చాలా ఎక్కువగా ఉన్నాయి. ఇవన్నీ ఆ నగర అందాలను మరింత పెంచుతాయి. (Photo Credit: Unsplash)
Also Read: IRCTC Araku Package: విశాఖ టు అరకు వ్యాలీ.. ఐఆర్సీటీసీ వన్‌డే ట్రిప్ ఎంతో తెలుసా?
శ్రీనగర్..
మన కశ్మీర్‌లోని శ్రీనగర్ కూడా చాలా అందంగా ఉంటుంది. ఈ వ్యాలీకి భూతల స్వర్గం అనే పేరుంది. అంటే కశ్మీర్ అందాలు ఎలా ఉంటాయో అర్థం చేసుకోవచ్చు. అద్భుతమైన హిమాలయాలు, చల్లని వాతావరణం, అందమైన దాల్ సరస్సు, శీతాకాలంలో మంచు దుప్పట్లు ప్రతి ఒక్కర్నీ విస్మయానికి గురి చేస్తాయి. ఇది ప్రతి ఒక్కరూ జీవితంలో ఒక్కసారైనా చూడాల్సిన ప్రదేశంగా నిలిచింది. (Photo Credit: Unsplash)
- Read All Latest Telugu News and Travel News