రైలు టికెట్లపై ఐఆర్‌సీటీసీ 10% డిస్కౌంట్!

ఇండియన్ రైల్వే క్యాటరింగ్ అండ్ టూరిజం (ఐఆర్‌సీటీసీ) ద్వారా రైలు టికెట్ బుక్ చేసుకుంటున్నారా? అయితే, తప్పకుండా ఈ అవకాశాన్ని సద్వినియోగం చేసుకోండి. ఐఆర్‌సీటీసీ వెబ్‌సైట్ లేదా ఐఆర్‌సీటీసీ యాప్ ద్వారా టికెట్ బుక్ చేసుకొనేప్పుడు ఉపయోగించే పేమెంట్ గేట్‌వేల ద్వారా ఈ ఆఫర్‌ను అందుకోవచ్చు.

పండుగ సీజన్ నేపథ్యంలో ‘మొబీక్విక్’ పేమెంట్ ద్వారా రైలు టికెట్ బుక్ చేసినప్పుడు 10 శాతం డిస్కౌంట్‌ పొందవచ్చు. అలాగే, పేటీఎం కూడా తమ గేట్‌వే ద్వారా టికెట్ బుక్ చేసుకునే వినియోగదారులకు రూ.100 వరకు క్యాష్‌బ్యాక్‌ అందిస్తోంది. ఫ్లిప్‌కార్ట్‌కు చెందిన ఫోన్‌పే కూడా రూ.100 క్యాష్‌బ్యాక్ ఇస్తుంది. దీనితోపాటు మొదటి రెండు ట్రాన్సాక్షన్లకు రూ.50 రాయితీ ఇవ్వనుంది.

డిస్కౌంట్ పొందడం ఎలా?:
• ఐఆర్‌సీటీసీ వెబ్‌సైట్ లేదా యాప్‌లోకి లాగిన్ కావాలి.
• ప్రయాణ వివరాలు నమోదు చేయాలి.
• క్యాప్చా కోడ్ నమోదు చేసి, ప్రొసీడ్ పేమెంట్ మీద క్లిక్ చేయాలి.
• పేమెంట్ మోడ్‌లో ఇ-వాలెట్ ఆప్షన్ ఎంపిక చేసుకోవాలి.
• వాలెట్‌ కేటగిరిలో పేటీఎం లేదా మొబిక్విక్ లేదా మీకు ఎలాంటి రాయితీ కావాలో తెలుసుకుని వాటి ద్వారా పేమెంట్ చేయాలి.

గమనిక: ఈ ఆఫర్లను పేమెంట్ గేట్‌వేలు ఉపసంహరించుకునే అవకాశాలూ ఉన్నాయి. ఈ నేపథ్యంలో టికెట్ బుక్ చేసుకునే ముందు ఆయా యాప్‌లలో ఈ రాయితీలు ఉన్నాయో లేదో తెలుసుకోగలరు.