మెగ్నటిక్ హిల్: వాహనాలను వెనక్కి లాగేసే పర్వతం!

భూమికి ఆకర్షణ శక్తి ఉందని తెలుసు. కానీ, అది వస్తువులను అయస్కాంతంలా లాగేసేంత శక్తయితే కాదని మనకు తెలుసు. అయితే, కెనడాలోని మాంక్‌టన్ అనే ప్రాంతంలో ఉన్న పర్వతంపై వాహనాల ఇంజిన్ నిలిపేసినా సరే.. వాటికవే వెనక్కి నడవటం ఆశ్చర్యం కలిగించే విషయం. సాధారణంగా కొండపై నుంచి కిందికి దిగేప్పుడు ఇంజిన్ ఆపేసినా వాహనాలు వాటికవే కిందికి దిగిపోతాయి.

కానీ, అక్కడ మాత్రం వాహనాల ఇంజిన్ ఆపేసినా కొండపైకి ఎక్కేస్తాయి. అది కూడా రివర్స్‌లో. ఇది కాస్త వింతగానే ఉన్నా... నమ్మలేని నిజం. ఇలా వాహనాలను ఆకర్షిస్తు్న్న ఆ పర్వతాన్ని ‘మాగ్నిటిక్ హిల్’గా పిలుస్తున్నారు. అయితే, ఇక్కడ వాహనాలు ఎందుకు వాటికవే వెనక్కి నడుస్తున్నాయనేది ఇప్పటికీ అంతు తెలియని ప్రశ్న. ఆ వింతను చూడాలని ఉందా? అయితే ఈ వీడియో చూడండి.